Dw 13:29 - BAEBOLO ANZƐƐ BULUKU NWUANZANWUANZA

²⁹ Kɛmɔ Dwudase a ɛnee nea bɛ gya zo la ati, ɛdoavolɛma ne bie mɔ dwenlenle kɛ Gyisɛse ɛzoa ye kɛ ɔhɔtotɔ ninyɛne mɔɔ bɛbahyia nwolɛ wɔ ɛvoyia ne ɛlilɛ nu la, anzɛɛ yeha yehile ye kɛ ɔva debie ɔhɔmaa ehyianvolɛma.

Dw 13:29 ပူးပေါင်းရင်းမြစ်များ

Dw 13:1

Gyisɛse nwunle kɛ akee mekɛ ɛdwu mɔɔ ɔwɔ kɛ ɔfi ewiade ɛhye anu na ɔkɔ Selɛ ne anwo lɔ a. Mekɛ ne anu ɛnee aleɛ kye a bɛkɛli Akpabɛnwo Ɛvoyia ne. Yehulo bɛdabɛ mɔɔ bɛle ye ɛdeɛ wɔ ewiade ye anu la dahuu, yɛɛ yehulo bɛ yehɔ awieleɛ.

Dw 13:28

Awie biala mɔɔ de ɛkponle ne anwo la ande mɔɔ Gyisɛse hanle hilele Dwudase la abo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:10

Mɔɔ bɛzele yɛ la a le kɛ anrɛɛ yɛhakye na yɛboa mediema mɔɔ le ehyianvolɛma la, na ɛhye a le debie titile mɔɔ me nye bolole nwolɛ kɛ meyɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.