Kɔlɔ 4:7 - BAEBOLO ANZƐƐ BULUKU NWUANZANWUANZA

⁷ Adiema kulovolɛ Tekekɛse, mɔɔ le nɔhalɛ gyimayɛvolɛ nee sonvolɛ wɔ Awulae gyima nu la babɔ me nwo edwɛkɛ ahile bɛ.

Kɔlɔ 4:7 ပူးပေါင်းရင်းမြစ်များ

Ɛzoanvolɛma Gyima ne 20:4

Na Sosepatɛ, mɔɔ le Pelɛse ara nrenya ne mɔɔ vi Bɛlia, yɛɛ Alesetaakɛse nee Sɛkɛndɛse, mɔɔ vi Tɛsalonaeka, Gayɛse mɔɔ vi Dɛbi, yɛɛ Temɔte, akee Tekekɛse nee Tulofemɛse mɔɔ vi Ehyea maanzinli nu la nee ye a hɔle a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:25

Medwenle nwo kɛ eza ɔwɔ kɛ mesoa adiema Ɛpafulodaetɛse noko wɔ bɛ nwo nehane, ɔ nee me a yɛdi gyima ye a, yɛɛ yegyinla me nzi yeho kpalɛ kɛ me gɔnwo sogyanli, eza yezonle na yeboa me kɛ ɔle bɛ soanvolɛ wɔ mekɛ mɔɔ mengɔle ɛhyianlɛ nu la.

Kɔlɔ 1:7

Ɛpafelase a hilehilele bɛ Nyamenle ɛlolɛ ɛhye anwo edwɛkɛ a. Ɔle yɛ diema sonvolɛ kpalɛ kpalɛ mɔɔ sonle Kelaese nɔhalɛ nu a; ɔgyi yɛ gyakɛ anu wɔ lɔ.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

Kɔlɔ 4:9

Ɔ nee Onɛsemɛse mɔɔ le yɛ diema kulovolɛ nɔhalɛ ne, mɔɔ le bɛdabɛ bɛ nuhua bie la a bara a. Bɛbaha debie biala mɔɔ ɛlɛkɔ zolɛ wɔ ɛke la bɛahile bɛ.

2 Tem 4:12

Mezoa Tekekɛse wɔ Ɛfɛsɛse.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:12

Saa mesoa Aatɛmase anzɛɛ Tekekɛse wɔ ɛ nwo lɔ a, bɔ mɔdenle kɛ ɛkɛra me nwo wɔ Nekɔpɔlese, ɔboalekɛ meyɛ me adwenle kɛ ɛkɛ ne a mekali fɔsɛlɛ ne a.