Kɔlɔ 3:5 - BAEBOLO ANZƐƐ BULUKU NWUANZANWUANZA

⁵ Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

Kɔlɔ 3:5 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 37:22

Nya ne mɔ, ngane ne mɔ, nee kɛnlaneɛ baka ne, bɛvale ezukoa nvutuke tagyee mɔɔ bɛva hamenle bɛbolo la bɛyɛle bɛ debie ko.

Edwɛkpa ne kɛmɔ Mateyu hɛlɛle la 15:19

Ɔluakɛ ahonle nu yɛɛ adwenle ɛtane mɔɔ le kɛ sonla ɛhunlɛ, awuvolɛvalɛ, adwɔmanebɔlɛ, awule ɛyɛlɛ, daselɛ adalɛ ɛlilɛ, yɛɛ nwondomgbɔ ɛpɛlɛ vi ba a.

Wulo 1:26

Kɛmɔ menli yɛ nyɛleɛ ɛhye mɔ la ati, Nyamenle ɛgyakyi bɛ ɛmaa bɛ anyiemgba ɛbɛla ne. Bɔbɔ mraalɛ fa bɛ nwo gyakyi mrenya.

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 7:23

Na menwu mɛla fofolɛ bie wɔ me sonlabaka ye nvɛyeba ne mɔ amuala anu. Mɛla ɛhye ko tia mɔɔ me adwenle kulo kɛ ɔyɛ la, na ɔmaa meyɛ kanranli memaa ɛtane mɛla ne mɔɔ ɛlɛdi gyima wɔ me sonlabaka ne anu la.

Wulo 7:5

Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule.

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

1 Kɔl 5:1

Kɛkala menli ɛraha kɛ bɛlɛbɔ adwɔmane ɛbɛla bie mɔɔ bɛdabɛ mɔɔ bɛnzonle Nyamenle bɔbɔ la ɛnrɛbɔ a. Mede kɛ kpavolɛ bie ɛva ɔ ze aye.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

1 Kɔl 6:13

Awie noko bahola aha kɛ, “Bɛbɔle aleɛ bɛmanle ɛkolɛ, yɛɛ bɛbɔle ɛkolɛ bɛmanle aleɛ.” Ɔle zɔhane, noko Nyamenle bazɛkye bɛ mu nwiɔ. Bɛmmafa bɛ sonlabaka ne bɛbɔ ɛbɛla mgbane mgbane biala; bɛva bɛzonle Awulae. Awulae a maa sonlabaka ne mɔɔ ɔhyia nwo la a.

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:19

Nyiane ɛnle bɛ nye zo, bɛyɛ ninyɛndane yɛɛ bɛkulo ɛbɛla mgbane mgbane ɛbɔlɛ.

Kɔlɔ 2:11

Bɛ nee Kelaese yɛle ko ala la yɛɛ bɛyɛle bɛ mrenyanu nzonlɛ a, tɛ nwonane nu, kɛmɔ menli yɛ la ɔ, ɛhye le Kelaese ɔdaye ye nzonlɛyɛlɛ mɔɔ ɔyɛ yɛ ɔfi nwonane ɛtane ɛhye mɔ tumi ne abo a.

1 Tɛs 4:3

Nyamenle ɛhulolɛdeɛ a le kɛ bɛ nwo kɛde na bɛkɛhwe bɛ nwo bɛkɛvi adwɔmane ɛbɔlɛ nwo.

1 Tɛs 4:5

tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

Kɛlata mɔɔ bɛhɛlɛle bɛhɔmanle Hibuluma la 12:16

Bɛnlea boɛ na bɛ bie annyia subane ɛtane anzɛɛ anyɛ kɛ Yisɔ mɔɔ nyamenlezonlenlɛ ɛnle ye nu la ati, yeangola ɔ nwo sɔ na aleɛ ti ɔdɔnenle ye kpanyinli la.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Gyemise Kɛlata ne 4:1

Duzu a twehwe konle ba a, yɛɛ duzu a fa butule ba bɛ avinli a? Asoo tɛ bɛdabɛ bɛ angomedi atiakunluwɔzo ne mɔ a dahuu nee bɛ ko bɛ nuhua la?

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.