Dw 14:2 - BAEBOLO ANZƐƐ BULUKU NWUANZANWUANZA

² Egya awuke nu ɛkɛ ne, azua ngome; mekɔ meahɔziezie ɛleka meamaa bɛ. Saa ɔnle zɔhane a anrɛɛ menrɛha menrɛhile bɛ.

Dw 14:2 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 14:22

Yeangyɛ biala yɛɛ sonvolɛ ne ziale rale a na ɔrahanle ɔhilele ɔ menle ne kɛ, ‘Yɛmenle, mɔɔ ɛhanle la meyɛ ye zɔhane, noko ɛleka tɛbɔ ɛkɛ ne.’

Dw 13:33

Me mra, me nee bɛ ɛnrɛdɛnla ɛnrɛhyɛ. Bɛbakpondɛ me, na mɔɔ menganle mengilele Dwuu mgbanyima ne mɔ la yɛɛ meka meahile bɛdabɛ noko a. ‘Bɛnrɛhola ɛleka mɔɔ melɛkɔ la kɔ’.

Dw 13:36

Saemɔn Pita bizale ye kɛ, “Awulae, na nienwu a ɛkɔ a?” Gyisɛse buale ye kɛ, “Kɛkala, ɛleka mɔɔ melɛkɔ la, ɛnrɛhola me toa, na nzinlii ɛbadoa me lɔ.”

Dw 14:28

Bɛdele kɛ meha kɛ, ‘Melɛkɔ na mebara bieko.’ Saa bɛhulole me a, anrɛɛ bɛ nye ɛlie kɛ melɛkɔ Selɛ ne anwo lɔ a, ɔboalekɛ yemɔ, ɔle kpole ɔtɛla me.

Dw 16:4

Na meha ɛhye mɔ mehile bɛ, amaa saa mekɛ ne dwu na bɛlɛfa bɛayɛ bɛ a, bɛahakye kɛ menganle mengilele bɛ. “Meanga ɛhye mɔ meangile bɛ alumua ne, ɔboalekɛ ɛnee me nee bɛ a de a.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Ɛzoanvolɛma Gyima ne 9:16

Na medame mebahile ye amaneɛ mɔɔ ɔbanwu ye wɔ me duma nu la.”

2 Kɔl 5:1

Yɛze kɛ saa bɛgolo yɛ nwonane sua ye mɔɔ yɛde nu la bɛgua aze kɛ ndanlɛ sua wɔ ewiade ye anu a, Nyamenle bamaa yɛ sua mɔɔ bɛanva ɛsalɛ bɛanzi, na ɔwɔ ɛkɛ ne dahuu la wɔ anwuma.

1 Tɛs 5:9

Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Kɛlata mɔɔ bɛhɛlɛle bɛhɔmanle Hibuluma la 11:10

Ɔluakɛ ɛnee Ebileham ɛlɛkendɛ Nyamenle ɔdaye ye Suakpole ne mɔɔ yehyehyɛ, yewula ye aze na yekyekye la.

Kɛlata mɔɔ bɛhɛlɛle bɛhɔmanle Hibuluma la 13:14

Ɔluakɛ wɔ azɛlɛ ye azo, yɛnlɛ suakpole biala mɔɔ gyi ɛkɛ ne kpɔkpɔ a; yɛ nye la suakpole kpalɛ bie mɔɔ bara la ade.

Kɛlata mɔɔ bɛhɛlɛle bɛhɔmanle Hibuluma la 6:20

Ɛleka ɛhye yɛɛ Gyisɛse, ɔlua yɛdayɛ yɛ ti, yelumua lɔ, yehɔyɛ Sɛlɛvolɛ Kpanyinli, kɛmɔ Mɛlekezidɛke la a.

Kɛlata mɔɔ bɛhɛlɛle bɛhɔmanle Hibuluma la 9:8

Sunsum Nwuanzanwuanza ne ngilehilelɛ mɔɔ wɔ ngyekyeleɛ ɛhye anwo la kile kɛ suzuamgba ala mɔɔ findezo ndanlɛ sua ne ɛtɛyele ɛkɛ ne la, adenle biala ɛnle ɛkɛ mɔɔ bɛfa nu bɛkɔ Nwuanzanwuanza nu Nwuanzaanwu Ɛleka ne a.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 21:2

Na menwunle Suakpole Nwuanzanwuanza ne, mɔɔ le Gyɛlusalɛm fofolɛ ne, kɛ ɔvi Nyamenle ɛkɛ ne wɔ anwuma na bɛlɛdwula ye aze, bɛziezie ye kɛ atɔfolɛ mɔɔ bɛyɛ ye hyeleenyi na ɔkayia ɔ hu adenle la.

Yekile 3:12

Sonla mɔɔ kɛli konim la, mebayɛ ye me Nyamenle Ɛzonlenlɛ Sua nu sika, na yeadɛnla ɛkɛ ne dahuu. Mebahɛlɛ me Nyamenle ne duma nee me Nyamenle ne suakpole ne, mɔɔ le Gyɛlusalɛm fofolɛ ne, mɔɔ vi me Nyamenle ne ɛkɛ ne wɔ anwuma bara la duma wɔ ɔ nwo. Eza mebahɛlɛ me duma fofolɛ ne ɔ nwo.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.