Kɔlɔ 3:9 - BAEBOLO ANZƐƐ BULUKU NWUANZANWUANZA

⁹ Bɛmmabɔ adalɛ bɛkile bɛ nwo, ɔluakɛ bɛye bɛ su dɛba ne nee ye nyɛleɛ ne mɔ wɔ bɛ nu bɛgua.

Kɔlɔ 3:9 ပူးပေါင်းရင်းမြစ်များ

Mrɛlɛbulɛ Buluku ne 13:5

Tenlenenli kyi adalɛbɔlɛ, na amumuyɛnli yɛ ye ninyɛne anyiemgba nu.

Ayezaya Buluku ne 63:8

Ɔluakɛ ɔhanle kɛ, “Nɔhalɛ, bɛle me menli; bɛle me mra mɔɔ ɛnrɛbɛlɛbɛla me a.” Na ɔyɛle bɛ dievolɛ.

Sɛlɛ 19:11

“Bɛmmawua, bɛmmadi ndunlumi, yɛɛ bɛmmabɔ adalɛ bɛkile bɛ nwo ngoko.

Zɛfanaya Buluku ne 3:13

Yizilayɛma mɔɔ ɛha la ɛnrɛyɛ ɛtane; bɛnrɛbɔ adalɛ bɛnrɛbɛlɛbɛla awie mɔ, ɔluakɛ bɛbadidi na bɛala koonwu, awie ɛnrɛnwunlonwunla bɛ.”

Zɛkalaya Buluku ne 8:16

Ninyɛne mɔɔ ɔwɔ kɛ bɛyɛ la ɛne: Bɛha nɔhalɛ bɛhile bɛ nwo ngoko, bɛyia nu a bɛbua ndɛne nɔhalɛ nu na bɛmaa anzonudwolɛ ɛrɛla.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25

Zɔhane ati, bɛmmabɔ adalɛ bieko; awie biala ɛha nɔhalɛ ɛhile ɔ gɔnwo, ɔboalekɛ yɛ muala yɛle menli ko.

Kɔlɔ 3:8

Na kɛkala ɔwɔ kɛ bɛgua ninyɛne ɛhye mɔ amuala lɔ: ninyɛne mɔɔ le kɛ ɛya ɛvalɛ, ahonle kpole, ɛkpɔlɛ, yɛɛ dumanzɛkyelɛ. Bɛmmamaa aholoba anzɛɛ edwɛkɛ ɛtane fi bɛ nloa anu finde.

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

Yekile 21:27

Na debie biala mɔɔ anwo ɛnde la ɛnrɛhɔ suakpole ne azo. Zɔhane ala yɛɛ mɔɔ bɔ anyiemgba ɛbɛla na ɔbɔ adalɛ la ɛnrɛhɔ ɛkɛ a. Bɛdabɛ mɔɔ bɛhɛlɛ bɛ aluma wɔ Boaneralɛ ne teasema buluku ne anu la angome a bahɔ suakpole ne azo a.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.