Dw 12:34 - BAEBOLO ANZƐƐ BULUKU NWUANZANWUANZA

³⁴ Ɛlɔne ne bizale ye kɛ, “Yɛ mɛla ne ka kile yɛ kɛ Mɛzaya ne ɛnrɛwu ɛlɛ. Na duzu ati a ɛse ɔwɔ kɛ bɛmaa Sonla Ra ne zo a? Nwane a le Sonla Ra ɛhye?”

Dw 12:34 ပူးပေါင်းရင်းမြစ်များ

2 Sam 7:13

Yemɔ yɛɛ ɔbazi ɛzonlenlɛ sua yeamaa me a, na mebanlea kɛ ye belemgbunli maanle ne ɛgyinla kpundii dahuu.

Edwɛndolɛ Buluku ne 110:4

Ɛdɛnkɛma ɛha ndane, yɛɛ ɔnrɛhakyi ye adwenle ɛlɛ. Ɔse, “Ɛle sɛlɛvolɛ dahuu, kɛmɔ Mɛlekezidɛke yɛle la.”

Edwɛndolɛ Buluku ne 72:7

Maa tenleneyɛlɛ ɛdende ye mekɛ zo, na anzonudwolɛ ɛrɛla dahuu mekɛ mɔɔ ɛnlɛ awieleɛ.

Ayezaya Buluku ne 53:8

Nzisilɛ nu, bɛbuale ye ewule fɔlɛ na bɛ nee ye hɔle; awolɛndoazo zɔhane amra, biala andwenle nwo kɛ bɛlɛye ye bɛavi anyewɔzoma azɛlɛ zo, bɛhunle ye wɔ me menli ne mɛladonlɛ ti.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Daneɛle Buluku ne 7:27

Ewiade belemgbunlililɛ ne nee tumi kɔsɔɔti bapɛ ali Anwuma Anwumanli ne menli ne asa anu. Bɛ belemgbunlililɛ ne ɛnrɛbɔ aze ɛlɛ, yɛɛ maanle maanle kɔsɔɔti barazonle bɛ ayɛ tieyɛ amaa bɛ.’

Maeka Buluku ne 4:7

Abuburama ne bayɛ Yizilayɛ abo zo amra mɔɔ ɛha la, na menli ne mɔɔ bɛambu bɛ bie la bayɛ maanle kpole, na Ɛdɛnkɛma badɛnla Boka Zayɔn na yeazie bɛ, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ.”

Edwɛkpa ne kɛmɔ Mateyu hɛlɛle la 16:13

Gyisɛse hɔle Felepe Sizalia afoa nu la, ɔbizale ye ɛdoavolɛma ne kɛ, “Menli se medame Sonla Ra ne a le nwane?”

Edwɛkpa ne kɛmɔ Mateyu hɛlɛle la 21:10

Mɔɔ Gyisɛse dwule Gyɛlusalɛm la, suakpole ne azo kpudwule na bɛbizale kɛ, “Na nwane ɛne?”

Edwɛkpa ne kɛmɔ Mateyu hɛlɛle la 8:20

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame, Sonla Ra, menlɛ ɛleka mɔɔ meto me ti a.”

Dw 10:34

Gyisɛse buale kɛ, “Bɛhɛlɛ ye wɔ bɛdabɛ bɛ mɛla ne anu kɛ Nyamenle se, ‘Bɛdabɛ, bɛle nyamenlema!’

Dw 12:32

Na mame, saa bɛmaa me zo wɔ azɛlɛ ye azo a, mebahwe menli kɔsɔɔti meamaa me nwo.”

Dw 15:25

Na kɛ ɔwɔ kɛ ɔba ye noko ala la ɛne, amaa mɔɔ bɛhɛlɛ ye wɔ bɛ mɛla ne anu la ayɛ nɔhalɛ kɛ, ‘Mgbane gyɛne ne ala yɛɛ bɛkpɔle me a.’

Dw 8:28

Yemɔti Gyisɛse zele bɛ kɛ, “Saa bɛmaa medame Sonla Ra zo wɔ meanubaka ne azo anwuma a yɛɛ bɛkɛnwu kɛ ‘Medame a le Medame’ a; na bɛanwu kɛ menva me ngome me tumi menyɛ debie, na meka mɔɔ Selɛ ne kɛhilehile me la ala.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Wulo 5:18

Zɔhane ati, kɛmɔ sonla ko mɛladonlɛ hwenle menli kɔsɔɔti hɔle ewule nu la, zɔhane ala yɛɛ sonla ko tenleneyɛlɛ babua menli kɔsɔɔti benle na yeamaa bɛ ngoane a.

Kɛlata mɔɔ bɛhɛlɛle bɛhɔmanle Hibuluma la 7:24

Noko Gyisɛse de aze dahuu, yɛɛ ye sɛlɛvolɛ gyima ne ɛngakyi ɛngɔ awie lɔ.