Kɔlɔ 3:8 - BAEBOLO ANZƐƐ BULUKU NWUANZANWUANZA

⁸ Na kɛkala ɔwɔ kɛ bɛgua ninyɛne ɛhye mɔ amuala lɔ: ninyɛne mɔɔ le kɛ ɛya ɛvalɛ, ahonle kpole, ɛkpɔlɛ, yɛɛ dumanzɛkyelɛ. Bɛmmamaa aholoba anzɛɛ edwɛkɛ ɛtane fi bɛ nloa anu finde.

Kɔlɔ 3:8 ပူးပေါင်းရင်းမြစ်များ

Edwɛndolɛ Buluku ne 37:8

Mmafa ɛya, yɛɛ mmamaa wɔ ahonle futu! Mmafonla ɛ nwo; ɔwie munzule.

Mrɛlɛbulɛ Buluku ne 17:14

Mgbonde bo ɛbɔlɛ le kɛ azuledukuelɛ, yemɔti twe ɛ nwo kolaa na butule ne abɔ ɔ bo.

Mrɛlɛbulɛ Buluku ne 19:19

Sonla mɔɔ fa ɛya mgbole la nwu ɔ bo aleɛ, ɔluakɛ saa ɛdie ye ɛfi munzule ko anu a, eza ɛbalie ye wɔavi bieko anu.

Mrɛlɛbulɛ Buluku ne 29:22

Sonla mɔɔ ɛngyɛ na yeava ɛya la twehwe mgbonde nee konle, yɛɛ mɔɔ ɛya wɔ ye ahonle zo la fa mɛladonlɛ dɔɔnwo ba.

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Maake hɛlɛle la 7:22

ɔfa nwuvolɛ, ɔyɛ anyebolo, ɔyɛ amumuyɛ, ɔbɔ adalɛ, ɔyɛ ahulomrenya anzɛɛ ahulomraalɛ, ɔdi nzisi, ɔyɛ ngunzi, ɔtu ɔ nwo na ɔyɛ ngoaseade a.

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

1 Kɔl 3:3

ɔluakɛ bɛtɛgua zolɛ bɛtɛbɔ bɛ ɛbɛla kɛ ewiade ɛhye anu amra la. Asoo mɔɔ nungule ɛhwenlɛ nee butulelilɛ ɛnzea bɛ adenle la, ɛnee ɛhye ɛngile kɛ bɛ nee ewiade ɛhye anu amra bɔ bɛ ɛbɛla ko?

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:15

Na saa bɛyɛ bɛ nwo kɛ ɛbɔ nu nane, bɛkeka bɛ nwo, na bɛyɛ bɛ nwo anwula a, ɛnee noko bɛnlea boɛ na bɛanguhu bɛ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:20

bozonle ɛzonlenlɛ nee ayɛne ɛbɛla. Ɛkpɔlɛ, konle, nungule, ɛya, angomedi, ngyehyɛnu nee ngilehilenu,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:26

Ɔnle kɛ yɛmemaa yɛ nwo zo, yɛka yɛ gɔnwo mɔ ɛya, na yɛ nye bolo bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25

Zɔhane ati, bɛmmabɔ adalɛ bieko; awie biala ɛha nɔhalɛ ɛhile ɔ gɔnwo, ɔboalekɛ yɛ muala yɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26

Saa ɛfa ɛya a, mmamaa ɔfa wɔ ɔkɔ ɛtane nu; eza mmamaa sɛnzɛne ne tɔ wɔ ɛya zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:4

Bɛmmaka anyiemgba edwɛkɛ biala, bɛmmatendɛ ɛdendɛlɛ ɛtane yɛɛ bɛmmabɔ ngoayɛ mgbane mgbane. Mɔɔ ɔwɔ kɛ bɛyɛ la a le kɛ bɛkɛyɛ Nyamenle mo.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

Kɔlɔ 3:9

Bɛmmabɔ adalɛ bɛkile bɛ nwo, ɔluakɛ bɛye bɛ su dɛba ne nee ye nyɛleɛ ne mɔ wɔ bɛ nu bɛgua.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

1 Tem 1:20

Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 2:7

na ɔliele Lɔɔto mɔɔ le sonlakpalɛ na menli kpamgbanvolɛma ne vale bɛ adwɔmanebɔlɛ gyegyele ye la ɔvile nu a,

Dwuudu Kɛlata ne 1:13

Bɛle kɛ nyevile mɔɔ ɛzɛkye la azɛlɛkye, bɛ awubue da bɛ anyiemgba nyɛleɛ ne mɔ ali. Bɛle kɛ nwɔlɔra mɔɔ nwɔnla la. Nyamenle ɛva awozinli kabikabi ne mɔɔ ɛnde ɛlɛ la ɛzie ɛkɛ ɛmaa bɛ.

Dwuudu Kɛlata ne 1:8

Zɔhane ala yɛɛ menli ɛhye mɔ de a. Bɛyɛ bɛ nwo kɛ bɛnwu ɛnyelɛzodeɛnwunlɛ na bɛdua zo bɛsɛkye bɛ nwonane ne, bɛkpo Nyamenle tumi ne na bɛtendɛ bɛtia anyunlunyiama mɔɔ wɔ anwuma la.

Yekile 16:9

Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.