Dw 15:1 - BAEBOLO ANZƐƐ BULUKU NWUANZANWUANZA

¹ “Mame a mele vanye baka kpalɛ ne a, yɛɛ Egya a le tola ne amenle a.

Dw 15:1 ပူးပေါင်းရင်းမြစ်များ

Sɔlɔmɔn Edwɛne 7:12

Yɛbadwazo ndɛ yɛahɔ vanye egyinli ne mɔ anu yɛahɔnlea saa vanye mbaka ne mɔ ɛyeye nya, saa bɛ ndotolo ne mɔ ɛkpukekpuke, na mbaka mɔɔ le kɛ akutue la ɛbɔ ndotolo a. Na ɛkɛ ne yɛɛ mebava me ahonle kɔsɔɔti meamaa wɔ a.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 60:21

Menli ne amuala bayɛ tenlenema; Bɛbava azɛlɛ ne bɛayɛ bɛ ɛdeɛ dahuu. Medame a menzole bɛ a, bɛle me sa anloa gyima, Amaa bɛawula me anyunlunyia.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Gyɛlɛmaya Buluku ne 12:10

Mboaneneavolɛma dɔɔnwo ɛzɛkye me vanye egyinli ne, bɛtietia me vanye mbaka ne mɔ azo, bɛmaa me azɛlɛ kɛnlɛma ne ɛhakyi ɛsɛlɛ.

Gyɛlɛmaya Buluku ne 2:21

Noko memkpale nu menyele bɛ kɛ vanye ma mɔɔ anwo le kɔlɔnwo na menluale bɛ. Na kɛ ɔyɛ mɔɔ akee bɛwie ye zɛhae, na bɛyɛ vanye nyinli ɛ?

Yizikeɛle Buluku ne 19:10

Ɛnee bɛ nli le kɛ vanye baka mɔɔ bɛlua ye wɔ azule nloa. Ɔnyia nzule dɔɔnwo la ati, ɔwula nya dɔɔnwo, ɔso ma dɔɔnwo.

Hozia Buluku ne 10:1

Yizilayɛma le kɛ vanye mbaka mɔɔ so kposekpose la. Mekɛ mɔɔ bɛ nwo ɛlɛso la, ɛnee bɛlɛsisi azukponle dɔɔnwo. Mekɛ mɔɔ maanle ne ɛlɛkpazi la, ɛnee bɛlɛsisi awolɛ mpila dɔɔnwo mɔɔ bɛsonle nwolɛ la.

Zɛkalaya Buluku ne 3:8

Akee tie, Dwɔhyua, wɔmɔ a ɛle Sɛlɛvolɛ Kpanyinli a, ɛ nee ɛ gɔnwo mɔ mɔɔ dede ɛ nyunlu ɛke la amuala, bɛdie, ɔboalekɛ bɛle menli mɔɔ saleɛ doa bɛ a. Mebaye me sonvolɛ ne mɔɔ bɛfɛlɛ ye Baka Ɛhane la meahile bɛ!

Edwɛkpa ne kɛmɔ Mateyu hɛlɛle la 15:13

Gyisɛse buale kɛ, “Baka biala mɔɔ tɛ Egya mɔɔ wɔ anwuma la a luale la bɛbadu ye bɛado aze.

Edwɛkpa ne kɛmɔ Mateyu hɛlɛle la 20:1

Gyisɛse vale zɔle zolɛ kɛ, “Kɛ Anwuma Belemgbunlililɛ ne de la a le ɛhye: Kenle ko nwonlomɔ nrenya bie vindele kɛ ɔkabɔ menli ɛkpa yeamaa bɛahɔyɛ gyima wɔ ye vanye egyinli nu.

Edwɛkpa ne kɛmɔ Mateyu hɛlɛle la 21:33

Eza Gyisɛse zele bɛ kɛ, “Bɛdie ɛrɛlɛ ɛhye noko. Azɛlɛ menle bie yɛle ye vanye egyinli na ɔhyele nwolɛ ɔyiale. Ɔdule kuma mɔɔ bɛbahwihwi vanye ma ne anu nzule bɛagua nu la, na ɔzile tawa tendenle ko mɔɔ bɛgyinla zo bɛsinza egyinli ne la. Akee ɔvale egyinli ne ɔwulale abunsama asa anu na ɔdule adenle ɔhɔle maanle fofolɛ nu.

Edwɛkpa ne kɛmɔ Maake hɛlɛle la 12:1

Gyisɛse akee dendɛle hilele bɛ wɔ mrɛlɛ nu zele kɛ, “Nrenya bie zonle ye ɛya, ɔluale vanye ma wɔ nu na ɔhyele nwolɛ, ɔdule kuma mɔɔ bɛbahwihwi vanye ma ne anu nzule bɛagua nu la, na ɔzile tawa mɔɔ bɛfo zo bɛsinza egyinli ne la wɔ nu. Akee ɔvale egyinli ne ɔwulale abunsama asa anu na ɔdule ye adenle.

Edwɛkpa ne kɛmɔ Luku hɛlɛle la 13:6

Akee Gyisɛse bule bɛ ɛrɛlɛ ɛhye. Ɔse, “Ɛnee nrenya bie lɛ feege baka wɔ ye vanye tola bie anu. Na ɔhɔle kɛ ɔkakpondɛ ma wɔ zolɛ na yeannyia bie.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 1:9

Edwɛkɛ ne a le nɔhalɛ wienyi ne mɔɔ ta menli kɔsɔɔti anwo zo na ɔba ewiade la.

Dw 15:2

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Dw 6:32

Gyisɛse zele bɛ kɛ, “Meka nɔhalɛ ne meahile bɛ: tɛ Mosisi a vale aleɛ ne mɔɔ vi anwuma la manle bɛ a; Egya a maa bɛ aleɛ kpalɛ mɔɔ vi anwuma la a.

Dw 6:55

Ɔluakɛ me nwonane ne a le aleɛ kpalɛ ne a, yɛɛ me mogya ne a le nzule kpalɛ ne a.

Wulo 11:17

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

1 Dw 2:8

Noko akee melɛkɛlɛ mɛla fofolɛ mearɛlɛ bɛ mɔɔ le nɔhalɛ wɔ Kelaese nee bɛdabɛ noko bɛ nu a, ɔboalekɛ awozinli ne ɛlɛse, na nɔhalɛ wienyi ne ɛbɔ ɔ bo ɛlɛta.