Kɔlɔ 4:11 - BAEBOLO ANZƐƐ BULUKU NWUANZANWUANZA

¹¹ Gyisɛse ne mɔɔ bɛfɛlɛ ye Gyɛsetɛse la biza bɛ ahye. Menli nsa ɛhye a le Dwuuma mɔɔ ɛlie ɛli na bɛ nee me yɛlɛdi Nyamenle Belemgbunlililɛ ne anwo gyima a, yɛɛ bɛboa me kpole kpalɛ.

Kɔlɔ 4:11 ပူးပေါင်းရင်းမြစ်များ

Ɛzoanvolɛma Gyima ne 10:45

Ɛhye yɛle Dwuuma mɔɔ ɛlie Edwɛkpa ne ɛli na bɛ nee Pita vi Dwɔpa rale la azibɛnwo kpole kɛ Nyamenle Sunsum Nwuanzanwuanza ahyɛlɛdeɛ ne ɛra menli mɔɔ ɛnle Dwuuma la noko anwo zo a.

Ɛzoanvolɛma Gyima ne 11:2

Yemɔti mɔɔ Pita hɔle Gyɛlusalɛm la, bɛdabɛ mɔɔ bɛmɛ bɛ adwenle wɔ mrenyanu nzonlɛyɛlɛ zo la dendɛle ye nwolɛ,

Wulo 16:3

Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye.

Wulo 4:12

Eza ɔle bɛdabɛ noko mɔɔ bɛyɛ bɛ mrenyanu nzonlɛ, na tɛ kɛ asɛɛ bɛyɛ bɛ mrenyanu nzonlɛ la ati ɔ, na bɛva ɔ gyakɛ na bɛ diedi le kɛ ɔdaye Ebileham ɛdeɛ ne kolaa na yeayɛ ye mrenyanu nzonlɛ la bɛ ze.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:11

Bɛmɛ mɔɔ bɛnle Dwuuma la, bɛhakye kɛ dɛba ne ɛnee Dwuuma fɛlɛ bɛ kɛ bɛle menli mɔɔ ɛnze Nyamenle a. Ɔluakɛ Dwuuma yɛ bɛ mrenyanu nzonlɛ na bɛmɛ mɔɔ bɛnle Dwuuma la bɛnyɛ bɛ mrenyanu nzonlɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.

Kɔlɔ 4:7

Adiema kulovolɛ Tekekɛse, mɔɔ le nɔhalɛ gyimayɛvolɛ nee sonvolɛ wɔ Awulae gyima nu la babɔ me nwo edwɛkɛ ahile bɛ.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tɛs 3:7

Yemɔti, mediema, wɔ yɛ anwongyelelɛ nee amaneɛnwunlɛ ne mɔ anu, bɛmɛ a bɛzi yɛ ahonle a. Bɛ diedi yɛɛ ɛmaa yɛ anwosesebɛ a,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:10

Menli mɔɔ anzo yɛ se la dɔɔnwo wɔ ɛkɛ mɔɔ ko tia ngilehilelɛ ɛhye a. Bɛ nuhua titile a le bɛdabɛ mɔɔ ɛnee bɛli Dwuuma nyamenlezonlenlɛ ne anzi na bɛhakyi bɛrayɛ Kelaese ɛdoavolɛma la. Bɛka mgbole na bɛbɛlɛbɛla awie mɔ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:1

Kɛlata ɛhye vi medame Pɔɔlo, mɔɔ ɔlua Kelaese Gyisɛse ati mela efiade nee adiema Temɔte ɛkɛ. Ɔdwu yɛ gɔnwo Faelimɔn, mɔɔ le yɛ diema gyimayɛvolɛ wɔ Nyamenle ɛzonlenlɛ ye anu la ɛkɛ;

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:24

Zɔhane ala yɛɛ me gɔnwo mɔ gyimayɛvoma Maake, Alesetaakɛse, Dimase, yɛɛ Luku bɛdabɛ bɛbiza wɔ ahye a.