Dw 10:9 - BAEBOLO ANZƐƐ BULUKU NWUANZANWUANZA

⁹ Mame a mele anlenkɛ ne; mɔɔ kɛlua me nwo zo kɛhɔ nu la kɛnyia ngoane mɔɔ ɛnlɛ awieleɛ. Ɔbawolo nu na yeavinde yeahɔkpondɛ aleɛ.

Dw 10:9 ပူးပေါင်းရင်းမြစ်များ

Edwɛndolɛ Buluku ne 95:7

Ɔluakɛ ɔle yɛ Nyamenle, yɛɛ yɛle ye adidileka menli, nee ɔ sa nu mboane. O anrɛɛ ɛnee ɛnɛ bɛkɛdie ɔ ne!

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Yizikeɛle Buluku ne 36:38

Mebamaa bɛ azuamgbole mɔɔ yɛle azuadu la azo ayɛ menli gbudugbudu, kɛmɔ azubɔlɛ mekɛ dwu a Gyɛlusalɛm yɛ mboane ngome la. Na akee bɛanwu kɛ medame a mele Ɛdɛnkɛma a.”

Zɛkalaya Buluku ne 10:12

Medame Ɛdɛnkɛma me ti, mebamaa bɛ nwo ayɛ se; bɛbazonle me na bɛadie me ne.” Ɛdɛnkɛma a ɛdendɛ a.

Dw 10:1

Gyisɛse zele bɛ kɛ, “Meka nɔhalɛ ne meahile bɛ: Awie mɔɔ ɛlɛkɔ mboane tunli ne anu na yeanlua anlenkɛ ne anu, na ɔkɛvo bane ne la le awule, ɔle kɔdiawu.

Dw 10:3

Anlenkɛ sinzavolɛ ne tukue ye anlenkɛ ne; mboane ne mɔ te ɔ ne, ɔfa boane ko biala duma ɔfɛlɛ ye na ɔfa bɛ ɔfinde ɔkɔ adidi.

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18

Ɔlua Gyisɛse anwo zo yɛɛ yɛ muala, Dwuuma nee bɛdabɛ mɔɔ bɛnle Dwuuma la yɛkola yɛdua Sunsum ko ne ala azo yɛkɔ Selɛ ne anyunlu a.