Dw 15:10 - BAEBOLO ANZƐƐ BULUKU NWUANZANWUANZA

¹⁰ Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

Dw 15:10 ပူးပေါင်းရင်းမြစ်များ

2 Sam 22:22

Meli Ɛdɛnkɛma mɛla ne mɔ azo, metɛkakyile me nzi metɛsile me Nyamenle amumuyɛ nu.

2 Arl 18:6

Ɔlile nɔhalɛ ɔmanle Ɛdɛnkɛma, yeandu ye edwɛkɛ zo ɛlɛ. Ɔlile mɛla ne mɔ mɔɔ Ɛdɛnkɛma vale manle Mosisi la azo kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:6

Na Mosisi nee Aalɔn yɛle ye zɔhane, kɛmɔ Ɛdɛnkɛma zele bɛ la.

Ayezaya Buluku ne 50:5

Awulae Nyamenle ɛbuke me nzo, yɛɛ meande ɔ nwo atua, meangakyi me nzi meanzi ye.

Dw 10:18

Awie ɛngola ɛnye me ngoane. Medame me ngome a mekola megyakyi nu a. Melɛ adenle mekola mefa memaa, yɛɛ melɛ adenle mefa me debie bieko. Mɔɔ Egya ɛhyehyɛ ɛmaa me kɛ ɔwɔ kɛ meyɛ la ɛne.”

Dw 12:49

Ɔle zɔhane, ɔboalekɛ tɛ medame me tumi zo a medua metendɛ a. Selɛ ne mɔɔ zoanle me la a kile me mɔɔ ɔwɔ kɛ meka la a;

Dw 14:15

“Saa bɛkulo me a, bɛbali me mɛla ne mɔ azo.

Dw 14:21

“Awie biala mɔɔ kɛlie me mɛla ne mɔ na ɔkɛli zolɛ la, yemɔ a kulo me a. Egya bahulo awie biala mɔɔ kulo me la, na medame noko mebahulo ye na meaye me nwo meahile ye.”

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 14:31

noko ɔwɔ kɛ ewiade nwu kɛ mekulo Selɛ ne; yemɔti meyɛ debie biala mɔɔ ɔkɛze me la. “Bɛdwazo bɛmaa yɛhɔ.”

Dw 17:4

Mehile wɔ anyunlunyia ne wɔ azɛlɛ ye azo; mewie gyima mɔɔ ɛvale ɛmanle me la di.

Dw 4:34

Gyisɛse zele bɛ kɛ, “Me aleɛ a le kɛ menwɔli mɔɔ zoanle me la ɛhulolɛdeɛ zo na menwɔwie gyima mɔɔ ɔvale ɔmanle me kɛ menyɛ la yɛ.

Dw 8:29

Eza mɔɔ zoanle me la nee me lua. Ɔtɛgyakyile me, ɔluakɛ dahuu meyɛ mɔɔ ɔkpondɛ la.”

Dw 8:55

Bɛtɛnwunle ye ɛlɛ, na mame meze ye. Saa meka kɛ menze ye a, ɛnee mebɔ adalɛ kɛ bɛdabɛ la. Meze ye, yɛɛ medi ye edwɛkɛ zo.

1 Kɔl 7:19

Ɔluakɛ bɛyɛ wɔ mrenyanu nzonlɛ o, bɛanyɛ o, ɔngyia. Debie mɔɔ hyia la a le Nyamenle mɛla ne mɔ azo ɛlilɛ.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

2 Pit 2:21

Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.

1 Dw 2:3

Saa yɛdi ye mɛla ne mɔ azo a, ɛnee amgba yɛze ye.

1 Dw 2:5

Sonla mɔɔ di Nyamenle edwɛkɛ ne azo la, yemɔ a le sonla ne mɔɔ Nyamenle ɛhulolɛ ne di munli wɔ ye nu la. Adenle ɛhye azo a yɛdua yɛnwu ye kpalɛ kɛ yɛ nee Nyamenle le agɔnwolɛ a.

1 Dw 2:6

Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.

1 Dw 5:3

Ɔluakɛ saa yɛdi Nyamenle mɛla ne mɔ azo a ɛnee yɛkulo Nyamenle, yɛɛ ye mɛla ne mɔ noko ɛnyɛ ɛnlomboɛ mɔɔ bu sonla kɔme a,

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.