Dw 11:38 - BAEBOLO ANZƐƐ BULUKU NWUANZANWUANZA

³⁸ Gyisɛse lile nyane kpole bieko na ɔhɔle nla ne anwo. Nla ne le bolɛ bɔne yɛɛ bɛvale bolɛ bɛnyinle ɔ nloa.

Dw 11:38 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:19

Ɛhye anzi akee Ebileham hɔziele ɔ ye Sɛla wɔ bolɛ bɔne ne mɔɔ wɔ Makepilaa mɔɔ wɔ Mameli aduduleɛ la anu, wɔ Keena azɛlɛ zo.

Ayezaya Buluku ne 22:16

‘Duzu debie a ɛyɛ ye ɛke a, yɛɛ ɛ nee nwane a wɔ ɛke, mɔɔ yemɔti wɔbɔ nla wɔmaa ɛ nwo wɔ ɛke a? Wɔmɔ, ɛbɔ nla awoka zo na ɛtu bɔne wɔ bodane nu ɛyɛ wɔ tɛnlabelɛ.

Yizikeɛle Buluku ne 21:6

“Sonla ra, gu ɛnwomenle, kponle ɛ bo kɛ ɛlɛdi nyane kpole bie la wɔ bɛ nye zo ɛkɛ ne.

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Edwɛkpa ne kɛmɔ Mateyu hɛlɛle la 27:60

na ɔziele ye wɔ ɔdaye ye nla fofolɛ mɔɔ yemaa bɛpɛ wɔ bolɛ bie anu la anu. Akee ɔhundole bolɛ kpole bie ɔnyinle nla ne anloa na ɔhɔle.

Edwɛkpa ne kɛmɔ Mateyu hɛlɛle la 27:66

Yemɔti bɛhɔle bɛhɔzɔle nla ne anloa na bɛmanle sogyama zinzale.

Edwɛkpa ne kɛmɔ Maake hɛlɛle la 15:46

Dwosefi dɔle kisane, ɔyele funli ne wɔ meanubaka ne azo, ɔvale kisane ne ɔkyekyele nwolɛ, ɔvale ye ɔdole nla bie mɔɔ bɛpɛ ye bodane bie anu la anu na bɛhundole bolɛ kpole bie bɛnyinle ɔ nloa.

Edwɛkpa ne kɛmɔ Maake hɛlɛle la 8:12

Gyisɛse gule ɛnwomenle na ɔbizale kɛ, “Duzu ati a bɛmɛ adwuleso amra bɛkpondɛ sɛkɛlɛneɛ ɛ? Nɔhalɛ, bɛnrɛyɛ sɛkɛlɛneɛ biala bɛnrɛhile bɛdabɛ menli ɛhye mɔ ɛlɛ!”

Edwɛkpa ne kɛmɔ Luku hɛlɛle la 24:2

Bɛnwunle kɛ bɛhundo bolɛ ne bɛvi nla ne anloa,

Dw 11:33

Gyisɛse nwunle kɛ Mɛle ɛlɛsi azu, na Dwuuma mɔɔ nee ye ɛra la ɛlɛsu la, nyane kpole hanle ye manle alɔbɔlɛ hunle ye.

Dw 20:1

Molɛ nwonlomɔ mangyee ne ala mɔɔ maanle nu ɛtɛwiele tete la, Mɛle mɔɔ vi Magedala la hɔle sɛka ne azo na ɔnwunle kɛ bɛye bolɛ ne mɔɔ bɛvale bɛnyinle nla ne anloa la.