Dw 1:45 - BAEBOLO ANZƐƐ BULUKU NWUANZANWUANZA

⁴⁵ Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Dw 1:45 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 53:2

Ɔluakɛ ɔfifile kɛ baka ekyi bie mɔɔ zɔle ndinli wɔ azɛlɛ resee zo; ɔnle kɛnlɛma anzɛɛ ɔnzɔho debie na yɛanlea, yɛɛ ɔnzɔ ɛnyelɛ na yɛ nye abolo ye.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 10:3

Felepe nee Baatɔlomiyu; Tɔmase nee Mateyu mɔɔ le adwuledievolɛ ne; Afeɛse ara Gyemise nee Tadease;

Edwɛkpa ne kɛmɔ Mateyu hɛlɛle la 13:55

Tɛ kapentanli ne ara nrenya ne ɛ? Tɛ ɔ nli a le Mɛle, yɛɛ tɛ ɔ mediema mrenya a le Gyemise, Dwosefi, Saemɔn, yɛɛ Dwudase?

Edwɛkpa ne kɛmɔ Mateyu hɛlɛle la 2:23

na ɔhɔdɛnlanle sua ne mɔɔ bɛfɛlɛ ye Nazalɛte la azo. Ɛhye manle mɔɔ Nyamenle luale ye kpɔmanvolɛma ne mɔ anwo zo hanle la yɛle nɔhalɛ kɛ, “Bɛbavɛlɛ ye Nazalɛtenli.”

Edwɛkpa ne kɛmɔ Mateyu hɛlɛle la 21:11

Na menli dɔɔnwo ne zele kɛ, “Ɛhye a le Nyamenle kpɔmanvolɛ ne mɔɔ bɛfɛlɛ ye Gyisɛse, mɔɔ vi Nazalɛte mɔɔ wɔ Galeli la.”

Edwɛkpa ne kɛmɔ Maake hɛlɛle la 14:67

Ɔnwunle Pita kɛ ɔlɛte senle wɔ ɛkɛ ne la, ɔnleanle ye koonwu na ɔzele kɛ, “Wɔmɔ, ɛ nee Gyisɛse mɔɔ vi Nazalɛte la a lua a?”

Edwɛkpa ne kɛmɔ Maake hɛlɛle la 6:3

Na tɛ Mɛle ara kapenta ye ɛ? Tɛ ɔ mediema mrenya a le Gyemise, Dwosefi, Dwudase, yɛɛ Saemɔn? Tɛ ɔ mediema mraalɛ noko a yɛ nee bɛ gua sua ye azo la ɔ?” Na bɛkpole ye.

Edwɛkpa ne kɛmɔ Luku hɛlɛle la 18:37

Bɛbuale ye kɛ, “Gyisɛse mɔɔ vi Nazalɛte la a ɛlɛse a.”

Edwɛkpa ne kɛmɔ Luku hɛlɛle la 2:4

Dwosefi vi Nazalɛte mɔɔ wɔ Galeli maanzinli nu la hɔle Belemgbunli Devidi sua zo Bɛtelɛhɛm mɔɔ wɔ Dwudiya maanzinli nu la. Ɔhɔle ɛkɛ ne, ɔluakɛ ɔvi Devidi abusua nu.

Edwɛkpa ne kɛmɔ Luku hɛlɛle la 2:48

Ye awovolɛ ne nwunle ye la ɔyɛle bɛ azibɛnwo, na ɔ nli zele ye kɛ, “Me ra, duzu ati a wɔyɛ yɛ zɛhae ɛ? Nea, me nee ɛ ze yɛvɛ kpalɛ wɔ wɔ ɛkpondɛlɛ nu.”

Edwɛkpa ne kɛmɔ Luku hɛlɛle la 24:27

Akee Gyisɛse bɔle ɔ bo vile Mosisi mbuluku ne mɔ nee mɔɔ Nyamenle kpɔmanvolɛma ɛha na bɛhɛlɛ wɔ Nyamenle Edwɛkɛ ne anu wɔ ɔ nwo la azo na ɔhilehilele nu ɔhilele bɛ.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Edwɛkpa ne kɛmɔ Luku hɛlɛle la 3:23

Mɔɔ Gyisɛse bɔle ye gyima ne abo la ɛnee yeli ɛvolɛ kɛyɛ abulasa, na ɛnee menli ze kɛ Dwosefi ara ɔ. Dwosefi le Hilae ara.

Edwɛkpa ne kɛmɔ Luku hɛlɛle la 4:22

Bɛ muala bɛ nye liele ɔ nwo na ye ɛdendɛlɛ bɔbɔ zinle bɛ nwo, na bɛzele kɛ, “Asoo tɛ Dwosefi ara ye ɛ?”

Dw 1:44

(Felepe vi Bɛteseeyeda, Andelu nee Pita sua zo.)

Dw 12:21

Bɛrale Felepe anwo ɛkɛ ne na bɛzele ye kɛ, “Yɛmenle, yɛkulo kɛ yɛnwu Gyisɛse.” (Felepe vi Bɛteseeyeda mɔɔ wɔ Galeli maanzinli nu la.)

Dw 14:8

Felepe hanle kɛ, “Awulae, kile yɛ Selɛ ne; mɔɔ yɛkpondɛ la ala ɛne.”

Dw 18:5

Bɛbuale ye kɛ, “Yɛkpondɛ Gyisɛse mɔɔ vi Nazalɛte la.” Gyisɛse zele bɛ kɛ, “Medame ɛne.” Mekɛ ne anu ɛnee Dwudase mɔɔ yele Gyisɛse manle la gyi ɛlɔne ne anu.

Dw 18:7

Gyisɛse eza bizale bɛ kɛ, “Nwane a bɛkpondɛ ye a?” Bɛhanle kɛ, “Yɛkpondɛ Gyisɛse mɔɔ vi Nazalɛte la.”

Dw 19:19

Paelɛte hɛlɛle edwɛkɛ bɔle Gyisɛse meanubaka ne ati zo kɛ, “Nazalɛtenli Gyisɛse, Dwuuma Belemgbunli.”

Dw 21:2

Saemɔn Pita, Tɔmase, mɔɔ bɛfɛlɛ ye Nda, Natanayɛle, mɔɔ vi Kana mɔɔ wɔ Galeli maanzinli nu la, Zɛbɛdi amra ne mɔ, yɛɛ Gyisɛse ɛdoavolɛma gyɛne nwiɔ, bɛ muala bɛwɔ ɛkɛ.

Dw 6:42

Na bɛhanle kɛ, “Tɛ Dwosefi ara Gyisɛse ɛhye ɔ? Yɛze ɔ ze nee ɔ nli. Adenle boni azo a ɔlua mɔɔ ɔka kɛ ɔvi anwuma a yera a?”

Dw 6:5

Gyisɛse manle ɔ nye zo na ɔnwunle kɛ menli dɔɔnwo ɛlɛba ɔ nwo ɛkɛ ne, yemɔti ɔzele Felepe kɛ, “Nienwu a yɛkɛnyia aleɛ yɛkɛdɔ yɛkɛmaa menli ɛwolaa ɛhye a?”

Dw 6:7

Felepe buale kɛ, “Amaa awie biala anyia ekyi bɔbɔ ali la, ɔwɔ kɛ yɛnyia kpanwo mɔɔ bo dwɛtɛ fufule ɛya nwiɔ.”

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Ɛzoanvolɛma Gyima ne 22:8

Na membizale kɛ, ‘Awulae, ɛdawɔ nwane ɔ?’ Na ɔzele me kɛ, ‘Medame a mele Gyisɛse mɔɔ vi Nazalɛte, mɔɔ wɔdu ɛ nye wɔzie me nyunlu ɛlɛyɛ me kpɔdekpɔde la.’

Ɛzoanvolɛma Gyima ne 26:9

“Medame, ɛnee medwenle kɛ ɔle me gyima kɛ ɔwɔ kɛ mebɔ mɔdenle meyɛ debie biala metia Gyisɛse ɛhye mɔɔ vi Nazalɛte la duma ne,

Ɛzoanvolɛma Gyima ne 3:6

Na Pita zele ye kɛ, “Menlɛ ezukoa fee, na mɔɔ melɛ ye la a mefa meamaa wɔ la. Ɔlua Gyisɛse Kelaese mɔɔ vi Nazalɛte la duma nu, mese wɔ kɛ, dwazo tia!”