Dw 10:11 - BAEBOLO ANZƐƐ BULUKU NWUANZANWUANZA

¹¹ “Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

Dw 10:11 ပူးပေါင်းရင်းမြစ်များ

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

Edwɛndolɛ Buluku ne 23:1

Ɛdɛnkɛma le me neavolɛ; mengyia ɛhwee.

Edwɛndolɛ Buluku ne 80:1

O Yizilayɛma anwo zo neavolɛ, tie yɛ, wɔmɔ, ɛhanle Dwosefi abo zo amra kɛ mboane na ɛlile bɛ nyunlu. Wɔmɔ mɔɔ wɔ belemgbunli ebia gyi tease abɔdeɛma azo a, ta bɛla,

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Yizikeɛle Buluku ne 34:2

Ɔse, “Sonla ra, ka Nyamenle nrɛlaleɛ ne kile Yizilayɛ mboaneneavolɛma ne. Ka Nyamenle nrɛlaleɛ ne kile bɛ kɛ, kɛ medame Awulae Nyamenle mese la ɛne: Bɛmɛ Yizilayɛ mboaneneavolɛma mɔɔ yɛne bɛdabɛ bɛ ngome bɛ nwo a, bɛwie! Asoo mboaneneavolɛ fa mboane kɔ adidi a, tɛ yemɔ yɛɛ ɔnea mboane ne mɔ ɔmaa bɛdidi a?

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Yizikeɛle Buluku ne 37:24

Me sonvolɛ Devidi bali bɛ belemgbunli anlea bɛ nwo zo, na bɛ muala bɛanyia mboaneneavolɛ kokye. Bɛbali me ngyehyɛlɛ ne mɔ anzi na bɛanlea bɛali me mɛla ne mɔ azo.

Maeka Buluku ne 5:4

Ɔbalua Ɛdɛnkɛma anwosesebɛ zo yeagyinla yeayɛne ye nyɛmoa wɔ Ɛdɛnkɛma ye Nyamenle ne anyunlunyia nu. Na ye menli ne badɛnla bɛ nwo adɔ bɛ, ɔluakɛ ɛnɛ ɛdeɛ, ɔbayɛ sonlakpole wɔ ewiade ɛleka biala.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Dw 10:2

Sonla ne mɔɔ fa anlenkɛ ne anu kɔ nuhua la a le mboaneneavolɛ ne a.

Dw 15:13

Ɛhulolɛ kpalɛ mɔɔ sonla kɛnyia ye wɔ ɔ gɔnwo mɔ anwo la a le kɛ ɔkɛva ye ngoane ɔkɛdo aze ɔkɛmaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”