Dw 13:10 - BAEBOLO ANZƐƐ BULUKU NWUANZANWUANZA

¹⁰ Gyisɛse zele ye kɛ, “Mɔɔ ɛbia la anwo le bɔkɔbɔkɔ na ɔngyia kɛ ɔkɛbia bieko. Debie mɔɔ ɔwɔ kɛ ɔyɛ la a le kɛ ɔnrinzi ɔ gyakɛ anwo ala. Bɛ muala bɛ nwo le bɔkɔbɔkɔ. Sonla ko ala yɛɛ anwo ɛnle bɔkɔbɔkɔ a.”

Dw 13:10 ပူးပေါင်းရင်းမြစ်များ

Nolo 7:20

Nɔhalɛ, tenlenenli biala ɛnle azɛlɛ ye azo mɔɔ kpalɛ ngome ala a ɔyɛ na ɔnyɛ ɛtane ɛlɛ a.

Sɔlɔmɔn Edwɛne 4:7

Ɛ nwo yɛ fɛ vi wɔ anwuma dwu aze, me kulovolɛ, ɛdi munli bɔkɔɔ.

Gyɛlɛmaya Buluku ne 50:20

Saa mekɛ zɔhane dwu a bɛnrɛde ɛtaneyɛlɛ nganeɛ wɔ Yizilayɛ, yɛɛ bɛnrɛnwu ɛtaneyɛlɛ wɔ Dwuda, ɔluakɛ mebava menli mɔɔ baha mɔɔ mebagyakyi bɛ la anwo edwɛkɛ meahyɛ bɛ. Medame Ɛdɛnkɛma a mese a.”

Sɛlɛ 16:26

Ahenle mɔɔ hɔgyakyile abɔnkye ne manle ɔhɔle Azazɛle ɛkɛ ne la bakpo ye adɛladeɛ ne mɔ na yeabia kolaa na yeara azokoɛleɛ ne.

Sɛlɛ 16:28

Ahenle mɔɔ kɛyela bɛ la, ɔwɔ kɛ ɔkpo ye adɛladeɛ ne mɔ na ɔbia kolaa na yeara azokoɛleɛ ne.

Edwɛkpa ne kɛmɔ Mateyu hɛlɛle la 6:12

Na fa yɛ ɛtane kyɛ yɛ, Kɛmɔ yɛfa yɛkyɛ bɛdabɛ mɔɔ bɛfo yɛ la;

Dw 13:18

“Tɛ bɛ muala bɛ nwo edwɛkɛ a melɛka a; meze mɔɔ mekpa nu meye bɛ la. Na Nyamenle Edwɛkɛ ne mɔɔ se, ‘Sonla ne mɔɔ nee me di nee me no la hakyile ɔ nzi zile me’ la ɔwɔ kɛ yɛ zɔhane.

Dw 13:9

Saemɔn Pita zele ye kɛ, “Awulae, ɛnee noko mmanrinzi me gyakɛ anwo ala! Nrinzi me sa anwo nee me ti zo amuala noko!”

Dw 15:3

Ngilehilelɛ mɔɔ meva memaa bɛ la ɛziezie bɛ ɛwie.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

Kɛlata mɔɔ bɛhɛlɛle bɛhɔmanle Hibuluma la 9:10

Aleɛ nee nza nee bɛ nwo ɛnluanlɛ ngakyile nwo nyɛleɛ yɛɛ bɛyɛ a. Na ɛhye noko le ɛnyelɛ zo debie mɔɔ wɔ ɛkɛ a, kɔkpula mekɛ mɔɔ Nyamenle kɛhakyi ninyɛne kɔsɔɔti fofolɛ la.

Gyemise Kɛlata ne 3:2

Yɛ muala yɛfo wɔ ninyɛne dɔɔnwo anu. Sonla mɔɔ ɛnvo wɔ ye edwɛkɛ ɛhanlɛ nu la di munli na ɔkola ɔsɔ ɔ nwo.