Dw 1:21 - BAEBOLO ANZƐƐ BULUKU NWUANZANWUANZA

²¹ Bɛbizale ye kɛ, “Ɛnee wɔmɔ a le nwane? Wɔmɔ a ɛle Yilaegya ɔ?” Dwɔn buale bɛ kɛ, “Kyɛkyɛ, tɛ yemɔ a le me.” Bɛbizale ye kɛ, “Wɔmɔ a ɛle Nyamenle kpɔmanvolɛ ne ɔ?” Ɔbuale kɛ, “Kyɛkyɛ.”

Dw 1:21 ပူးပေါင်းရင်းမြစ်များ

Malakae Buluku ne 4:5

“Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

Edwɛkpa ne kɛmɔ Mateyu hɛlɛle la 11:14

na saa bɛkɛlie bɛkɛli a, anrɛɛ mese, Dwɔn a le Yilaegya ne mɔɔ bɛhanle ye edwɛkɛ kɛ ɔbara la.

Edwɛkpa ne kɛmɔ Mateyu hɛlɛle la 16:14

Bɛbuale ye kɛ, “Bie mɔ se Dwɔn Sɔnevolɛ ne ɔ, bie mɔ se Yilaegya ɔ, yɛɛ bie mɔ noko se Gyɛlɛmaya anzɛɛ Nyamenle kpɔmanvolɛma ne mɔ ko ɔ.”

Edwɛkpa ne kɛmɔ Mateyu hɛlɛle la 21:11

Na menli dɔɔnwo ne zele kɛ, “Ɛhye a le Nyamenle kpɔmanvolɛ ne mɔɔ bɛfɛlɛ ye Gyisɛse, mɔɔ vi Nazalɛte mɔɔ wɔ Galeli la.”

Edwɛkpa ne kɛmɔ Luku hɛlɛle la 1:17

Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Dw 1:22

Bɛzele ye kɛ, “Ɛnee kile yɛ wɔ sonlazule. Ɔluakɛ ɔwɔ kɛ yɛfa mualɛ yɛkɔmaa menli mɔɔ zoanle yɛ la. Duzu a ɛka ye wɔ ɛ nwo a?”

Dw 1:25

Bɛbizale Dwɔn kɛ, “Saa tɛ wɔ a ɛle Mɛzaya ne, Yilaegya anzɛɛ Nyamenle kpɔmanvolɛ ne a, ɛnee duzu ati a ɛsɔne menli a?”

Dw 6:14

Mɔɔ menli ne nwunle nwanwane gyima kpole ɛhye mɔɔ Gyisɛse ɛli la bɛhanle kɛ, “Nɔhalɛ, ɛhye a le Nyamenle kpɔmanvolɛ ne mɔɔ bara ewiade la!”

Dw 7:40

Menli mɔɔ wɔ ɛlɔne ne anu la anu dɔɔnwo dele mɔɔ ɔhanle la, na bɛzele kɛ, “Amgba, nrenya ɛhye a le Nyamenle Kpɔmanvolɛ ne!”