Dw 13:13 - BAEBOLO ANZƐƐ BULUKU NWUANZANWUANZA

¹³ Bɛfɛlɛ me Kilehilevolɛ nee Awulae, na ɔle kpalɛ kɛ bɛkɛvɛlɛ me zɔhane a, ɔluakɛ mele zɔhane.

Dw 13:13 ပူးပေါင်းရင်းမြစ်များ

Gyɛlɛmaya Buluku ne 1:12

Na Ɛdɛnkɛma zele me kɛ, “Nɔhalɛ ɔ, wɔnwu ye kɔsɔɔ, ɔluakɛ melɛnea meamaa me edwɛkɛ ne ayɛ zɔhane.”

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Luku hɛlɛle la 10:28

Gyisɛse zele ye kɛ, “Wɔbua ye boɛ; yɛ ye zɔhane ala na ɛkɛnyia ngoane mɔɔ ɛnlɛ awieleɛ.”

Edwɛkpa ne kɛmɔ Luku hɛlɛle la 6:46

“Kɛmɔti a bɛfɛlɛ me ‘Awulae, Awulae,’ noko bɛnyɛ mɔɔ menwɔze bɛ kɛ bɛyɛ la ɛ?

Edwɛkpa ne kɛmɔ Luku hɛlɛle la 7:43

Saemɔn buale kɛ, “Medie medi kɛ mɔɔ ɔvale ye kakɛ kpole ne ɔhyɛle ye la ɔ.” Gyisɛse zele ye kɛ, “Wɔbua ye bɔkɔɔ.”

Dw 11:2

(Mɛle ɛhye a wolale nwole evuanlɛ ne guale Awulae agyakɛ anwo na ɔvale ɔ ti enrinli ɔkyikyile la, yɛɛ ɔ diema nrenya a le Lazalɛse ɛhye mɔɔ ɛnde kpɔkɛ la.)

Dw 11:28

Maata hanle ɛhye la, ɔziale ɔhɔle na ɔhɔdule ɔ diema Mɛle azukue kɛ, “Kilehilevolɛ ne ɛra na yebiza wɔ.”

Dw 11:3

Mediema mraalɛ ne mɔ zoanle manle bɛhɔzele Gyisɛse kɛ, “Awulae, ɛ gɔnwo kpalɛ ne ɛnde kpɔkɛ.”

1 Kɔl 12:3

Zɔhane ati ɔwɔ kɛ bɛnwu ye wienyi kɛ awie biala mɔɔ Nyamenle Sunsum ne wɔ ye nu la ɛngola ɛnga kɛ “Munzule ɛha Gyisɛse!” Yɛɛ awie biala noko ɛngola ɛnga kɛ “Gyisɛse le Awulae”, kyesɛ Sunsum Nwuanzanwuanza ne de ye nu.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:9

Menlenlɛma, bɛdabɛ noko bɛyɛ zɔhane ala bɛmaa bɛ ngɛkɛlɛ ne mɔ, na bɛmmanwunlonwunla bɛ anzɛɛ bɛmmasisi bɛ. Bɛhakye kɛ bɛ nee bɛ ngɛkɛlɛ ne mɔ amuala wɔ Menlenlɛ ko ne ala mɔɔ wɔ anwuma la abo. Yemɔ, ɔnli mɔguazo wɔ ye ndɛnebualɛ nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:11

na awie biala aha ye baguase kɛ, Gyisɛse Kelaese le Awulae, bɛava bɛawula Nyamenle Selɛ ne anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Gyemise Kɛlata ne 2:19

Bɛdie bɛdi kɛ Nyamenle kokye a wɔ ɛkɛ a. Ɔdaye ne ala ɛne! Mbɔnsam noko die di, na ɛzulolɛ maa bɛ nwo wozo bɛ.