Dw 14:6 - BAEBOLO ANZƐƐ BULUKU NWUANZANWUANZA

⁶ Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 14:6 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 1:4

Ngoane kɔsɔɔti vi Edwɛkɛ ne anu a ba a, na ngoane ɛhye a le menli wienyi ne a.

Dw 10:28

Memaa bɛ ngoane mɔɔ ɛnlɛ awieleɛ, yemɔti bɛnrɛwu ɛlɛ, yɛɛ awie ɛnrɛhola ɛnrɛlie bɛ ɛnrɛvi me sa nu.

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 10:9

Mame a mele anlenkɛ ne; mɔɔ kɛlua me nwo zo kɛhɔ nu la kɛnyia ngoane mɔɔ ɛnlɛ awieleɛ. Ɔbawolo nu na yeavinde yeahɔkpondɛ aleɛ.

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Dw 15:1

“Mame a mele vanye baka kpalɛ ne a, yɛɛ Egya a le tola ne amenle a.

Dw 18:37

Paelɛte zele ye kɛ, “Se ɛnee ɛle belemgbunli o!” Gyisɛse buale ye kɛ, “Ɛdawɔ ɛse mele belemgbunli. Na ɛhye ala ati yɛɛ bɛwole me bɛmanle membale ewiade ye anu a, kɛ membanli nɔhalɛ ne anwo daselɛ. Mɔɔ le nɔhalɛ ne ɛdeɛ la tie mɔɔ meka la.”

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 6:33

Ɔluakɛ aleɛ ne mɔɔ Nyamenle fa maa bɛ la a le sonla ne mɔɔ vi anwuma ɛdwu aze na ɔmaa ewiade amra ngoane mɔɔ ɛnlɛ awieleɛ la.”

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Dw 6:57

Egya mɔɔ zoanle me la de aze, yɛɛ ɔdaye ɔ ti melɛ ngoane. Zɔhane ala yɛɛ mɔɔ kɛva me kɛli la, medame me ti ɔkɛnyia ngoane a.

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Dw 8:32

bɛbanwu nɔhalɛ ne, na nɔhalɛ ne bamaa bɛanyia bɛ ti.”

Dw 8:51

Meka nɔhalɛ ne meahile bɛ: Mɔɔ kɛli me edwɛkɛ zo la ɛnrɛwu ɛlɛ.”

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Ɛzoanvolɛma Gyima ne 9:2

na ɔhɔliele tumi ngɛlɛta kɛ ɔkɔ Dɛmasekɛse nyianu azua ne mɔ anu yeahɔhye bɛdabɛ mraalɛ nee mrenya mɔɔ bɛlua Awulae Adenle ne azo la, yeakyekye bɛ, ɔ nee bɛ ara Gyɛlusalɛm.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18

Ɔlua Gyisɛse anwo zo yɛɛ yɛ muala, Dwuuma nee bɛdabɛ mɔɔ bɛnle Dwuuma la yɛkola yɛdua Sunsum ko ne ala azo yɛkɔ Selɛ ne anyunlu a.

Kɔlɔ 2:17

Ɛhye mɔ amuala le ninyɛne mɔɔ bara la ɛlawolɛ; bɛ kpalɛ kpalɛ ne a le Kelaese.

Kɔlɔ 2:9

Ɔluakɛ Nyamenle su ne de Kelaese sonlabaka ne nu,

Kɔlɔ 3:4

Yɛ ngoane a le Kelaese, yemɔti mekɛ mɔɔ Kelaese kɛra la bɛdabɛ noko bɛ nee ye kɛra anyunlunyia nu.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Kɛlata mɔɔ bɛhɛlɛle bɛhɔmanle Hibuluma la 9:8

Sunsum Nwuanzanwuanza ne ngilehilelɛ mɔɔ wɔ ngyekyeleɛ ɛhye anwo la kile kɛ suzuamgba ala mɔɔ findezo ndanlɛ sua ne ɛtɛyele ɛkɛ ne la, adenle biala ɛnle ɛkɛ mɔɔ bɛfa nu bɛkɔ Nwuanzanwuanza nu Nwuanzaanwu Ɛleka ne a.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 2:4

Bɛrɛla Awulae ɛkɛ. Yemɔ a ɔle Tease Bolɛ ne mɔɔ ewiade amra kpole ye kɛ ɔle debie mgbane na Nyamenle noko ɛkpa nu ɛye ye kɛ ɔle bolɛ mɔɔ anwo hyia la a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Dw 1:8

Saa yɛka kɛ yɛnyɛ ɛtane a, ɛnee yɛbɛlɛbɛla yɛ nwo, yɛɛ yɛnga nɔhalɛ.

1 Dw 2:23

Awie biala mɔɔ ɛnlie Ralɛ ne ɛndo nu la ɛnlie Selɛ ne ɛndo nu, na awie biala mɔɔ die Ralɛ ne to nu la, ɛlie Selɛ ne noko ɛdo nu.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

1 Dw 5:6

Gyisɛse Kelaese a le mɔɔ luale ye ɛzɔnenlɛ nzule nee ye ewule mogya zo rale la. Tɛ nzule ngome a ɔluale zo a, ɔluale nzule nee mogya zo. Nyamenle Sunsum ne di daselɛ kɛ ɔle zɔhane, ɔboalekɛ Sunsum ne a le nɔhalɛ ne.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.

Yekile 20:15

Awie biala mɔɔ bɛangɛlɛ ye duma wɔ teasema buluku ne anu la, bɛvuandinle ye bɛdole senle tandane ne anu.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.