Dw 10:1 - BAEBOLO ANZƐƐ BULUKU NWUANZANWUANZA

¹ Gyisɛse zele bɛ kɛ, “Meka nɔhalɛ ne meahile bɛ: Awie mɔɔ ɛlɛkɔ mboane tunli ne anu na yeanlua anlenkɛ ne anu, na ɔkɛvo bane ne la le awule, ɔle kɔdiawu.

Dw 10:1 ပူးပေါင်းရင်းမြစ်များ

Gyɛlɛmaya Buluku ne 14:15

Yemɔti medame Ɛdɛnkɛma, meka meahile bɛdabɛ Nyamenle kpɔmanvolɛma mɔɔ lɛ me duma ɛlɛka nrɛlaleɛ, noko tɛ medame a menzoanle bɛ, na bɛka kɛ, ‘Konle nee ɛhɔne ɛnrɛra azɛlɛ ɛhye azo ɛlɛ,’ la kɛ konle nee ɛhɔne nu yɛɛ Nyamenle kpɔmanvolɛma zɔhane badɔ a.

Gyɛlɛmaya Buluku ne 23:21

Ɛdɛnkɛma zele kɛ, “Meanzoa Nyamenle kpɔmanvolɛma ne mɔ, noko bɛhɔle. Meanga edwɛkɛ biala meangile bɛ, noko bɛhɔhanle nrɛlaleɛ.

Gyɛlɛmaya Buluku ne 23:32

Bɛnlea, mekyi bɛdabɛ mɔɔ bɛka ɛlalɛ adalɛ na bɛfa bɛ adalɛ nee bɛ nloa anu ɛyelɛ bɛdi me menli ne adwenle na bɛminli bɛ wɔ mekɛ mɔɔ metɛsoanle bɛ, anzɛɛ metɛkilele bɛ debie kɛ bɛyɛ la. Menli ne ɛnnyia Nyamenle kpɔmanvolɛma ne mɔ nyɛleɛ ne azo nvasoɛ biala.”

Dwowɛle Buluku ne 2:9

Bɛtu twi bɛkɔ suakpole ne azo; bɛduolua bane ne mɔ anwo; bɛfo bɛkɔ azua ne mɔ anu, bɛdua nvɛnzɛlɛ ne mɔ anu kɛ nwule.

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Wulo 10:15

Na kɛ ɔkɛyɛ na bɛabɔ nolo ne wɔ mekɛ mɔɔ bɛtɛsoanle menli kɛ bɛhɔbɔ nolo la ɛ? Mɔɔ Nyamenle Edwɛkɛ ne ka ye wɔ nwolɛ la ɛne, “Soanvolɛma ne mɔɔ fa edwɛkɛ kpalɛ ne ara la ɛralɛ nu le kɛnlɛma na ɔyɛ nwanwane!”

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

1 Pit 1:10

Nyamenle kpɔmanvolɛma mɔɔ hanle ɛlolɛ ɛhye mɔɔ le bɛ ɛdeɛ la anwo edwɛkɛ dole ɛkɛ ne la nleɛnleanle nu, na bɛkpondɛle ngoanelielɛ ɛhye mɔɔ Nyamenle bava amaa bɛ la anu.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.