Dw 15:11 - BAEBOLO ANZƐƐ BULUKU NWUANZANWUANZA

¹¹ “Meha ɛhye mehile bɛ, amaa me fɛlɛkolilɛ adɛnla bɛ nu na bɛdabɛ noko bɛ fɛlɛkolilɛ ne ali munli.

Dw 15:11 ပူးပေါင်းရင်းမြစ်များ

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 62:4

Bɛnrɛvɛlɛ wɔ “Bɛkpo wɔ ” bieko, Yɛɛ bɛnrɛha kɛ wɔ azɛlɛ ne “Ɛdɔ mgbane” bieko; Na bɛbavɛlɛ wɔ “Me anyelielɛ wɔ wɔ nuhua,” Na bɛavɛlɛ wɔ azɛlɛ ne “Awuvolɛ.” Ɔluakɛ Ɛdɛnkɛma anye die ɛ nwo, Yɛɛ wɔ azɛlɛ ne bayɛ awuvolɛ.

Gyɛlɛmaya Buluku ne 32:41

Me nye balie nwolɛ kɛ menwɔnlea bɛ boɛ, yɛɛ mebava me ahonle muala nee me ɛkɛla muala mearalua bɛ muala ɛke wɔ nɔhalɛlilɛ nu.

Gyɛlɛmaya Buluku ne 33:9

Na Gyɛlusalɛm bayɛ anyelielɛ, ayɛlɛyelɛ, yɛɛ anyunlunyia ɛleka amaa me wɔ maanle maanle kɔsɔɔti anye zo. Maanle biala mɔɔ bade kpalɛ mɔɔ meyɛ memaa suakpole ye la bazulo, ɔ nwo awozo ye wɔ nyele mɔɔ meyɛ memaa ye nee ɛkpazilɛ mɔɔ memaa suakpole ne ɛkpazi la ati.”

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Edwɛkpa ne kɛmɔ Luku hɛlɛle la 15:23

Akee bɛhɔva ɛnlankɛ ralɛ mɔɔ ɛlɔ kpalɛ la bɛrahu ye bɛmaa yɛlie yɛ nye.

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Edwɛkpa ne kɛmɔ Luku hɛlɛle la 15:5

Saa ɔnwu ye a, ɔdi fɛlɛko, na ɔfa ye ɔto ɔ kɔme zo,

Edwɛkpa ne kɛmɔ Luku hɛlɛle la 15:9

Saa ɔnwu ye a, ɔfɛlɛvɛlɛ ɔ gɔnwo mɔ nee ye kpalɛzo amra, na ɔse bɛ kɛ, ‘Ɔyɛ me fɛ kɛ menwu me kpɔba ne mɔɔ minlinle la. Bɛmaa yɛlie yɛ nye!’

Dw 16:24

Toonwo mɔɔ yeradwu bekezɛ la, bɛtɛbizale debie biala wɔ me duma nu; bɛbiza na bɛ sa kɛha ye, amaa bɛ fɛlɛkolilɛ ne ali munli.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 17:13

Kɛkala melɛba ɛ nwo lɔ, yɛɛ melɛka ɛhye mɔ noko wɔ ewiade ye anu, amaa bɛ nye alie me nwo kpole wɔ bɛ ahonle nu.

Dw 3:29

Atɔfolɛ nrenya ne a le mɔɔ gya atɔfolɛ ne la, saa atɔfolɛ nrenya ne agɔnwo ne mɔɔ gyi ahane la te atɔfolɛ nrenya ne ane a, ɔ nye die. Me fɛlɛkolilɛ ne, ye munlililɛ kɛ de la ɛne.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

2 Kɔl 1:24

Tɛ kɛ asɛɛ yɛkile bɛ debie mɔɔ ɔwɔ kɛ bɛdie bɛdi la ɔ, ɔluakɛ bɛlɛ diedi ne anu kpundii. Yɛ nee bɛ a ɛlɛyɛ gyima ne a wɔ bɛ kpalɛyɛlɛ ti.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:25

Mesi pi wɔ ɛhye anwo, na meze kɛ metɛnyianle metɛwule. Meze kɛ me nee bɛ yɛ muala yɛbadɛnla, na bɛanyia ngɔzo na bɛ nye alie wɔ diedi nu,

1 Tɛs 5:16

Dahuu bɛmaa bɛ nye ɛlie,

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

1 Dw 1:4

Yɛlɛkɛlɛ ɛhye mɔ amaa yɛ anyelielɛ ne ali munli.

2 Dw 1:12

Melɛ edwɛkɛ dɔɔnwo meka mekile bɛ, noko akee menrɛhulo kɛ menwɔva kɛlata nee ɛnke menwɔhɛlɛ; me nye la kɛ ɔnrɛhyɛ na meara bɛ nwo lɔ na yɛava edwɛkɛ ne mɔ yɛali adwelie, na yɛ fɛlɛkolilɛ ne ali munli.