Dw 11:25 - BAEBOLO ANZƐƐ BULUKU NWUANZANWUANZA

²⁵ Gyisɛse zele ye kɛ, “Mame a mele ewudwazo ne nee ngoane ne a. Mɔɔ kɛlie me kɛli la, saa ɔwu bɔbɔ a ɔkɛnyia ngoane;

Dw 11:25 ပူးပေါင်းရင်းမြစ်များ

Edwɛndolɛ Buluku ne 36:9

Ɔluakɛ wɔmɔ a ɛle ngoane nzufeanvea a; wɔ wienyi ne anu yɛɛ yɛnwu wienyi a.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Ayezaya Buluku ne 38:16

O Awulae, ɛhye mɔ amuala boka sonla ɛbɛla nwo, Yɛɛ ɛhye mɔ anu yɛɛ me ɛkɛla dua nyia ngoane a. Yɛ me ayile na maa menyia ngoane.

Edwɛkpa ne kɛmɔ Luku hɛlɛle la 23:43

Gyisɛse zele ye kɛ, “Mebɔ wɔ ɛwɔkɛ kɛ, ɛnɛ kenle ye, me nee wɔ bahɔ Paladaese.”

Dw 1:4

Ngoane kɔsɔɔti vi Edwɛkɛ ne anu a ba a, na ngoane ɛhye a le menli wienyi ne a.

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 5:26

Kɛmɔ Selɛ ne a le ngoanemaavolɛ la, zɔhane ala yɛɛ yeyɛ Ralɛ ne ngoanemaavolɛ a.

Dw 6:35

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Dw 6:44

Awie biala ɛnrɛhola ɛnrɛra me nwo, kyesɛ Selɛ ne mɔɔ zoanle me la twe ye bɛlɛ me; na mebadwazo ye meara ngoane nu wɔ mekɛ ne mɔɔ li awieleɛ la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Wulo 4:17

Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 15:18

yɛɛ bɛdabɛ mɔɔ bɛdie Kelaese bɛdi na bɛwu la ɛminli.

1 Kɔl 15:29

Saa mɔɔ bɛka la le nɔhalɛ, kɛ bɛndwazo mɔwuamra bɛmba ngoane nu a, ɛnee bɛdabɛ mɔɔ bɛgyinla mɔwuamra agyakɛ anu bɛmaa bɛzɔne bɛ la, duzu a bɛ nye la zolɛ a?

2 Kɔl 4:14

Yɛze kɛ Nyamenle mɔɔ dwazole Awulae Gyisɛse rale ngoane nu la badwazo yɛ aboka Gyisɛse anwo, na yeava yɛ nee bɛ yeahɔ ɔ nyunlu ɛkɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:10

Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,

1 Tɛs 4:14

Yɛdie yɛdi kɛ Gyisɛse wule na eza ɔdwazole ɔrale ngoane nu, zɔhane ala yɛɛ Nyamenle balua Gyisɛse anwo zo ava bɛdabɛ mɔɔ bɛdie ye bɛdi na bɛwu la azia ara ngoane nu a.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 20:5

Mɔwuamra mɔɔ hale la anzia amba ngoane nu toonwo ɔhɔdwule ɛvolɛ apenle ko ne awieleɛ. Ewudwazo ne mɔɔ lumua la ɛne.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.