Dw 15:2 - BAEBOLO ANZƐƐ BULUKU NWUANZANWUANZA

² Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Dw 15:2 ပူးပေါင်းရင်းမြစ်များ

Dwobu Buluku ne 17:9

Noko tenlenenli die to nu kɛ ɔle fɔɔnwo, yɛɛ mɔɔ ɛnle ɛtanevolɛ la nyi anwosesebɛ nu.

Edwɛndolɛ Buluku ne 92:14

Bɛyɛ mrelera bɔbɔ a, bɛso ma, dahuu bɛle duhuduhu yɛɛ nzule wɔ bɛ nu,

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Ayezaya Buluku ne 27:9

Yemɔti debie mɔɔ Yizilayɛma yɛ a bɛkɛva bɛ ɛtane bɛkɛhyɛ bɛ la a le ɛhye: saa bɛbubu awozonle azukponle ne mɔ, bɛti bɛ motomoto kɛ munlutu, bɛbubu bɛ bozonle raalɛ Ahyela ne sɛkɛlɛneɛ anzɛɛ ɛyɛlɛ ɛkpunlɛ azukponle ne mɔ mɔɔ biala ɛnle ɛkɛ ne bieko la a, bɛkɛva bɛ ɛtane ne mɔ kɔsɔɔti bɛkɛhyɛ bɛ.

Ayezaya Buluku ne 29:19

Sonla mɔɔ le bɛlɛvo la banyia anyelielɛ fofolɛ bie wɔ Ɛdɛnkɛma ati, na Yizilayɛ Nwuanzanwuanza Ko ne ati, ehyianvolɛma mɔɔ wɔ menli avinli la ali fɛlɛko.

Daneɛle Buluku ne 11:35

Bɛdabɛ mɔɔ bɛze nrɛlɛbɛ la bie mɔ badu koti, amaa bɛahakyi bɛ subane nee bɛ nyɛleɛ na bɛ nwo ade saanwu ahɔkpula kɛ mekɛ ne kɛdwu la, ɔluakɛ mekɛ ne mɔɔ Nyamenle ɛhyehyɛ ɛdo ɛkɛ ne la ɛtɛdwule.

Hozia Buluku ne 6:3

Bɛmaa yɛbɔ mɔdenle yɛnwu Ɛdɛnkɛma. Nɔhalɛ, ye ɛralɛ ɛnli mgbanwo, kɛmɔ alehyenlɛ ɛnli mgbanwo la. Ɔbara kɛ nyenyensuo nyenye doɔloa azɛlɛ ye la.”

Malakae Buluku ne 3:3

Ɔbadɛnla aze kɛ dwinvolɛ mɔɔ tu dwɛtɛ fufule nu la. Ɔbadu Livaema anu na yeabolo bɛ nwo kɛ ezukoa nvutuke anzɛɛ yeahwi bɛ nwo kɛ dwɛtɛ fufule, kɔdwu mekɛ mɔɔ bɛkɛva nɔhalɛ azubɔlɛ ninyɛne bɛkɛmaa Ɛdɛnkɛma la.

Edwɛkpa ne kɛmɔ Mateyu hɛlɛle la 13:12

Ɔluakɛ mɔɔ lɛ bie la bɛkɛmaa ye bie dɔɔnwo bɛkɛboka nwolɛ, na mɔɔ ɛnlɛ bie la bɛkɛlie ekyi ne bɔbɔ mɔɔ ɔlɛ la ɔ sa nu.

Edwɛkpa ne kɛmɔ Mateyu hɛlɛle la 13:33

Gyisɛse bule ɛrɛlɛ bieko kɛ, “Anwuma Belemgbunlililɛ ne le kɛ mgbɔvonle mɔɔ raalɛ fa wula ɛdɔkɛ nu fɔtɔ la. Ɔmaa ɛdɔkɛ ne amuala tu.”

Edwɛkpa ne kɛmɔ Mateyu hɛlɛle la 15:13

Gyisɛse buale kɛ, “Baka biala mɔɔ tɛ Egya mɔɔ wɔ anwuma la a luale la bɛbadu ye bɛado aze.

Edwɛkpa ne kɛmɔ Mateyu hɛlɛle la 21:19

Ɔnwunle feege baka bie kɛ ɔgyi adehane ne, ɔhɔle ɔ bo la yeannwu ma ko bɔbɔ wɔ zolɛ kɛ nya ngome a yewula a. Yemɔti ɔzele baka ne kɛ, “Ɛnrɛzo ma bieko ɛlɛ!” Na ɛkɛ ne ala feege baka ne nwosonle.

Edwɛkpa ne kɛmɔ Mateyu hɛlɛle la 25:29

Ɔluakɛ mɔɔ lɛ bie la, bɛkɛmaa ye bie dɔɔnwo bɛkɛboka nwolɛ, na ɔkɛnyia ye molozo; na mɔɔ ɛnlɛ bie dɔɔnwo la, ekyi ne bɔbɔ mɔɔ ɔlɛ la, bɛkɛlie ye ɔ sa nu.

Edwɛkpa ne kɛmɔ Mateyu hɛlɛle la 3:10

Bɛzi akuma mɔɔ bɛfa bɛadudu mbaka wɔ bɛ ndinli bo a. Ɛhye ati baka biala mɔɔ anzo ma kpalɛ la bɛkɛdu ye bɛkɛdo na bɛkɛvuandi ye bɛkɛdo senle nu.

Edwɛkpa ne kɛmɔ Mateyu hɛlɛle la 3:12

Ɔlɛ ye akegyebɛ ɔ sa nu; ɔbava yeahegye ma ne amuala; ɔbaboɔboa kpalɛ ne anloa yeahɔgua ye bonwolo ne azo na yeayela abonle ne wɔ senle mɔɔ ɛnnu ɛlɛ la anu.”

Edwɛkpa ne kɛmɔ Mateyu hɛlɛle la 7:19

Baka biala mɔɔ ɛnzo ma kpalɛ la bɛpɛ ye bɛto na bɛfa bɛwuda senle.

Edwɛkpa ne kɛmɔ Maake hɛlɛle la 4:20

Akee menli ne bie mɔ noko le kɛ ma ne mɔɔ gua azɛlɛ kpalɛ zo la. Menli ɛhye mɔ te edwɛkɛ ne, bɛdie bɛto nu, na bɛso ma: bie mɔnwo abulasa, bie mɔnwo abulasia, yɛɛ bie mɔnwo ɛya.”

Edwɛkpa ne kɛmɔ Luku hɛlɛle la 8:13

Ma ne mɔɔ guale awolɛ nu la a le bɛdabɛ mɔɔ bɛte edwɛkɛ ne a bɛfa fɛlɛko bɛdie noko ɔnwolowolo bɛ kpalɛ la. Bɛdie bɛdi wɔ mekɛ ekyi bie ala na kɛ sɔnea ba la ɛnee bɛkpo aze.

Dw 15:1

“Mame a mele vanye baka kpalɛ ne a, yɛɛ Egya a le tola ne amenle a.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 15:3

Ngilehilelɛ mɔɔ meva memaa bɛ la ɛziezie bɛ ɛwie.

Dw 15:6

Awie biala mɔɔ andɛnla me nu la bɛfuandi ye bɛto kɛ baka ɛhane mɔɔ bɛpɛ la; ɔwe na ɔkyengye. Mbaka ngane mɔɔ le zɛhae la, bɛboɔboa bɛ nloa na bɛfuandi bɛ bɛgua senle nu bɛyela bɛ.

Dw 15:8

Saa bɛyɛ Nyamenle ɛhulolɛdeɛ a, ɛnee bɛlɛye Egya anyunlunyia bɛahile; na ye zɛhae azo a bɛlua a bɛkɛhile kɛ bɛle me ɛdoavolɛma a.

Dw 17:12

Mɔɔ ɛnee me nee bɛ de la, menziele bɛ gyɛlɛɛnye wɔ wɔ duma ne mɔɔ ɛvale ɛmanle me la tumi nu. Membɔle bɛ nwo bane, na ko bɔbɔ amminli, kyesɛ kokye ne, Dwudase musuofoɔ ala mɔɔ ɔwɔ kɛ minli la, amaa Nyamenle Edwɛkɛ ne ayɛ nɔhalɛ.

Wulo 11:17

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

Wulo 11:22

Ɛhye maa yɛnwu kɛ Nyamenle si se anwunvɔne na eza ɔ sa yɛ ɛnlomboɛ la. Ɔ sa yɛ ɛnlomboɛ maa bɛdabɛ mɔɔ bɛkpo aze la, noko saa bɛtɛnla ye kpalɛyɛlɛ ne abo dahuu a, anrɛɛ ɔkɛze bɛ anwunvɔne. Na saa bɛanyɛ ye zɔhane a ɔbakpanekpane bɛdabɛ noko yeagua.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.