Dw 11:4 - BAEBOLO ANZƐƐ BULUKU NWUANZANWUANZA

⁴ Mɔɔ Gyisɛse asa hanle nrɛlaleɛ ne la ɔhanle kɛ, “Anwondolɛ ɛhye ɛnrɛmaa Lazalɛse ɛnrɛwu. Nyamenle anyunlunyia ti yɛɛ ɛhye ɛzi a, na ɔbayɛ debie mɔɔ ɔlua zolɛ Nyamenle Ara ne ɔdaye ɔbanyia anyunlunyia a.”

Dw 11:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:7

Na ye nwonlomɔ nu, bɛbanwu Ɛdɛnkɛma anyunlunyia ne, ɔboalekɛ yede bɛ ɛdendɛlɛ mɔɔ bɛdendɛ bɛtia ye la. Ɔluakɛ yɛmɛ, yɛle duzu mɔɔ yemɔti ɔwɔ kɛ bɛtendɛ bɛtia yɛ a?”

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 11:40

Gyisɛse zele ye kɛ, “Metɛkanle metɛkilele wɔ kɛ saa ɛdie ɛdi a ɛkɛnwu kɛ Nyamenle anyunlunyia ne si de la ɔ?”

Dw 12:28

Egya, maa anyunlunyia ɛha wɔ duma ne.” Ɔhanle ɛhye la, ɛnelɛ bie vi anwuma zele kɛ, “Mewula ye anyunlunyia dɛba, na mebawula ye bieko.”

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Dw 17:10

Mɔɔ melɛ la le wɔ ɛdeɛ, yɛɛ mɔɔ ɛlɛ la amuala le me ɛdeɛ; na bɛ nwo zo yɛɛ me anyunlunyia dua da ali a.

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Dw 8:54

Gyisɛse buale kɛ, “Saa me ngome mewula me nwo anyunlunyia a, ɛnee me anyunlunyia ɛndo ɛhwee. Ahenle mɔɔ wula me anyunlunyia la a le Egya, mɔɔ yemɔ a bɛse ɔle bɛ Nyamenle la.

Dw 9:24

Eza bɛvɛlɛle nrenya ne mɔɔ bɛwole ye anyenzinliravolɛ la bieko na bɛzele ye kɛ, “Nea Nyamenle anyunlu na ka nɔhalɛ ne! Yɛze kɛ nrenya ɛhye mɔɔ dukuele ɛ nye ne la le ɛtanenli.”

Dw 9:3

Gyisɛse buale kɛ, “Ye anyenzinlira ne ɛnvane ɔdaye ye ɛtane anzɛɛ ye awovolɛ ɛtane mɔɔ bɛyɛ la anwo. Bɛwole ye anyenzinlira amaa menli anwu kɛ Nyamenle tumi ne ɛlɛyɛ gyima wɔ ye nu.

Wulo 11:11

Ɛnee akee mebiza kɛ, mɔɔ Dwuuma dule koti la, se ɛnee bɛminli bɔkɔɔ? Ɔnle zɔ. Ɔlua bɛ ɛtane ti, ngoanelielɛ vi bɛ ɛkɛ ɛhɔ bɛdabɛ mɔɔ bɛnle Dwuuma la ɛkɛ, amaa Dwuuma anye abolo bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.