Dw 1:14 - BAEBOLO ANZƐƐ BULUKU NWUANZANWUANZA

¹⁴ Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:14 ပူးပေါင်းရင်းမြစ်များ

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Edwɛndolɛ Buluku ne 85:9

Nɔhalɛ, ye ngoanelielɛ ne ɛbikye bɛdabɛ mɔɔ bɛsulo ye la, amaa anyunlunyia aha yɛ maanle ye.

Ayezaya Buluku ne 40:5

Na Ɛdɛnkɛma anyunlunyia ne bala ali, ɛnyelɛ kɔsɔɔti banwu ye. Ɛdɛnkɛma ɔdaye a ɔse a.”

Ayezaya Buluku ne 53:2

Ɔluakɛ ɔfifile kɛ baka ekyi bie mɔɔ zɔle ndinli wɔ azɛlɛ resee zo; ɔnle kɛnlɛma anzɛɛ ɔnzɔho debie na yɛanlea, yɛɛ ɔnzɔ ɛnyelɛ na yɛ nye abolo ye.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Yizikeɛle Buluku ne 37:27

Mebadɛnla bɛ avinli, na meayɛ bɛ Nyamenle, na bɛayɛ me menli.

Edwɛkpa ne kɛmɔ Mateyu hɛlɛle la 1:16

Gyekɔbo wole Dwosefi, mɔɔ ɔ ye a le Mɛle mɔɔ wole Gyisɛse, mɔɔ le Kelaese ne la.

Edwɛkpa ne kɛmɔ Luku hɛlɛle la 2:11

Ɛnɛ kenle ye bɛwo bɛ Ngoanedievolɛ ne, mɔɔ le Awulae Kelaese ne wɔ Devidi sua zo.

Edwɛkpa ne kɛmɔ Luku hɛlɛle la 2:7

Ɔwole ye belamunli ralɛ ne nrenya na ɔvale avuazinli ɔkyekyele ɔ nwo na ɔdole ye mboane adidi ɛlɛka nu wɔ mboane tunli bie anu, ɔluakɛ bɛannyia ɛleka wɔ nyɛvolɛ sua ne anu.

Edwɛkpa ne kɛmɔ Luku hɛlɛle la 9:32

Mekɛ ne anu ɛnee Pita nee bɛdabɛ mɔɔ bɛwɔ ɔ nwo ɛkɛ ne la ɛlafe. Bɛdunwuele la bɛnwunle Gyisɛse anyunlunyia ne nee menli nwiɔ ne mɔɔ nee ye gyi ɛkɛ ne la.

Dw 1:1

Mekɛ mɔɔ bɛkabɔ ewiade la, ɛnee Edwɛkɛ ne wɔ ɛkɛ; Edwɛkɛ ne nee Nyamenle a wɔ ɛkɛ a, na Edwɛkɛ ne le Nyamenle.

Dw 11:40

Gyisɛse zele ye kɛ, “Metɛkanle metɛkilele wɔ kɛ saa ɛdie ɛdi a ɛkɛnwu kɛ Nyamenle anyunlunyia ne si de la ɔ?”

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 14:9

Gyisɛse buale ye kɛ, “Felepe, yemɔti mekɛ tendenle ye mɔɔ me nee bɛ muala ɛdɛnla la bɛnze me? Awie mɔɔ ɛnwu me la ɛnwu Selɛ ne. Duzu ati a akee ɛbiza me kɛ, ‘Kile yɛ Selɛ ne ɛ?’

Dw 17:22

Anyunlunyia ne mɔɔ ɛvale ɛmanle me la meva zɔhane ala bie memaa bɛ, amaa bɛayɛ ko, kɛmɔ ɛdawɔ nee medame yɛle ko la;

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Dw 18:37

Paelɛte zele ye kɛ, “Se ɛnee ɛle belemgbunli o!” Gyisɛse buale ye kɛ, “Ɛdawɔ ɛse mele belemgbunli. Na ɛhye ala ati yɛɛ bɛwole me bɛmanle membale ewiade ye anu a, kɛ membanli nɔhalɛ ne anwo daselɛ. Mɔɔ le nɔhalɛ ne ɛdeɛ la tie mɔɔ meka la.”

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:18

Mɔɔ kɛlie Ralɛ ne kɛli la bɛnrɛbua ye ndɛne, na mɔɔ anlie ye anli la, bɛbua ye ndɛne dɛbadɛba, ɔboalekɛ yeanlie Nyamenle Ara kokye ne yeanli.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Dw 8:32

bɛbanwu nɔhalɛ ne, na nɔhalɛ ne bamaa bɛanyia bɛ ti.”

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Wulo 9:5

Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.

1 Kɔl 15:47

Ndɛtɛlɛ a Nyamenle vale bɔle sonla ne mɔɔ lumua la a, na sonla ne mɔɔ tɔ zolɛ nwiɔ la vi anwuma a rale a.

2 Kɔl 12:9

Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Kɔlɔ 1:19

Ɔluakɛ Nyamenle ɔdaye ɔhulole yɛɛ ɔvale ye su ne amuala ɔwulale Ralɛ ne nu a.

Kɔlɔ 2:3

Kelaese anu a Nyamenle nrɛlɛbɛ ne mɔɔ anwonyia ɛyi ye tɛkɛɛ nee adwenlenubukelɛ vea a.

Kɔlɔ 2:9

Ɔluakɛ Nyamenle su ne de Kelaese sonlabaka ne nu,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 1:5

Ɔluakɛ Nyamenle anga angile ye soanvolɛma ne mɔ bie kɛ, “Ɛle Me Ra; ɛnɛ a mewo wɔ a.” Nyamenle anga wɔ ye soanvolɛma ne bie anwo kɛ, “Mebayɛ ɛ Ze, na wɔayɛ me Ra.”

Kɛlata mɔɔ bɛhɛlɛle bɛhɔmanle Hibuluma la 10:5

Ɔlua ɛhye ati mɔɔ Kelaese bara ewiade la, ɔzele Nyamenle kɛ, “Ɛmkpondɛ azubɔlɛ nee azubɔdeɛ noko wɔmaa me nwolɛ nwonane.

Kɛlata mɔɔ bɛhɛlɛle bɛhɔmanle Hibuluma la 2:11

Ɔte menli nwo ɔfi bɛ ɛtane nwo na ɔ nee bɛdabɛ mɔɔ yede bɛ nwo la nyia Selɛ ko. Ɛhye ati Gyisɛse ɛnze nyiane kɛ ɔkɛvɛlɛ bɛ ɔ mediema.

Kɛlata mɔɔ bɛhɛlɛle bɛhɔmanle Hibuluma la 5:5

Zɔhane ala yɛɛ Kelaese ɔdaye yeanyɛ ɔ nwo sɛlɛvolɛ kpanyinli a. Nyamenle ɔdaye mumua ne a ɔzele ye kɛ, “Ɛle me Ra; ɛnɛ merayɛ ɛ Ze.”

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.

1 Dw 4:9

Kɛ Nyamenle zile hilele kɛ ɔkulo yɛ la ɛne: ɔzoanle ɔ Ra kokye ne wɔ ewiade ye anu, amaa ɔlua ɔ nwo zo yɛanyia ngoane.

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.

Yekile 19:13

Ye tɛladeɛ mɔɔ ɔwula la anu le mogya ngome. Duma mɔɔ bɛfa bɛfɛlɛ ye la a le “Nyamenle Edwɛkɛ.”

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.