Dw 10:16 - BAEBOLO ANZƐƐ BULUKU NWUANZANWUANZA

¹⁶ Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 10:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛndolɛ Buluku ne 86:9

Maanle maanle kɔsɔɔti mɔɔ wɔbɔ bɛ la babɔ bɛ ti aze amaa wɔ, O Awulae, na bɛaye wɔ duma ne ayɛlɛ.

Nolo 12:11

Nrɛlɛbɛvoma edwɛkɛ le kɛ mboaneneavolɛma agbɔma ati ndwondwɔɔnwo ne mɔ mɔɔ bɛfa bɛka mboane la, yɛɛ mrɛlɛ mɔɔ bɛboɔboa bɛ nloa la kyɛ kɛ agbɛlɛko mɔɔ bɛva bɛbobɔ debie nu la. Nyamenle ne mɔɔ le kɛ mboaneneavolɛ mɔɔ nea yɛ kɔsɔɔti yɛ nwo zo la a ɛva ɛmaa yɛ a.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 43:6

Mebaha meahile sɔlɔ amra kɛ, ‘Bɛgyakyi bɛ,’ na meaze nyiakɛ amra kɛ, ‘Bɛmmafa bɛ sa bɛka bɛ;’ me mra mrenya ne mɔ vi moa moa, yɛɛ me mra mraalɛ ne mɔ vi ewiade ɛleka biala bara.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 52:10

Ɛdɛnkɛma ɛva ye tumi nwuanzanwuanza ne ɛwa maanle maanle ne mɔ anye, na ewiade amra amuala bɛanwu yɛ Nyamenle ne ngoanelielɛ ne.

Ayezaya Buluku ne 56:8

Awulae Nyamenle ne mɔɔ boɔboa Yizilayɛma mɔɔ awie ɛmbu bɛ bie la anloa la se, “Mebaboɔboa menli gyɛne noko anloa meaboka bɛdabɛ mɔɔ meboɔboa bɛ nloa dɛba la anwo.”

Yizikeɛle Buluku ne 34:12

Kɛmɔ mboaneneavolɛ mɔɔ ye mboane mɔɔ ɛbɔ asande la si kpondɛ ye mboane ne mɔ la, zɔhane ala yɛɛ mebakpondɛ me mboane ne mɔ a. Mebalie bɛ meavi ɛleka mɔɔ bɛzande bɛ bɛhɔgua la wɔ amungu nee awozinli kenle ne.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Yizikeɛle Buluku ne 34:6

Me mboane ne mɔ bɔle asande, bɛluoluale awoka mgbole nee ngyikyi ne mɔ azo; me mboane ne mɔ bɔle asande wɔ azɛlɛ ye azo amuala, na bɛannyia awie amkpondɛ bɛ anzɛɛ amkpo bɛ bo zo.

Yizikeɛle Buluku ne 37:22

Mebayɛ bɛ maanle ko wɔ Yizilayɛ awoka maanle ne anu. Belemgbunli ko ala a bazie bɛ a. Bɛnrɛyɛ maanle nwiɔ bieko yɛɛ bɛnrɛyɛ arelemgbunli maanle nwiɔ.

Yizikeɛle Buluku ne 37:24

Me sonvolɛ Devidi bali bɛ belemgbunli anlea bɛ nwo zo, na bɛ muala bɛanyia mboaneneavolɛ kokye. Bɛbali me ngyehyɛlɛ ne mɔ anzi na bɛanlea bɛali me mɛla ne mɔ azo.

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Luku hɛlɛle la 15:8

“Anzɛɛ saa raalɛ lɛ dwɛtɛ fufule bulu na ko minli a, duzu a ɔyɛ a? Ɔsɔ kɛnlaneɛ, ɔkpoɔkpoa ye sua ne anu, na ɔka ɔ nye aze ɔkpondɛ dedee kɔkpula kɛ ɔkɛnwu ye la.

Dw 10:11

“Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

Dw 10:2

Sonla ne mɔɔ fa anlenkɛ ne anu kɔ nuhua la a le mboaneneavolɛ ne a.

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 10:3

Anlenkɛ sinzavolɛ ne tukue ye anlenkɛ ne; mboane ne mɔ te ɔ ne, ɔfa boane ko biala duma ɔfɛlɛ ye na ɔfa bɛ ɔfinde ɔkɔ adidi.

Dw 10:4

Saa ɔfa bɛ ɔfinde a ɔdi bɛ nyunlu na mboane ne adoa ye, ɔluakɛ bɛze ɔ ne.

Dw 10:5

Bɛnrɛdoa awie gyɛne biala; bɛnriandi ye, ɔluakɛ bɛnze ɔ ne.”

Dw 11:52

yɛɛ tɛ Dwuuma angome bɔbɔ, na kɛ ɔkɛva Nyamenle amra mɔɔ ɛde ɛkponde ewiade amuala la kɔsɔɔti ɔkarabɔ nu ɔkɛyɛ bɛ menli ko.

Dw 17:20

“Menzɛlɛ memmaa bɛ ngome. Mesɛlɛ meamaa bɛdabɛ noko mɔɔ wɔ edwɛkɛ ne ati bɛdie me bɛdi la.

Dw 6:37

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye,

Ɛzoanvolɛma Gyima ne 15:14

Saemɔn ɛha ɛhile nu kɛkala kɛ ɔzile ɔyɛle mɔɔ Nyamenle anye hɔle bɛdabɛ mɔɔ bɛnle Dwuuma la anwo zo na ɔyele menli wɔ bɛ avinli ɔrayɛle ye ɛdeɛ bɔkɔɔ la.

Ɛzoanvolɛma Gyima ne 18:10

na mezua ɛ nzi. Awie biala ɛnrɛhola wɔ ɛhwee yɛ, ɔluakɛ menli dɔɔnwo wɔ sua ye azo mɔɔ bɛle me ɛdeɛ a.”

Ɛzoanvolɛma Gyima ne 22:14

Na ɔhanle kɛ, ‘Yɛ nlenya mɔ Nyamenle ne ɛye wɔ ɛzie ɛkɛ kɛ ɛnwu ye ɛhulolɛdeɛ na ɛnwu ye Fɔɔnwonli sonvolɛ ko ne, na ɛde ɔ ne.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

1 Pit 2:25

Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.