Dw 11:24 - BAEBOLO ANZƐƐ BULUKU NWUANZANWUANZA

²⁴ Maata buale kɛ, “Meze kɛ ɔbadwazo yeara ngoane nu wɔ mekɛ ne mɔɔ li awieleɛ la anu.”

Dw 11:24 ပူးပေါင်းရင်းမြစ်များ

Edwɛndolɛ Buluku ne 17:15

Mame ɛdeɛ, mebalua tenleneyɛlɛ zo meanwu ɛ nyunlu. Saa aleɛ kye na medwazo menea ɛ nyunlu a, wɔ ɛnwunlɛ ne angome bɔbɔ yi me ko.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 26:19

Mɔwuamra bara ngoane nu, bɛbava bɛ nwonane ne bɛadwazo. O bɛmɛ mɔwuamra, bɛdunwue na bɛva anyelielɛ bɛdo edwɛne! Ɔluakɛ Ɛdɛnkɛma ɛbɔlɛ mɔɔ tɔ bɛ nwo zo la le wienyi, na ɔbada mɔwuamra anwo zo.

Hozia Buluku ne 13:14

Memkpɔne bɛ menvi Ɛbolɔ tumi bo ɔ? Menlie bɛ menvi Ewule asa anu ɔ? O Ewule, wɔ bɔlɔ ne wɔ nienwu? O Ɛbolɔ, wɔ ɛzɛkyelɛ tumi ne wɔ nienwu? Anwunvɔnezelɛ ɛnle me nye zo bieko.

Hozia Buluku ne 6:2

Kenle nwiɔ ne azo ɔbamaa yɛabɔzɔbɔzɔ, na ye kenle nsa ne azo yeadwazo yɛ, na yɛadɛnla ngoane nu.

Edwɛkpa ne kɛmɔ Luku hɛlɛle la 14:14

na Nyamenle kɛyila wɔ. Ɔluakɛ bɛmɛ, bɛdabɛ bɛnrɛhola bɛnrɛzie wɔ ɛdeɛ ne abo zo. Nyamenle ala a bazie ɔ bo zo amaa wɔ wɔ mekɛ mɔɔ menli kpalɛ ne mɔ vi ewule nu kɛdwazo la a.”

Dw 11:23

Gyisɛse zele ye kɛ, “Ɛ diema nrenya ne badwazo ara ngoane nu.”

Dw 6:39

Mɔɔ zoanle me la kpondɛ kɛ meyɛ ɛhye, amaa meamminli mɔɔ yeva yemaa me la bie, na meava bɛ muala meara ngoane nu wɔ mekɛ ne mɔɔ li awieleɛ la.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Ɛzoanvolɛma Gyima ne 24:15

Me anyelazo mɔɔ melɛ wɔ Nyamenle anu la le kɛ mɔɔ bɛdabɛ bɛlɛ ye ala la, kɛ menli kɔsɔɔti, ɛtanevolɛma nee kpalɛyɛlɛma badwazo ara ngoane nu.

Kɛlata mɔɔ bɛhɛlɛle bɛhɔmanle Hibuluma la 11:35

Diedi zo yɛɛ ɔlua mɔɔ mraalɛ mɔɔ bɛ mra wule la bɛdwazole bɛ bɛrale ngoane nu a. Bie mɔ noko mɔɔ kpole ewiade ye anu fanwodi biala la, bɛyɛle bɛ asa na bɛwule, amaa Nyamenle adwazo bɛ ahɔ ngoane kpalɛ nu.