Dw 1:10 - BAEBOLO ANZƐƐ BULUKU NWUANZANWUANZA

¹⁰ Ɛnee Edwɛkɛ ne wɔ ewiade ye. Nyamenle luale ɔ nwo zo a bɔle ewiade a, noko ewiade amra ɛnze ye.

Dw 1:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:13

Na Heega hanle kɛ, “Asoo amgba menwu Nyamenle anyunlu na metɛte aze?” Na ɔvɛlɛle Ɛdɛnkɛma mɔɔ nee ye dendɛle la, “Nyamenle mɔɔ nwu me la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:33

Ɛdɛnkɛma nee Ebileham wiele tendɛ la, ɔhɔle. Na Ebileham ziale hɔle sua nu.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Dw 1:11

Ɔrale ɔdaye ye maanle nu, na ye menli ne anlie ye.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 1:3

Ɔ nwo zo yɛɛ Nyamenle luale yɛle ninyɛne kɔsɔɔti a; bɛangoati ye bɛanyɛ debie biala mɔɔ wɔ aleɛabo amuala la.

Dw 1:5

Wienyi ne ta awozinli nu, na awozinli ɛngola ɛngye ye.

Dw 17:25

Pɛlepɛlelilɛ Egya! Ɛtane ewiade ye ɛnze wɔ, na mame meze wɔ, yɛɛ ɛhye mɔ ze kɛ ɛdawɔ a ɛzoanle me a.

Dw 5:17

Gyisɛse buale bɛ kɛ, “Egya yɛ gyima kenle biala, yemɔti ɔwɔ kɛ medame noko meyɛ gyima.”

Ɛzoanvolɛma Gyima ne 14:17

Noko dahuu ɔdua ye ninyɛne kpalɛ mɔɔ ɔyɛ la azo ɔkile ɔ nwo ɔkile bɛ: ɔmaa bɛ ezule, yɛɛ ɛbuhenle ne dwu a ɔmaa bɛ aleɛ na ɔmaa bɛ nye die.”

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 2:8

Nrɛlɛbɛ ɛhye, bɛdabɛ mɔɔ bɛsie ewiade la annwu ye, ɔluakɛ saa bɛnwunle ye a, anrɛɛ bɛambɔ anyunlunyia Awulae ne meanubaka nu.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Kɔlɔ 1:16

Ɔ nwo zo a Nyamenle luale bɔle ninyɛne kɔsɔɔti a: mɔɔ wɔ anwuma o nee mɔɔ wɔ aze o, mɔɔ bɛnwu bɛ nee mɔɔ bɛnnwu bɛ la amuala, ewiade ye anu tumima nee arelemgbunli nee bɛdabɛ mɔɔ bɛsie ɛnɛ mekɛ ye anu awozinli ewiade ye nee sunsum nu ɛlɔnema; Nyamenle luale Kelaese anwo zo a bɔle ninyɛne kɔsɔɔti a, yɛɛ Kelaese ati a ɔbɔle bɛ a.

Kɛlata mɔɔ bɛhɛlɛle bɛhɔmanle Hibuluma la 11:3

Ɔlua diedi zo yɛɛ yɛnyia ndelebɛbo kɛ Nyamenle vale ɔ nloa edwɛkɛ ala a bɔle ewiade a, na mɔɔ ɛnɛ yɛnwu ye la vi mɔɔ yɛnnwu ye la anu a rale a.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.