Dw 13:8 - BAEBOLO ANZƐƐ BULUKU NWUANZANWUANZA

⁸ Pita zele ye kɛ, “Menrɛmaa ɛnrɛnrinzi me gyakɛ anwo kenle bie maanle nu!” Gyisɛse buale ye kɛ, “Saa meanrinzi ɛ gyakɛ anwo a ɛnee ɛnle me ɛdoavolɛ bieko.”

Dw 13:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:38

Na Gyekɔbo zele kɛ, “Me ra ne nee bɛ ɛnrɛhɔ ɛnɛ nee ɛhyema. Ɔluakɛ ɔ diema ne ɛwu ɛmaa yeha ɔ ngome. Kɛkala mɔɔ mewie kpanyinli yɛ la, saa munzule bie to ye adenle nu wɔ bɛ adendulɛ ye anu a, bɛkɛmaa menwɔva nyane menwɔhɔ ewule nu.”

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

1 Arl 12:16

Yizilayɛma amuala nwunle kɛ Belemgbunli Rilihɔbowam ambu bɛ bie, yemɔti bɛhanle bɛhilele ye kɛ, “Duzu bɔbɔ yɛɛ yɛnyia ye wɔ Devidi abusua nu a? Yɛnlɛ agyadeɛ biala wɔ Gyesi anlɔnra ɛhye ɛkɛ. Yizilayɛma, awie biala ɛhɔ ye sua nu na bɛmaa Devidi anlɔnra ne ɛva ɔ nwo.” Ɛhye ati Yizilayɛma dele atua.

Edwɛndolɛ Buluku ne 51:2

Nrinzi me ninyɛndane ne mɔ amuala bɔkɔɔ, na te me nwo fi me ɛtane ne anwo.

Edwɛndolɛ Buluku ne 51:7

Fa nyinlanyinla nua me, na me nwo kɛde; bia me, na menwɔyɛ nwohyee menwɔdɛla ezukɔtweaba.

Ayezaya Buluku ne 4:4

Mekɛ ne anu Awulae bava ye ɛyelalɛ sunsum ne nee ye ndɛnebualɛ tumi ne abia Gyɛlusalɛmma anwo evinli ne amuala, na yeanrinzi mogya mɔɔ bɛha bɛgua Gyɛlusalɛm la amuala.

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Edwɛkpa ne kɛmɔ Mateyu hɛlɛle la 16:22

Pita vale Gyisɛse hɔle ahane na ɔbɔle ɔ bo kɛ ɔtwi ɔ nyunlu. Ɔse, “Awulae, kosoɛ! Nyamenle ɛkpa ɛgua! Ɛhye ɛnrɛzi ɛ nwo zo ɛlɛ!”

Edwɛkpa ne kɛmɔ Mateyu hɛlɛle la 21:29

Na ɔbuale ye kɛ, ‘Menrɛhɔ,’ Noko nzinlii ɔnlunle ɔ nwo na ɔhɔle.

Edwɛkpa ne kɛmɔ Mateyu hɛlɛle la 26:33

Pita zele Gyisɛse kɛ, “Saa bɛ muala bɛnriandi bɛgyakyi wɔ a me ngome ɛdeɛ, menrɛgyakyi wɔ ɛlɛ!”

Edwɛkpa ne kɛmɔ Mateyu hɛlɛle la 26:35

Pita buale kɛ, “Saa ewule nu bɔbɔ a, menrɛha ye ɛlɛ kɛ menze wɔ!” Na ɛdoavolɛma ne amuala hanle zɔhane ala.

Dw 13:6

Ɔradwule Saemɔn Pita anwo zo la, Pita bizale Gyisɛse kɛ, “Awulae, na akee wɔmɔ yɛɛ ɛnrinzi me gyakɛ anwo a?”

Dw 13:9

Saemɔn Pita zele ye kɛ, “Awulae, ɛnee noko mmanrinzi me gyakɛ anwo ala! Nrinzi me sa anwo nee me ti zo amuala noko!”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Mɛla 12:12

Na bɛ nee bɛ mra mrenya nee mraalɛ, bɛ sonvolɛ mrenya nee mraalɛ yɛɛ Livaema mɔɔ wɔ bɛ azua ne mɔ azo, mɔɔ ɛnlɛ agyadeɛ la, bɛ nye balie wɔ Ɛdɛnkɛma anyunlu.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 2:23

Ngyehyɛlɛ zɛhae mɔ ɔyɛ a zɔho kɛ gyi nrɛlɛbɛ zo wɔ bɛ anwuma soanvolɛma ɛzonlenlɛ nu, bɛ adalɛ anyelielɛ ne mɔɔ bɛnyia ye wɔ bɛ ngome bɛ nwo, nee nwonane ne nyanehilelɛ nwo la anu; na ɔmboa sonla ɔmmaa ɔngomo ɔ nwo zo. Bɛ nwonane nu atiakunluwɔzo ne bɔbɔ akee yɛ kpole.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.