Dw 1:18 - BAEBOLO ANZƐƐ BULUKU NWUANZANWUANZA

¹⁸ Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 1:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:13

Na Heega hanle kɛ, “Asoo amgba menwu Nyamenle anyunlu na metɛte aze?” Na ɔvɛlɛle Ɛdɛnkɛma mɔɔ nee ye dendɛle la, “Nyamenle mɔɔ nwu me la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:33

Ɛdɛnkɛma nee Ebileham wiele tendɛ la, ɔhɔle. Na Ebileham ziale hɔle sua nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:21

Bɛdie ye na bɛyɛ tieyɛ bɛmaa ye. Bɛmmate ɔ nwo atua, ɔluakɛ ɔnrɛva bɛ mɛladonlɛ biala ɔnrɛhyɛ bɛ, ɔboalekɛ ɔgyi me gyakɛ anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:10

na bɛnwunle Yizilayɛ Nyamenle ne. Bɛnwunle debie mɔɔ zɔho ezukoa bolɛ buluwu mɔɔ sonle bolɛ na nuhua te kɛ anwomanyunlu la wɔ ɔ gyakɛ abo.

Mrɛlɛbulɛ Buluku ne 8:30

ɛnee me nee ye a lua a, kɛ mele dwinvolɛ mɔɔ medi me ti anwo; memaa ɔ nye die dahuu, yɛɛ dahuu biala me nye die wɔ ɔ nyunlu.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Gyɛlɛmaya Awolɛyelɛ 2:12

Bɛsu bɛfɛlɛ bɛ nli mɔ kɛ, “Aleɛ nee nwanye wɔ nienwu?” Bɛ nye zo bulu wɔ Zayɔn guabile ne mɔ azo kɛ menli mɔɔ ɛbodɛboda la; bɛ nli mɔ kɛdwu bɛ la ɛnee bɛhete bɛ sa nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:8

Yemɔti meye me nwo ali me nee ye yɛ mu nwiɔ yɛtendɛ bɔkɔɔ mɔɔ mendo ye agyiba biala a. Yenwu medame Ɛdɛnkɛma me sɔhovolɛ bɔbɔ. Duzu ati bɔbɔ yɛɛ ɔwɔ kɛ bɛtendɛ bɛtia me sonvolɛ Mosisi a?”

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Edwɛkpa ne kɛmɔ Luku hɛlɛle la 10:22

“Egya ɛva ninyɛne kɔsɔɔti ɛwula me sa nu. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 12:41

Ayezaya hanle ɛhye, ɔluakɛ ɔnwunle Gyisɛse anyunlunyia ne dɛba yɛɛ ɔhanle ɔ nwo edwɛkɛ a.

Dw 13:23

Ɛnee ɛdoavolɛ ne mɔɔ Gyisɛse kulo ye edwɛkɛ la de Gyisɛse anwo ɛkɛ ne.

Dw 14:9

Gyisɛse buale ye kɛ, “Felepe, yemɔti mekɛ tendenle ye mɔɔ me nee bɛ muala ɛdɛnla la bɛnze me? Awie mɔɔ ɛnwu me la ɛnwu Selɛ ne. Duzu ati a akee ɛbiza me kɛ, ‘Kile yɛ Selɛ ne ɛ?’

Dw 17:26

Mela wɔ ali mehile bɛ na mebahɔ zo meayɛ ye zɔhane, amaa ɛhulolɛ ne mɔɔ ɛlɛ ye me nwo la adɛnla bɛ nu, na medame noko meadɛnla bɛ nu.”

Dw 17:6

“Mela wɔ ali mehile menli mɔɔ ɛvale bɛ ɛvile ɛtane ewiade ye anu ɛmanle me la. Ɛnee bɛle wɔ ɛdeɛ, yɛɛ ɛvale bɛ ɛmanle me a. Bɛli wɔ edwɛkɛ ne azo,

Dw 3:11

Meka nɔhalɛ meahile wɔ: yɛka mɔɔ yɛnwu ye na yɛbɔ mɔɔ yɛde la nolo, noko bɛ biala ɛnlie yɛ edwɛkɛ ne ɛndo nuhua.

Dw 6:46

Ɛhye ɛngile kɛ awie biala ɛnwu Selɛ ne; mɔɔ vi Nyamenle ɛkɛ ne rale la a le sonla mɔɔ ɛnwu Selɛ ne a.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Mɛla 4:12

Na Ɛdɛnkɛma luale senle ne anu dendɛle hilele bɛ. Bɛdele edwɛkɛ ne, noko bɛannwu ɛhwee. Ɛnelɛ ne ala a bɛdele a.

Kɔlɔ 1:15

Kelaese le Nyamenle ne mɔɔ ɛnyelɛ ɛnnwu ye la sɔhovolɛ. Yemɔ a ɔle abɔdeɛ muala anu belamunli Ralɛ a.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

Dwɔhyua Buluku ne 5:13

Mɔɔ Dwɔhyua bikyele Gyɛleko la, arɛlevilɛ nu ala ɔnwunle nrenya ko kɛ ɔlɛ konle dadeɛ ɔ sa nu ɔgyi ɔ nyunlu ɛkɛ ne. Dwɔhyua hɔle ɔ nwo ɛkɛ ne na ɔbizale ye kɛ, “Ɛboka yɛ nwo anzɛɛ ɛle kpɔvolɛ?”

1 Dw 4:12

Awie biala ɛtɛnwunle Nyamenle ɛlɛ, na saa yɛkulo yɛ nwo ngoko ngoko a, ɛnee Nyamenle de yɛ nu, na ye ɛhulolɛ ne ɛli munli wɔ yɛ nu.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.

1 Dw 4:9

Kɛ Nyamenle zile hilele kɛ ɔkulo yɛ la ɛne: ɔzoanle ɔ Ra kokye ne wɔ ewiade ye anu, amaa ɔlua ɔ nwo zo yɛanyia ngoane.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.