Dw 1:29 - BAEBOLO ANZƐƐ BULUKU NWUANZANWUANZA

²⁹ Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 1:29 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:38

Aalɔn bɔ abɔtile ne a ɛnee ɔwɔ ɔ nwoma azo, amaa saa Yizilayɛma fa azubɔdeɛ nwuanzanwuanza ahyɛlɛ ninyɛne arɛlɛ me na bɛfo a yeali nwolɛ ɛzonle. Ɔwɔ kɛ ɔbɔ abɔtile ne dahuu, amaa azubɔdeɛ ne mɔ azɔ me nye na mealie.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 53:7

Bɛsisile ye, na bɛhilele ye nyane, noko yeambuke ɔ nloa; ɔle kɛ boane ralɛ mɔɔ bɛ nee ye ɛlɛkɔ ahunleɛ, yɛɛ ɔle kɛ boane mɔɔ bɛhye ye bɛlɛpepɛ ɔ nwo enrinli la. Ɔdɔle mumule, yeambuke ɔ nloa.

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Sɛlɛ 10:17

“Duzu ati a bɛanli ɛtane azubɔdeɛ ne wɔ ɛleka nwuanzanwuanza ne ɛ? Ɔboalekɛ ɔle debie nwuanzanwuanza kpalɛ kpalɛ mɔɔ bɛvale bɛmanle bɛ, amaa bɛazoa menli ne ɛtane ne mɔ na bɛahɔyɛ nwolɛ mgbɔdalɛ nzɛlɛlɛ wɔ Ɛdɛnkɛma anyunlu.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:1

Akee Ɛdɛnkɛma zele Aalɔn kɛ, “Ɛdawɔ, ɛ mra mrenya nee Livaema a banwu amaneɛ wɔ nvonleɛ biala mɔɔ kɛra Ndanlɛ Sua ne anu gyimayɛlɛ nu la; na ɛdawɔ nee ɛ mra mrenya bɛ ngomekye yɛɛ bɛbanwu amaneɛ wɔ nvonleɛ biala mɔɔ kɛra sɛlɛvolɛma gyimalilɛ ne anu la a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:23

Livaema bayɛ Ndanlɛ Sua ne anwo gyima na bɛdabɛ bɛali bɛ ɛtane nwo ɛzonle. Ɛhye le mɛla mɔɔ bala ɛkɛ amaa bɛ bo zo amra dahuu a. Livaema ɛnrɛnyia agyadeɛ biala wɔ Yizilayɛma avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:9

Yemɔti Mosisi yɛle kɔbele ɛwɔlɛ na ɔhendanle ye baka zo. Awie biala mɔɔ ɛwɔlɛ hale ye na ɔdole ɔ nye ɔnleanle ye la dele kpɔkɛ.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Dw 1:35

Ye alehyenlɛ nu ɛnee Dwɔn nee ye ɛdoavolɛma nwiɔ gyi ɛkɛ ne ko ne ala,

Dw 1:36

na bɛnwunle kɛ Gyisɛse ɛlɛse. Na Dwɔn hanle kɛ, “Bɛnlea, Nyamenle Boaneralɛ ne ɛne!”

Dw 1:43

Aleɛ hyenle la Gyisɛse yɛle kɛ ɔkɔ Galeli. Ɔnwunle Felepe na ɔzele ye kɛ, “Bɛla maa yɛhɔ!”

Dw 2:1

Ye kenle nwiɔ ne anzi bɛliele atɔfolɛ bie wɔ Kana sua zo, wɔ Galeli maanzinli nu. Gyisɛse ɔ nli wɔ ɛkɛ ne bie,

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 4:42

na bɛhanle bɛhilele raalɛ ne kɛ, “Kɛkala, tɛ mɔɔ ɛhanle la ati yɛɛ ɛmaa yɛlie ye yɛli a. Yɛlie ye yɛli, ɔluakɛ yɛdayɛ noko yɛde ɔ nloa edwɛkɛ yɛ nzo nu na yɛnwu kɛ amgba yemɔ a ɔle ewiade Ngoanedievolɛ ne a.”

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Ɛzoanvolɛma Gyima ne 8:32

Ɛleka mɔɔ ɛnee ɔlɛkenga la se, “Ɔle kɛ boane mɔɔ bɛ nee ye ɛhɔ ahunleɛ, anzɛɛ boaneralɛ mɔɔ bɛlɛpepɛ ye enrinli la, yeambuke ɔ nloa.

1 Kɔl 15:3

Edwɛkɛ ne mɔɔ menvale membɛlɛle bɛ la le edwɛkɛ mɔɔ hyia kpalɛ. Yɛ ɛtane ti yɛɛ Kelaese wule a, kɛmɔ Nyamenle Edwɛkɛ ne kile la.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 3:5

Bɛze kɛ Kelaese rale amaa yeaye ɛtane ne mɔ yeavi ɛkɛ. Yemɔ, ɛtane biala ɛnle ye nu.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 14:1

Akee mekado me nye la ɛnee Boaneralɛ ne gyi Boka Zayɔn azo; ɔ nee menli apenle ngoko ɛya ko, abulanla nee nna (144,000) mɔɔ bɛhɛlɛ ɔdaye ye duma yɛɛ Selɛ ne duma wɔ bɛ nwoma azo la a gyi ɛkɛ a.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 19:7

Bɛmaa yɛ nye ɛlie na yɛli fɛlɛko; bɛmaa yɛyeyɛ ye kɛ ɔle kpole! Ɔluakɛ Boaneralɛ ne atɔfolɛlielɛ mekɛ ne ɛdwu, na ye atɔfolɛ nrenya ne ɛziezie ɔ nwo ɛwie.

Yekile 19:9

Na Nyamenle soanvolɛ ne zele me kɛ, “Kɛlɛ ɛhye: Nyilalɛ ɛha bɛdabɛ mɔɔ bɛdo ɛsalɛ bɛvɛlɛ bɛ kɛ bɛrɛla Boaneralɛ ne atɔfolɛlielɛ ne abo la.” Ɔzele medame noko kɛ, “Ɛhye le Nyamenle ɔdaye ɔ nloa edwɛkɛ fɔɔnwo.”

Yekile 21:14

Suakpole ne bane ne, bɛhyele ye wɔ adiabo awolɛ bulu nee nwiɔ mɔɔ bɛhɛlɛ Boaneralɛ ne ɛzoanvolɛma bulu nee nwiɔ ne aluma wɔ nwolɛ la azo.

Yekile 21:27

Na debie biala mɔɔ anwo ɛnde la ɛnrɛhɔ suakpole ne azo. Zɔhane ala yɛɛ mɔɔ bɔ anyiemgba ɛbɛla na ɔbɔ adalɛ la ɛnrɛhɔ ɛkɛ a. Bɛdabɛ mɔɔ bɛhɛlɛ bɛ aluma wɔ Boaneralɛ ne teasema buluku ne anu la angome a bahɔ suakpole ne azo a.

Yekile 21:9

Nyamenle soanvolɛma nsuu ne mɔɔ lɛ amaneɛnwunlɛ dwora nsuu ne la anu ko rale me nwo ɛkɛ na ɔzele me kɛ, “Bɛla maa mengile wɔ Atɔfolɛ ne, mɔɔ le Boaneralɛ ne aye ne.”

Yekile 5:6

Na menwunle kɛ Boaneralɛ ne gyi belemgbunli ebia ne mɔɔ tease abɔdeɛ nna ne nee mgbanyima ne mɔ ɛbɔ ɛyia ye la anyunlu. Ɔzɔho Boaneralɛ ne mɔɔ bɛhu ye la. Ɔlɛ mɛne nsuu yɛɛ ɛnyelɛ nsuu, mɔɔ le Nyamenle Sunsum nsuu ne, mɔɔ bɛzoanle bɛ wɔ ewiade ye amuala anu la.

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.

Yekile 6:1

Akee menwunle kɛ Boaneralɛ ne ɛwaye ɛyɛlɛ ne mɔɔ bɛva bɛsosɔ nwoma ne anloa fane nsuu la anu ko, na mendele kɛ tease abɔdeɛ nna ne anu ko lɛ ɛnelɛ mɔɔ ye kpole le kɛ ezule mɔɔ ɛlɛkulu la hanle kɛ, “Bɛla!”

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”