Dw 12:17 - BAEBOLO ANZƐƐ BULUKU NWUANZANWUANZA

¹⁷ Menli mɔɔ ɛnee wɔ ɛkɛ ne a Gyisɛse vɛlɛle Lazalɛse vile ye nla ne anu, na ɔdwazole ye ɔvile ewule nu la hɔhanle mɔɔ bɛnwunle ye la.

Dw 12:17 ပူးပေါင်းရင်းမြစ်များ

Dw 1:19

Dwuu mgbanyima mɔɔ wɔ Gyɛlusalɛm la zoanle sɛlɛvolɛma nee Livaema bie mɔ wɔ Dwɔn ɛkɛ kɛ bɛhɔbiza ye kɛ, “Wɔmɔ a le nwane?”

Dw 1:32

Daselɛ mɔɔ Dwɔn lile la ɛne. Ɔse, “Menwunle kɛ Sunsum ne vi anwuma ɛlɛdwu ɔ nwo zo kɛ abubule la, na ɔrazinzele ɔ nwo zo.

Dw 1:34

Na mese, menwu ye, na meka meahile bɛ kɛ, nrenya ɛhye, yemɔ a ɔle Nyamenle Ara ne a.”

Dw 11:31

Dwuuma mɔɔ ɛnee wɔ sua nu ɛkɛ ne ɛlɛkyekye Mɛle arɛle la nwunle kɛ yezi yemaa ɔ nwo zo na ɔlɛnriandi yeahɔ la, bɛdwenlenle kɛ ɔlɛkɔ ɔ diema ne sɛka zo lɔ yeahɔzu. Yemɔti bɛdoale ye.

Dw 11:42

Meze kɛ dahuu ɛtie me edwɛkɛ, na melɛka ɛhye wɔ menli mɔɔ kɛkala wɔ ɛke la ati, amaa bɛalie bɛali kɛ ɛdawɔ a ɛzoanle me a.”

Dw 12:9

Dwuuma dɔɔnwo kpalɛ dele kɛ Gyisɛse wɔ Bɛtani la, bɛhɔle ɛkɛ ne. Tɛ Gyisɛse angome ati a bɛhɔle a, na eza bɛhɔle kɛ bɛkanlea Lazalɛse mɔɔ Gyisɛse dwazole ye vile ewule nu la.

Dw 19:35

(Ahenle mɔɔ nwunle kɛ ɛhye ɛzi la a ɛdendɛ la, amaa wɔalie wɔali. Mɔɔ ɔhanle la le nɔhalɛ, yɛɛ ɔze noko kɛ ɔlɛka nɔhalɛ ne.)

Dw 21:24

Ɛdoavolɛ zɔhane a le ɛdoavolɛ ne mɔɔ ɛlɛka edwɛkɛ ɛhye mɔ la, yemɔ noko ala a eza hɛlɛle a, na yɛze kɛ mɔɔ yeha la le nɔhalɛ.

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Yekile 1:2

Dwɔn ɛha mɔɔ ɔnwunle ye la amuala. Ɔhanle nɔhalɛ ne, kɛmɔ Gyisɛse Kelaese yele hilele ye la nee nrɛlaleɛ mɔɔ ɔdele ɔvile Nyamenle ɛkɛ ne la amuala.