Dw 10:40 - BAEBOLO ANZƐƐ BULUKU NWUANZANWUANZA

⁴⁰ Gyisɛse eza pɛle hɔle Azule Dwɔdan ne anzi lɔ, ɛleka mɔɔ Dwɔn lumuale zɔnenle menli la na ɔdɛnlanle ɛkɛ.

Dw 10:40 ပူးပေါင်းရင်းမြစ်များ

Dw 1:28

Ɛhye mɔ amuala zile Bɛtani, Azule Dwɔdan ne anloa mɔɔ di kɔ aduduleɛ, ɛleka mɔɔ Dwɔn ɛlɛsɔne menli la.

Dw 11:54

Yemɔti Gyisɛse anye ɔ nwo anlua Dwudiya maanzinli ne anu, na ɔvile ɛkɛ ne ɔhɔle ɛleka bie mɔɔ bikye ɛsɛlɛ ne azo la, wɔ sua bie mɔɔ bɛfɛlɛ ye Yifelaem la azo; ɛkɛ ne yɛɛ ɔ nee ye ɛdoavolɛma ne dɛnlanle a.

Dw 11:7

Na akee ɔhanle ɔhilele ye ɛdoavolɛma ne kɛ, “Bɛmaa yɛzia yɛ nzi yɛhɔ Dwudiya.”

Dw 3:26

Yemɔti bɛhɔle Dwɔn ɛkɛ ne na bɛbizale ye kɛ, “Kilehilevolɛ, ɛkakye nrenya ne mɔɔ ɛnee nee wɔ wɔ azule Dwɔdan ne anzi lɔ, mɔɔ ɛhanle ɔ nwo edwɛkɛ la ɔ? Kɛkala ɔlɛsɔne menli, na awie biala asɛɛ ɛlɛkɔ ye ɛkɛ.”

Dw 7:1

Ɛhye anzi, Gyisɛse hɔle akpɔsa wɔ Galeli maanzinli nu. Yeangulo kɛ ɔkɛhɔ Dwudiya, ɔluakɛ ɛnee Dwuu mgbanyima ne mɔ ɛlɛtɛ ye wɔ ɛkɛ ne ahu ye.