Kɔlɔ 4:6 - BAEBOLO ANZƐƐ BULUKU NWUANZANWUANZA

⁶ Bɛmaa bɛ nloa edwɛkɛ ɛyɛ fɛ na ɔyɛ anyelielɛ, na bɛnwu nyelebɛnloa kpalɛ mɔɔ ɔwɔ kɛ bɛfa bɛye awie biala edwɛkɛ nloa la.

Kɔlɔ 4:6 ပူးပေါင်းရင်းမြစ်များ

1 Edk 16:24

Bɛbɔ ye anyunlunyia ne nolo bɛhile maanle maanle, bɛbɔ ye nwanwane gyima ne mɔ nolo bɛhile menli kɔsɔɔti!

Edwɛndolɛ Buluku ne 105:2

Bɛdo edwɛne bɛmaa ye, bɛdo ayɛlɛyelɛ edwɛne bɛmaa ye, bɛbɔ ye nwanwane gyima ne mɔ amuala nolo.

Edwɛndolɛ Buluku ne 119:13

Mebabɔ wɔ mɛla ne mɔ mɔɔ wɔhyehyɛ la nolo.

Edwɛndolɛ Buluku ne 119:46

Mebabɔ wɔ mɛla ne mɔ nolo meahile arelemgbunli, menrɛze nwolɛ nyiane,

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Edwɛndolɛ Buluku ne 66:16

Bɛdabɛ mɔɔ bɛsulo Nyamenle la, bɛrɛla bɛradie, na mebaha mɔɔ yeyɛ yemaa me la meahile bɛ.

Mrɛlɛbulɛ Buluku ne 10:21

Sonlakpalɛ ɛdendɛlɛ maa menli dɔɔnwo nyia aleɛ di, na ahoasea wu, ɔluakɛ bɛnlɛ adwenle.

Mrɛlɛbulɛ Buluku ne 15:4

Ɛdendɛlɛ bɛtɛɛ le ngoane baka, na amumuyɛ ɛdendɛlɛ ku sunsum.

Mrɛlɛbulɛ Buluku ne 15:7

Nrɛlɛbɛvolɛma ɛdendɛlɛ maa adwenle tende. Ahoasea adwenle ɛnle zɔhane.

Nolo 10:12

Nrɛlɛbɛvolɛ nloa edwɛkɛ maa menli di ye eni, na koasea ka edwɛkɛ a ɔsɛkye ɔdaye mumua ne ɔ nwo.

Yizikeɛle Buluku ne 43:24

Bɛva bɛ bɛrɛla Ɛdɛnkɛma anyunlu na sɛlɛvolɛma ne ɛkponde ngyenle bɛ nwo zo na bɛva bɛbɔ ɛyelalɛ azu bɛmaa Ɛdɛnkɛma.

Sɛlɛ 2:13

Ɔwɔ kɛ bɛfa ngyenle bɛgua bɛ ma azubɔdeɛ ne mɔ amuala anu. Ɔnle kɛ bɛmaa ngyenle mɔɔ kile bɛ nee bɛ Nyamenle ne ngyekyeleɛ ne la kpa bɛ ma azubɔdeɛ nu. (Bɛva ngyenle bɛboka bɛ azubɔdeɛ biala.)

Edwɛkpa ne kɛmɔ Mateyu hɛlɛle la 5:13

“Bɛmɛ a bɛle azɛlɛ ye azo ngyenle a. Ngyenle mɔɔ kɛda la bɛyɛ ye menlemenle bieko a ɔnyɛ boɛ. Bɛfa bɛyɛ ɛhwee a ɔnyɛ boɛ. Bɛto bɛgua na menli tietia zolɛ.

Edwɛkpa ne kɛmɔ Maake hɛlɛle la 9:50

“Ngyenle le kpalɛ; na saa ɔta a, kɛ ɛkɛzi ɛkɛyɛ na yeayɛ menlemenle bieko ɛ? “Bɛmaa bɛ ɛbɛlabɔlɛ ne ɛyɛ kɛ ngyenle, ɛde bɛ, na bɛ nee menli kɔsɔɔti ɛdɛnla anzonudwolɛ nu.”

Edwɛkpa ne kɛmɔ Luku hɛlɛle la 4:22

Bɛ muala bɛ nye liele ɔ nwo na ye ɛdendɛlɛ bɔbɔ zinle bɛ nwo, na bɛzele kɛ, “Asoo tɛ Dwosefi ara ye ɛ?”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Mɛla 11:19

Bɛhilehile bɛ mra na bɛha nwolɛ edwɛkɛ bɛhile bɛ wɔ mekɛ biala mɔɔ bɛkɛdɛnla aze wɔ bɛ azua nu, anzɛɛ bɛlua adenle zo, anzɛɛ bɛkɛhɔ nla nu, anzɛɛ bɛkɛdwazo la.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,