Dw 14:12 - BAEBOLO ANZƐƐ BULUKU NWUANZANWUANZA

¹² Meka nɔhalɛ ne meahile bɛ: Awie mɔɔ kɛlie me kɛli la kɛyɛ gyima mɔɔ meyɛ la bie, yɛɛ ɔbayɛ mɔɔ tɛla ɛhye mɔ la bɔbɔ, ɔluakɛ melɛkɔ Selɛ ne anwo lɔ,

Dw 14:12 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 21:21

Gyisɛse buale kɛ, “Bɛhakye ɛhye! Saa bɛdie bɛdi na bɛanzu kpolera a, bɛkɛhola bɛkɛyɛ mɔɔ meyɛ feege baka ɛhye la bie. Bɔbɔ bɛkɛhola bɛkɛze boka ɛhye kɛ, ‘Tudu kɔdɔ nyevile nu’, na ɔkɛyɛ zɔhane.

Edwɛkpa ne kɛmɔ Maake hɛlɛle la 11:13

Ɔnwunle feege baka bie mɔɔ ɛwula buzuu la wɔ moa moa lɔ, na ɔhɔle nwolɛ saa ɔkɛnyia ma bie wɔ zolɛ a. Ɔhɔdwule nwolɛ la, nya ala a ɔnwunle ye wɔ zolɛ a, ɔluakɛ ɛnee mekɛ ɛtɛdwule mɔɔ zɔhane mbaka ne mɔ so a.

Edwɛkpa ne kɛmɔ Maake hɛlɛle la 16:17

Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile;

Dw 14:28

Bɛdele kɛ meha kɛ, ‘Melɛkɔ na mebara bieko.’ Saa bɛhulole me a, anrɛɛ bɛ nye ɛlie kɛ melɛkɔ Selɛ ne anwo lɔ a, ɔboalekɛ yemɔ, ɔle kpole ɔtɛla me.

Dw 16:7

Na meka nɔhalɛ ne meahile bɛ: Ɔle kpalɛ ɔmaa bɛ kɛ melɛkɔ a, ɔboalekɛ saa meangɔ a Boavolɛ ne ɛnrɛra bɛ nwo. Na saa mekɔ a, mebazoa ye wɔ bɛ nwo.

Dw 4:37

Ɛrɛlɛ ne le nɔhalɛ bɔkɔɔ, ‘Ko dua na ko bu.’

Dw 5:20

Ɔluakɛ Selɛ ne kulo Ralɛ ne, yɛɛ ɔkile ye mɔɔ ɔdaye mumua ne ɔlɛyɛ la amuala. Ɔbahile ye ninyɛne mgbole bɔbɔ mɔɔ tɛla ɛhye mɔ la yeamaa yeayɛ, na ɔbayɛ bɛ muala azibɛnwo.

Dw 7:33

Gyisɛse zele bɛ kɛ, “Me nee bɛ badɛnla mekɛ ekyi bie ala na akee meahɔ mɔɔ zoanle me la anwo lɔ.

Dw 7:39

Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Ɛzoanvolɛma Gyima ne 10:46

Ɔluakɛ bɛdele kɛ ɛnee bɛlɛka ɛdendɛlɛ ngakyile bɛahanvo Nyamenle ye bedevinli mɔɔ ɔde la. Na Pita manle ɔ ne zo zele kɛ,

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Ɛzoanvolɛma Gyima ne 19:12

Saa bɛfa ye hameteduku anzɛɛ ahedazo bɛkɔgua awuleravolɛ nwo zo a, bɛte kpɔkɛ, na sunsum ɛtane ne mɔ fi bɛ nwo nriandi.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 4:16

Bɛbizale bɛ nwo kɛ, “Menli ɛhye mɔ kɛ yɛyɛ bɛ ɛ? Awie biala mɔɔ de Gyɛlusalɛm ɛke la ze kɛ bɛmɛ a bɛyɛ nwanwane gyima mɔɔ le zɛhae a, yɛɛ yɛngola yɛnga kɛ ɔnle zɔhane.

Ɛzoanvolɛma Gyima ne 4:33

Na ɛzoanvolɛma ne vale tumi kpole lile Awulae Gyisɛse ewudwazo ne anwo daselɛ, na Nyamenle lole bɛ nyilalɛ dɔɔnwo.

Ɛzoanvolɛma Gyima ne 4:4

Na bɛdabɛ mɔɔ bɛdele edwɛkɛ ne la anu dɔɔnwo liele lile na bɛkɛyɛ mrenya apenle nnu.

Ɛzoanvolɛma Gyima ne 5:15

Na ɔlua ɛzoanvolɛma ne gyima zo, nzinlii ɛnee akee bɛsoa wuleravolɛma bɛbagua ɛkpa zo wɔ awɔdenle ne mɔ azo, amaa ngyengyene nu bie ala Pita se ɛkɛ a ye ɛlawolɛ adɔ bie anwo zo na ɔ nwo aza.

Ɛzoanvolɛma Gyima ne 6:7

Na Nyamenle edwɛkɛ ne akee nyinle kpole manle menli somaa rabokale bɛ nwo, na bɛyɛle dɔɔnwo wɔ Gyɛlusalɛm, yɛɛ eza sɛlɛvolɛma dɔɔnwo liele Edwɛkpa ne lile.

Ɛzoanvolɛma Gyima ne 8:7

ɔluakɛ ɔmanle sunsum ɛtane dɔɔnwo deɛdeanle nu na bɛvile menli somaa ne ala anwo. Menli mɔɔ ɛdwidwe nee abuburama dele kpɔkɛ,

Ɛzoanvolɛma Gyima ne 9:34

Na Pita zele ye kɛ, “Yiniase, Gyisɛse Kelaese ɛyɛ wɔ ayile. Dwazo na nyenya wɔ ɛkpa ne.” Na ɛkɛ ne ala Yiniase dwazole.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.