Dw 13:3 - BAEBOLO ANZƐƐ BULUKU NWUANZANWUANZA

³ Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 13:3 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Luku hɛlɛle la 10:22

“Egya ɛva ninyɛne kɔsɔɔti ɛwula me sa nu. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.”

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 13:1

Gyisɛse nwunle kɛ akee mekɛ ɛdwu mɔɔ ɔwɔ kɛ ɔfi ewiade ɛhye anu na ɔkɔ Selɛ ne anwo lɔ a. Mekɛ ne anu ɛnee aleɛ kye a bɛkɛli Akpabɛnwo Ɛvoyia ne. Yehulo bɛdabɛ mɔɔ bɛle ye ɛdeɛ wɔ ewiade ye anu la dahuu, yɛɛ yehulo bɛ yehɔ awieleɛ.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 3:13

Awie biala noko ɛtɛkɔle anwuma lɔ kɛ Sonla Ra ne mɔɔ vi anwuma lɔ rale la ala.”

Dw 3:35

Selɛ ne kulo Ɔ Ra ne, na yeva ninyɛne muala yewula ɔ sa nu.

Dw 7:29

na mame meze ye, ɔboalekɛ mevi ɔ nwo lɔ a membale a yɛɛ ɔdaye a ɔzoanle me a.”

Dw 7:33

Gyisɛse zele bɛ kɛ, “Me nee bɛ badɛnla mekɛ ekyi bie ala na akee meahɔ mɔɔ zoanle me la anwo lɔ.

Dw 8:14

Gyisɛse buale kɛ, “Saa medi me nwo daselɛ bɔbɔ a, mɔɔ meka la le nɔhalɛ, ɔboalekɛ meze ɛleka mɔɔ mevi membale a, yɛɛ meze ɛleka mɔɔ melɛkɔ la. Bɛmɛ, bɛnze ɛleka mɔɔ mevi membale a yɛɛ bɛnze ɛleka mɔɔ melɛkɔ a.

Dw 8:42

Gyisɛse zele bɛ kɛ, “Saa amgba bɛ ze a le Nyamenle a, anrɛɛ bɛkulo me, ɔboalekɛ mevi Nyamenle anwo lɔ a membale a. Meamba me ti anwo adenle. Ɔdaye a ɔzoanle me a.

Ɛzoanvolɛma Gyima ne 2:36

“Zɔhane ati, bɛmaa Yizilayɛma amuala ɛnwu ye wienyi kɛ, Gyisɛse ɛhye mɔɔ bɛbɔle ye meanubaka nu la, yemɔ ala yɛɛ Nyamenle ɛyɛ ye Awulae nee Mɛzaya a.”

1 Kɔl 15:27

Ɔluakɛ Nyamenle Edwɛkɛ ne se, “Nyamenle ɛva ninyɛne kɔsɔɔti ɛwula ɔ gyakɛ abo.” Ɔle nɔhalɛ wienyi kɛ saa bɛka kɛ “bɛva ninyɛne kɔsɔɔti bɛwula ɔ gyakɛ abo” a, ɛnee ɔngile kɛ Nyamenle mɔɔ yemɔ a ɛva ninyɛne kɔsɔɔti ɛwula Kelaese agyakɛ abo la noko boka nwolɛ.

Kɛlata mɔɔ bɛhɛlɛle bɛhɔmanle Hibuluma la 1:2

na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.