Dw 11:53 - BAEBOLO ANZƐƐ BULUKU NWUANZANWUANZA

⁵³ Ɔvi kenle ko zɔhane, Dwuu mgbanyima ne mɔ yɛle ngyehyɛlɛ kɛ ɔwɔ kɛ bɛku Gyisɛse.

Dw 11:53 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:18

Bɛnwunle kɛ ɔlua moa moa lɔ ɔlɛba la, bɛhɔle ɔ ti akpamo kɛ bɛku ye.

Nihɛmaya Buluku ne 13:21

Membɔle bɛ kɔkɔ menzele bɛ kɛ, “Duzu ati yɛɛ bɛda bane ne anzi a? Saa bɛyɛ zɔhane bieko a, mebahwi bɛ ɛza.” Na ɔvi mekɛ zɔhane mɔɔ kɔ la, bɛamba gualilɛ wɔ Ɛnwomenlelielɛ Kenle ne bieko.

Nihɛmaya Buluku ne 4:16

Ɔvi mekɛ zɔhane menli mɔɔ nee me lua la hyɛle bɛ nwo nu nwiɔ; foa ko yɛle banelielɛ gyima ne yɛɛ foa ko noko yɛle sinzavolɛma bɛwulowulale konle mbulalɛ adɛladeɛ, bɛdedɛle atwɛ nee ɛda yɛɛ bɛ sa nu enyinlike. Mgbanyima ne mɔ bɛdabɛ bɛgyinlanle Dwudama

Edwɛndolɛ Buluku ne 113:2

Ayɛlɛyelɛ ɛha Ɛdɛnkɛma duma ne, ɛnɛ nee dahuu!

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Edwɛndolɛ Buluku ne 31:13

Ɛhɛe, mete dɔɔnwo azukuedulɛ ne, ɛzulolɛ wɔ ɛleka biala! Bɛyia bɛfa me nwo adwenle, bɛbɔ kpɔkɛ kɛ bɛku me.

Edwɛndolɛ Buluku ne 71:10

Ɔluakɛ me kpɔvolɛma keha me nwo edwɛkɛ, bɛdabɛ mɔɔ bɛkpondɛ me bɛahu me la yia bɔ adwenle,

Gyɛlɛmaya Buluku ne 38:15

Gyɛlɛmaya buale kɛ, “Saa meka nɔhalɛ ne mekile wɔ a, ɛnrɛmaa bɛnrɛhu me ɔ? Yɛɛ saa metu wɔ folɛ bɔbɔ a, ɛnrɛva.”

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Edwɛkpa ne kɛmɔ Mateyu hɛlɛle la 12:14

Yemɔti Falasiima ne vindele na bɛhɔbɔle kpɔkɛ kɛ bɛku Gyisɛse.

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 22:46

Awie biala angola ɔ nloa ye, na ɔvi kenle ko ne awie biala angola anzi ye ɛbolɛ ambiza ye edwɛkɛ bieko.

Edwɛkpa ne kɛmɔ Mateyu hɛlɛle la 26:4

na bɛdwenledwenlenle adenle mɔɔ bɛdua zo a bɛkɛhye Gyisɛse ahane ɛleka bie bɛkɛhu ye la anwo.

Edwɛkpa ne kɛmɔ Mateyu hɛlɛle la 26:59

Sɛlɛvolɛ mgbanyinli ne nee ayiama ne mɔ amuala bɔle mɔdenle kɛ bɛkpondɛ ɛzonle bɛado Gyisɛse anwo zo na bɛahu ye;

Edwɛkpa ne kɛmɔ Maake hɛlɛle la 14:1

Mɔɔ ɔhale kenle nwiɔ na Akpabɛnwo nee Angye Ɛvoyia ne adwu la, sɛlɛvolɛ mgbanyinli ne nee mɛla kilehilevolɛma ne mɔ kpondɛle adenle mɔɔ bɛdua zo bɛahye Gyisɛse ahane ɛleka bie bɛahu ye la, ɔluakɛ bɛse,

Edwɛkpa ne kɛmɔ Maake hɛlɛle la 3:6

Zɔhane ati Falasiima ne vile nyianu sua ne anu vindele, na ndɛndɛ ne ala bɛ nee Belemgbunli Hɛlɔdo eku ne anu amra ne mɔ hɔvale adwenle kɛ bɛku ye.

Dw 11:47

Yemɔti Falasiima ne nee sɛlɛvolɛ mgbanyima ne mɔ yiale Ayiama ne na bɛhanle kɛ, “Duzu bɔbɔ yɛɛ akee yɛyɛ a? Nea nwanwane gyima mɔɔ akee nrenya ne ɛlɛyɛ la!

Dw 12:10

Zɔhane ati sɛlɛvolɛ mgbanyinli ne mɔ vale adwenle kɛ bɛku Lazalɛse noko,

Dw 7:1

Ɛhye anzi, Gyisɛse hɔle akpɔsa wɔ Galeli maanzinli nu. Yeangulo kɛ ɔkɛhɔ Dwudiya, ɔluakɛ ɛnee Dwuu mgbanyima ne mɔ ɛlɛtɛ ye wɔ ɛkɛ ne ahu ye.

Ɛzoanvolɛma Gyima ne 5:33

Ɛhye yelale ayiama ne kpole manle bɛyɛle kɛ bɛku ɛzoanvolɛma ne.

Ɛzoanvolɛma Gyima ne 9:23

Kenle guale nu ekyii la, Dwuuma ne hɔle akpamo kɛ bɛku ye,