Dw 1:38 - BAEBOLO ANZƐƐ BULUKU NWUANZANWUANZA

³⁸ Gyisɛse dole ɔ nye na ɔnwunle kɛ bɛdoa ye la, ɔbizale bɛ kɛ, “Bɛkpondɛ duzu?” Bɛbuale kɛ, “Relabae, nienwu ɛleka yɛɛ ɛde a?” (Relabae abo a le “Kilehilevolɛ”)

Dw 1:38 ပူးပေါင်းရင်းမြစ်များ

1 Arl 10:8

Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ na bɛte wɔ nrɛlɛbɛ edwɛkɛ ne mɔ a.

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Mrɛlɛbulɛ Buluku ne 13:20

Sonla mɔɔ nee nrɛlɛbɛvolɛma tu la nwu nrɛlɛbɛ, na mɔɔ nee ahoasea tu la nwu ɔ nyunlu.

Mrɛlɛbulɛ Buluku ne 3:18

Ɔle ngoane baka ɔmaa bɛdabɛ mɔɔ bɛsɔ nu boɛ la; bɛdabɛ mɔɔ bɛsɔ nu boɛ la di fɛlɛko.

Mrɛlɛbulɛ Buluku ne 8:34

Sonla mɔɔ tie me ne, mɔɔ dahuu gyi me nlenkɛ mgbole nloa, na ɔkendɛ me wɔ me anuhɔlɛ la bali fɛlɛko.

Gyɛlɛmaya Awolɛyelɛ 5:19

Na wɔmɔ, O Ɛdɛnkɛma, ɛle belemgbunli dahuu; wɔ belemgbunlililɛ ɛnlɛ awieleɛ.

Edwɛkpa ne kɛmɔ Luku hɛlɛle la 10:39

Maata lɛ ɔ diema raalɛ ko, bɛfɛlɛ ye Mɛle. Mɛle dɛnlanle Awulae agyakɛ abo ɛkɛ ne na ɔdiele ye ngilehilelɛ ne.

Edwɛkpa ne kɛmɔ Luku hɛlɛle la 14:25

Kenle ko menli dɔɔnwo bie nee Gyisɛse lua bɛlɛkɔ la, ɔhakyile ɔ nwo ɔzele bɛ kɛ,

Edwɛkpa ne kɛmɔ Luku hɛlɛle la 15:20

Yemɔti ɔdwazole na ɔzile nu kɛ ɔkɔ ɔ ze anwo lɔ. “Mɔɔ ɔkpukele moa moa lɔ mɔɔ ɔlɛba la ɔ ze nwunle ye, alɔbɔlɛ hunle ye kpole, na ɔnriandile ɔhɔyiale ye, ɔbɛkale ye, na ɔvole ɔ nloa anwo.

Edwɛkpa ne kɛmɔ Luku hɛlɛle la 19:5

Gyisɛse dwule ɛkɛ ne la, ɔdole ɔ nye anwuma na ɔzele Zakeɛse kɛ, “Zakeɛse, ka ɛ nwo dwu aze, na ɛnɛ mebazokoɛ wɔ.”

Edwɛkpa ne kɛmɔ Luku hɛlɛle la 22:61

Awulae hakyile ɔ nye nleanle Pita, na Pita hakyele Awulae edwɛkɛ ne mɔɔ ɔhanle kɛ, “Mɔɔ akɔlɛ kabɔ la, ɛnee wɔha ye fane nsa kɛ ɛnze me” la.

Edwɛkpa ne kɛmɔ Luku hɛlɛle la 8:38

Nrenya ne mɔɔ mbɔnsam ne mɔ vi ɔ nwo dule la bodole Gyisɛse kɛ, “Maa me nee wɔ ɛhɔ.” Gyisɛse amkponle zolɛ na ɔzele ye kɛ,

Dw 1:37

Ɛdoavolɛma nwiɔ ne dele la bɛgyakyile ye ɛkɛ bɛdoale Gyisɛse.

Dw 1:39

Ɔbuale bɛ kɛ, “Bɛrɛla bɛranlea.” Yemɔti bɛ nee ye hɔle sua nu na bɛhɔnwunle ɛleka mɔɔ ɔde la, na bɛ nee ye dɛnlanle kenle ko ne. (Mekɛ ne anu ɛnee bɛbɔ nɔsolɛ dɔne nna.)

Dw 1:49

Natanayɛle hanle kɛ, “Kilehilevolɛ, wɔmɔ a ɛle Nyamenle Ara ne. Wɔmɔ a ɛle Yizilayɛ Belemgbunli ne a!”

Dw 12:21

Bɛrale Felepe anwo ɛkɛ ne na bɛzele ye kɛ, “Yɛmenle, yɛkulo kɛ yɛnwu Gyisɛse.” (Felepe vi Bɛteseeyeda mɔɔ wɔ Galeli maanzinli nu la.)

Dw 18:4

Gyisɛse ze mɔɔ bazi ɔ nwo zo la ati, ɔrale ɔ nyunlu na ɔbizale bɛ kɛ, “Nwane a bɛkpondɛ ye a?”

Dw 18:7

Gyisɛse eza bizale bɛ kɛ, “Nwane a bɛkpondɛ ye a?” Bɛhanle kɛ, “Yɛkpondɛ Gyisɛse mɔɔ vi Nazalɛte la.”

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 3:26

Yemɔti bɛhɔle Dwɔn ɛkɛ ne na bɛbizale ye kɛ, “Kilehilevolɛ, ɛkakye nrenya ne mɔɔ ɛnee nee wɔ wɔ azule Dwɔdan ne anzi lɔ, mɔɔ ɛhanle ɔ nwo edwɛkɛ la ɔ? Kɛkala ɔlɛsɔne menli, na awie biala asɛɛ ɛlɛkɔ ye ɛkɛ.”

Dw 4:31

Mekɛ ne anu ɛnee ɛdoavolɛma ne gua zo ɛlɛkpa Gyisɛse kyɛlɛ kɛ, “Kilehilevolɛ, bakpula ɛ sa!”

Dw 6:25

Menli ne nwunle Gyisɛse wɔ tandane ne anzi nehae la, bɛbizale ye kɛ, “Kilehilevolɛ, na kenlenzu a ɛrale ɛke a?”

Ɛzoanvolɛma Gyima ne 10:21

Pita dwule aze na ɔzele bɛ kɛ, “Ahenle mɔɔ bɛkpondɛ ye la a le medame. Na bɛ ɛdialɛ nu ɛ?”

Ɛzoanvolɛma Gyima ne 10:29

Ɛhye ati yɛɛ bɛzoanle kɛ bɛrava me la meandwenlehwenle me bo aze na mera a. Yemɔti mebiza bɛ kɛ duzu ati a bɛravale me a?”

Wulu 1:16

Wulutu zele ye kɛ, “Mmafoa me kɛ mengyakyi wɔ mengɔ anzɛɛ menzia na memmatoa wɔ. Ɔluakɛ me nee wɔ yɛkɔ ɛleka mɔɔ ɛlɛkɔ la, mebadɛnla ɛleka mɔɔ ɛkɛdɛnla la. Wɔ menli bayɛ me menli, na wɔ Nyamenle ne ayɛ me Nyamenle.