Dw 12:2 - BAEBOLO ANZƐƐ BULUKU NWUANZANWUANZA

² Bɛdole Gyisɛse ɛkponle wɔ ɛkɛ ne, na Maata boka bɛdabɛ mɔɔ bɛzonlenle la anwo, yɛɛ Lazalɛse noko nee Gyisɛse a de ɛkponle ne anwo a.

Dw 12:2 ပူးပေါင်းရင်းမြစ်များ

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Edwɛkpa ne kɛmɔ Mateyu hɛlɛle la 26:6

Gyisɛse wɔ Saemɔn mɔɔ anrɛɛ le kokobɛvolɛ la sua nu wɔ Bɛtani

Edwɛkpa ne kɛmɔ Maake hɛlɛle la 14:3

Ɛnee Gyisɛse wɔ Saemɔn mɔɔ anrɛɛ le kokobɛvolɛ la sua nu wɔ Bɛtani. Mɔɔ ɛnee Gyisɛse ɛlɛkpula ɔ sa la, raalɛ bie vale anatele evuanlɛ bie mɔɔ ye bolɛ yɛ se kpalɛ na bɛvale “naade” a bɛyɛle la wɔ “alabaseta” bolɛ toba nu rabɔle ye guale Gyisɛse ati zo.

Edwɛkpa ne kɛmɔ Luku hɛlɛle la 12:37

Nyilalɛ ɛha sonvolɛma mɔɔ mekɛ mɔɔ bɛ menle kɛra la ɔkɛrado bɛ kɛ bɛ nye gyi zo na bɛlɛkendɛ ye la. Nɔhalɛ, meka meahile bɛ kɛ ɔkɛmaa bɛkɛdɛnlɛdɛnla aze, ɔkɛkpa ɔkɛgua, na ɔkɛmaa bɛ debie.

Edwɛkpa ne kɛmɔ Luku hɛlɛle la 14:12

Akee Gyisɛse zele nrenya ne mɔɔ dole ɛkponle ne la kɛ, “Saa ɛto ɛkponle ewiazo anzɛɛ nɔsolɛ nu a, mmafɛlɛvɛlɛ ɛ gɔnwo mɔ anzɛɛ ɛ mediema anzɛɛ wɔ mbusuafoɔ anzɛɛ wɔ kpalɛzo sukoavolɛma angome, ɔluakɛ bɛdabɛ noko bɛbavɛlɛ wɔ bie bɛazie wɔ ɛdeɛ ne abo zo.

Edwɛkpa ne kɛmɔ Luku hɛlɛle la 22:27

Mɔɔ tɛnla aze di debie, yɛɛ mɔɔ sonle mɔɔ ɛlɛdi debie la, boni a le kpole a? Mɔɔ tɛnla aze la ɔ. Na mame, me nee bɛ de kɛ mesonle bɛ.

Edwɛkpa ne kɛmɔ Luku hɛlɛle la 5:29

Nzinlii Livae dole ɛkponle kpole bie wɔ ye sua nu ɛkɛ ne manle Gyisɛse, na adwuledievolɛma dɔɔnwo nee menli mɔɔ bɛdabɛ noko awie ɛmbu bɛ la hɔle ɛkponledolɛ ne abo.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.