Dw 11:39 - BAEBOLO ANZƐƐ BULUKU NWUANZANWUANZA

³⁹ Gyisɛse zele bɛ kɛ, “Bɛye bolɛ ne!” Maata, mɔɔ le nrenya ne mɔɔ ɛwu la adiema raalɛ ne zele kɛ, “Awulae, yebɔ! Bɛziele ye la ɛnɛ le kenle nna!”

Dw 11:39 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:4

“Mele ɛyɛvolɛ a mede bɛ avinli ɛke a; bɛmaa me azɛlɛ mendɔ menyɛ me azie menzie me funli wɔ zolɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:19

Ɛbahwi ɛ ti anwo na wɔanyia aleɛ wɔali, kɔkpula mekɛ mɔɔ ɛkɛzia ɛkɛhɔ azɛlɛ ye anu bieko la, ɔluakɛ nuhua yɛɛ ɛvi ɛrale a; ɛle ndɛtɛlɛ na ɛbazia wɔahɔ ndɛtɛlɛ nu.”

Edwɛndolɛ Buluku ne 49:14

Bɛle kɛ mboane la, bɛ muala bɛbawu. Ewule bayɛ bɛ neavolɛ. Pɛlepɛlelilɛma bali bɛ nwo zo konim nwonlomɔ ne ala, na bɛmɛ, bɛ nwonane bakpɔlɔ. Mɔwuamra maanle nu a le bɛ sua nu a.

Edwɛndolɛ Buluku ne 49:7

Nɔhalɛ, awie biala ɛnrɛhola ɔ nwo kpɔne, anzɛɛ ye ngoane nwo kakɛ tua maa Nyamenle,

Edwɛndolɛ Buluku ne 49:9

amaa yeadɛnla ngoane nu dahuu, na yeanwu ɛlɛ a.

Edwɛkpa ne kɛmɔ Maake hɛlɛle la 16:3

Mɔɔ bɛlua adenle zo la, ɛnee bɛ edwɛkɛ a le kɛ, “Na nwane bɔbɔ a kɛhundo bolɛ ne mɔɔ nyi nla ne anloa la kɛmaa yɛ a?” (Bolɛ ne le kpole kpalɛ.) Na bɛmanle bɛ nye zo la bɛnwunle kɛ bɛhundo bolɛ ne dɛbadɛba.

Dw 11:17

Mɔɔ Gyisɛse radwule la, ɔnwunle kɛ Lazalɛse ɛwu, bɛzie ye na yeli kenle nna.

Ɛzoanvolɛma Gyima ne 13:36

Devidi zonlenle ye Nyamenle wɔ ye mekɛ zo na ɔwule, bɛziele ye wɔ ɔ nlenya mɔ avinli, na ɔkpɔlɔle.

Ɛzoanvolɛma Gyima ne 2:27

Ɔluakɛ wɔmɔ Nyamenle, ɛnrɛgyakyi me ɛkɛla wɔ mɔwuamra anu, yɛɛ ɛnrɛmaa wɔ Nwuanzanwuanza Ko ne nwonane ɛnrɛkpɔlɔ.

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

Pɔɔlo Kɛlata mɔɔ ɔhɛlɛle ɔhɔmanle Felepaema la 3:21

Na ɔbalua tumi ne mɔɔ maa ɔkola ɔfa ninyɛne kɔsɔɔti ɔbawula ɔ bo la azo yeahakyi yɛ nwonane wulera ɛhye yeayɛ ye kɛ ye anyunlunyia nwonane ɛdeɛ ne la.