Dw 10:2 - BAEBOLO ANZƐƐ BULUKU NWUANZANWUANZA

² Sonla ne mɔɔ fa anlenkɛ ne anu kɔ nuhua la a le mboaneneavolɛ ne a.

Dw 10:2 ပူးပေါင်းရင်းမြစ်များ

Edwɛndolɛ Buluku ne 23:1

Ɛdɛnkɛma le me neavolɛ; mengyia ɛhwee.

Edwɛndolɛ Buluku ne 80:1

O Yizilayɛma anwo zo neavolɛ, tie yɛ, wɔmɔ, ɛhanle Dwosefi abo zo amra kɛ mboane na ɛlile bɛ nyunlu. Wɔmɔ mɔɔ wɔ belemgbunli ebia gyi tease abɔdeɛma azo a, ta bɛla,

Nolo 12:11

Nrɛlɛbɛvoma edwɛkɛ le kɛ mboaneneavolɛma agbɔma ati ndwondwɔɔnwo ne mɔ mɔɔ bɛfa bɛka mboane la, yɛɛ mrɛlɛ mɔɔ bɛboɔboa bɛ nloa la kyɛ kɛ agbɛlɛko mɔɔ bɛva bɛbobɔ debie nu la. Nyamenle ne mɔɔ le kɛ mboaneneavolɛ mɔɔ nea yɛ kɔsɔɔti yɛ nwo zo la a ɛva ɛmaa yɛ a.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 63:11

Na ɔhakyele mɔmoane, ɔhakyele ye sonvolɛ Mosisi. Na bɛhanle kɛ, “Ɔdaye a ɔle Nyamenle ne mɔɔ ɔyele ye menli ne ɔvile Ndɔ Nyevile ne anu a. Ɔdaye a ɔmanle ye Sunsum Nwuanzanwuanza ne nee bɛ luale a.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Maeka Buluku ne 5:5

Na ɛhye bava anzonudwolɛ ara. Saa Aseleama fa konle batoa yɛ wɔ yɛ maanle ye anu na bɛfa bɛ gyakɛ bɛtia yɛ azɛlɛ ye azo a, yɛbava mboaneneavolɛma kɛyɛ nsuu nee mgbanyima kɛyɛ mɔtwɛ a yɛaho yɛatia bɛ a.

Zɛkalaya Buluku ne 11:3

Bɛdie, mboaneneavolɛma ɛlɛsu ye awolɛ, ɔluakɛ bɛ anyunlunyia ɛdɔ aze! Bɛdie, awenade ne mɔ ɛlɛkpo, ɔluakɛ Dwɔdan kpɔkɛmile ne ɛhakyi ɛsɛlɛ!

Zɛkalaya Buluku ne 11:5

Menli mɔɔ tɔ la ku bɛ fa bɛ nwo dwɔɔ kɔ, awie ɛnze bɛ ɛhwee, yɛɛ menli mɔɔ tɔne bɛ la ka kɛ, ‘Ayɛlɛyelɛ ɛha Ɛdɛnkɛma, menyia me nwo;’ yɛɛ bɛ neavolɛma mumua ne ɛnze bɛ anwunvɔne.”

Zɛkalaya Buluku ne 11:8

Akee menyɛnenle mboane ne mɔ. Siane ko anu, menzɛkyele mboaneneavolɛma nsa. Me kunlu andwo bɛ nwo fee, yɛɛ bɛdabɛ noko bɛangulo me edwɛkɛ.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Edwɛkpa ne kɛmɔ Mateyu hɛlɛle la 15:11

Tɛ mɔɔ kɔ sonla nloa nu la a gua ɔ nwo evinli a, na mɔɔ vi ɔ nloa nu finde la a gua ɔ nwo evinli a.”

Dw 10:14

Mame a mele mboaneneavolɛ kpalɛ ne a. Kɛmɔ Selɛ ne ze me na meze Selɛ ne la, zɔhane ala yɛɛ meze me mboane ne na bɛdabɛ noko bɛze me a; yɛɛ mekponle zolɛ kɛ menwɔwu menwɔmaa bɛ.

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 10:9

Mame a mele anlenkɛ ne; mɔɔ kɛlua me nwo zo kɛhɔ nu la kɛnyia ngoane mɔɔ ɛnlɛ awieleɛ. Ɔbawolo nu na yeavinde yeahɔkpondɛ aleɛ.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5

Mengyakyile wɔ wɔ Kiliti kɛ ɛnlea ɛmaa debie biala mɔɔ tɔ sinli la ɛyɛ boɛ, na ɛye mgbanyima ɛmaa bɛnlea asɔne ne mɔ mɔɔ wɔ sua biala azo la azo, kɛmɔ mengilehilele wɔ la.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

1 Pit 2:25

Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.