Dw 12:6 - BAEBOLO ANZƐƐ BULUKU NWUANZANWUANZA

⁶ Tɛ kɛ asɛɛ ɔdwenle ehyianvolɛma anwo somaa la ati a ɔhanle ɛhye a, na ɔle awule, eza kɛmɔ ɔdaye a ɔsie bɛ gya ne la, ɔyɛ a ɔto ɔ sa nu.

Dw 12:6 ပူးပေါင်းရင်းမြစ်များ

Edwɛndolɛ Buluku ne 14:1

Koasea edwɛkɛ a le kɛ, “Nyamenle ɛnle ɛkɛ.” Bɛzɛkye, bɛbɔ bɛkyi ɛbɛla, sonla ko ɛnle ɛkɛ mɔɔ bɔ ɛbɛla kpalɛ a.

Mrɛlɛbulɛ Buluku ne 29:7

Tenlenenli ze kpalɛ mɔɔ di wɔ ehyianvolɛma la, na mɔɔ ati yɛ se la ɛnde zɛhae adwenle ne abo.

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Edwɛkpa ne kɛmɔ Mateyu hɛlɛle la 21:13

na ɔzele bɛ kɛ, “Bɛhɛlɛ ye wɔ Nyamenle Edwɛkɛ ne anu kɛ: Nyamenle se, ‘Bɛbavɛlɛ me Ɛzonlenlɛ Sua ne nzɛlɛlɛ sua.’ Na bɛmɛ, bɛyɛ ye awulema fealeka!”

Edwɛkpa ne kɛmɔ Luku hɛlɛle la 8:3

Twuza, mɔɔ le Hɛlɔdo suakunlu ɛkɛ ne abɔlɔba kpanyinli ne mɔɔ nea ye ninyɛne zo la aye ne mɔɔ bɛfɛlɛ ye Dwowana la, yɛɛ Susana nee mraalɛ dɔɔnwo bie mɔ. Mraalɛ ɛhye mɔ, bɛdabɛ bɛvale mɔɔ bɛlɛ ye la bɛboale Gyisɛse nee ye ɛdoavolɛma ne mɔ.

Dw 10:13

Ɛkpanli ne nriandi kɔ, ɔluakɛ yemɔ, bɛbɔle ye ɛkpa ala, mboane ne mɔ edwɛkɛ ɛnyɛ ye edwɛkɛ.

Dw 12:5

“Duzu ati a bɛandɔne nwole ye kɛyɛ dwɛtɛ fufule ɛya nsa na bɛanva ezukoa ne bɛamboa ehyianvolɛma ɛ?”

Dw 13:29

Kɛmɔ Dwudase a ɛnee nea bɛ gya zo la ati, ɛdoavolɛma ne bie mɔ dwenlenle kɛ Gyisɛse ɛzoa ye kɛ ɔhɔtotɔ ninyɛne mɔɔ bɛbahyia nwolɛ wɔ ɛvoyia ne ɛlilɛ nu la, anzɛɛ yeha yehile ye kɛ ɔva debie ɔhɔmaa ehyianvolɛma.

1 Kɔl 6:10

bɛdabɛ mɔɔ bɛle nwule, bɛle anyebolo, bɛdabɛ mɔɔ nza ɛgya bɛ, bɛdabɛ mɔɔ bɛ nloa ɛdendɛlɛ ɛnyɛ fɛ nee bɛdabɛ mɔɔ bɛle ahɔdiawu la, biala ɛnrɛnyia Nyamenle Belemgbunlililɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:10

Mɔɔ bɛzele yɛ la a le kɛ anrɛɛ yɛhakye na yɛboa mediema mɔɔ le ehyianvolɛma la, na ɛhye a le debie titile mɔɔ me nye bolole nwolɛ kɛ meyɛ a.

1 Tɛs 5:22

na bɛhyi ɛtane ngakyile biala.

Gyemise Kɛlata ne 2:2

Saa ngyengyene nu bie sukoavolɛ mɔɔ ezukoa nvutuke mgbɔdelera gua ɔ sa na ɔheda ɛdakpa la ba bɛ nyianu ne bie, na ehyianli mɔɔ heda ɛdanlɛ mgbane bie la ɔdaye noko ɔba bie, na

Gyemise Kɛlata ne 2:6

Na bɛmɛ bɛmbu ehyianvolɛma bie. Asoo tɛ sukoavolɛma a sisi bɛ na bɛtwili bɛ bɛkɔ ndɛnebuavolɛma anyunlu la?