Dw 10:38 - BAEBOLO ANZƐƐ BULUKU NWUANZANWUANZA

³⁸ Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 10:38 ပူးပေါင်းရင်းမြစ်များ

Dw 10:25

Gyisɛse buale bɛ kɛ, “Meha mehile bɛ dɛba, na bɛanlie me bɛanli, Gyima mɔɔ Egya maa meyɛ la di me daselɛ,

Dw 10:30

Selɛ ne nee medame yɛle ko.”

Dw 11:4

Mɔɔ Gyisɛse asa hanle nrɛlaleɛ ne la ɔhanle kɛ, “Anwondolɛ ɛhye ɛnrɛmaa Lazalɛse ɛnrɛwu. Nyamenle anyunlunyia ti yɛɛ ɛhye ɛzi a, na ɔbayɛ debie mɔɔ ɔlua zolɛ Nyamenle Ara ne ɔdaye ɔbanyia anyunlunyia a.”

Dw 14:20

Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.

Dw 17:11

Kɛkala melɛba ɛ nwo lɔ; menle ewiade ye anu bieko, na bɛmɛ bɛwɔ ewiade ye anu. Selɛ Nwuanzanwuanza, wɔ duma ne mɔɔ ɛvale ɛmanle me la tumi nu ti, fa bɛ sie gyɛlɛɛnye, amaa bɛayɛ ko kɛ ɛdawɔ nee medame yɛle la.

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.