Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kɔlɔ 3:25 - BAEBOLO ANZƐƐ BULUKU NWUANZANWUANZA

25 Ɛtanevolɛ biala noko banyia ye ɛtane ne mɔ anwo ahatualɛ, Nyamenle bua sonla ko biala ndɛne, kɛmɔ ɔfɛta la, ɔnli mɔguazo. mɔguazo.

အခန်းကိုကြည့်ပါ။ ကော်ပီ




Kɔlɔ 3:25
22 ပူးပေါင်းရင်းမြစ်များ  

Ɔwɔ nuhua kɛ yɛ muala yɛbawu. Yɛle kɛ nzule mɔɔ ɛbɔ ɛkponde azɛlɛ nwo la, ɛsa ye bieko a ɔnyɛ boɛ. Nyamenle ɛngu sonla, na ɔfa adenle bie azo ɔmaa sonla mɔɔ ɔdaye Nyamenle yevoa ye la ɛnga ye sonlamgbane nu. Sonla mɔɔ ɛva sulosulo ɛdɔ ɛbɔ nu la noko, belemgbunli kola maa ɔsia ɔba sua nu bieko.


Bɛzulo Ɛdɛnkɛma na bɛnlea boɛ wɔ mɔɔ bɛkɛze kɛ bɛyɛ la anwo, ɔluakɛ Ɛdɛnkɛma yɛ Nyamenle ne ɛnli mɔguazo, ɔnnea sonla nyunlu, yɛɛ ɔnlie ndoloboa.”


Ɔnnea mgbanyima nyunlu ɔnli mɔguazo, yɛɛ ɔmbu sukoavolɛma ɔndɛla ehyianvolɛma, ɔluakɛ bɛ kɔsɔɔti bɛle ɔ sa anloa gyima.


Yemɔti menli sulo ye, ɔmbu menli mɔɔ dwenle kɛ bɛze nrɛlɛbɛ na bɛbɛlɛbɛla bɛ nwo la bie.”


“Ɔnle kɛ bɛbua mgbɔvodɛne. Ɔnle kɛ bɛbua bɛtia ehyianli na bɛbua bɛmaa sonlakpole. Bɛbua bɛ gɔnwo mɔ ndɛne wɔ adenle kpalɛ nu.


Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.


Menli ɛhye mɔ zele Gyisɛse kɛ, “Kilehilevolɛ, yɛze kɛ mɔɔ ɛka nee mɔɔ ɛkilehile la le fɔɔnwo. Yɛze kɛ wɔmɔ ɛnnea sonla nyunlu yɛɛ ɛndie menli ngehaleɛ, na ɛkilehile Nyamenle ɛhulolɛdeɛ ne nɔhalɛ nu.


Na Pita zele bɛ kɛ, “Nɔhalɛ, menwu ye wienyi kɛ Nyamenle bu menli kɔsɔɔti kɛ bɛsɛ.


Ɔluakɛ Nyamenle bua menli kɔsɔɔti ndɛne wɔ adenle ko ne ala azo.


Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.


Bɛhakye kɛ gyima kpalɛ mɔɔ awie biala kɛyɛ la, saa akɛlɛ o, saa dehelɛ o, Awulae bamaa ye nwolɛ ahatualɛ.


Menlenlɛma, bɛdabɛ noko bɛyɛ zɔhane ala bɛmaa bɛ ngɛkɛlɛ ne mɔ, na bɛmmanwunlonwunla bɛ anzɛɛ bɛmmasisi bɛ. Bɛhakye kɛ bɛ nee bɛ ngɛkɛlɛ ne mɔ amuala wɔ Menlenlɛ ko ne ala mɔɔ wɔ anwuma la abo. Yemɔ, ɔnli mɔguazo wɔ ye ndɛnebualɛ nu.


Bɛmmakyea bɛ nzo bɛdi edwɛkɛ anzɛɛ bɛmmadi bɛkɔ afoa. Bɛdie ahoahweabane nee mgbolema kɔsɔɔti na bɛli bɛ edwɛkɛ bɛmaa bɛ. Bɛmmasulo sonla yɛɛ bɛmmanea awie biala anyunlu, ɔluakɛ Nyamenle ɔdaye a ɔbabua ndɛne ne a. Edwɛkɛ biala mɔɔ kɛyɛ se kɛmaa bɛ, na bɛnrɛhola ye di la, bɛva bɛrɛlɛ me na menwɔli.’


Ɔluakɛ Ɛdɛnkɛma bɛ Nyamenle ne le nyamenle kɔsɔɔti bɛ Nyamenle nee awulae mɔ Awulae; ɔle kpole, ɔle bedevinli na ɔle Nyamenle anwo ɛzulolɛ, mɔɔ ɔnli mɔguazo yɛɛ ɔnlie ndoloboa a.


Menlenlɛma, bɛnlea bɛ ngɛkɛlɛ ne mɔ boɛ gyɛlɛɛnye. Bɛhakye kɛ bɛdabɛ noko bɛlɛ bɛ Menle wɔ anwuma.


Wɔ ɛhye ɛyɛlɛ nu, ɔnle kɛ awie biala yɛ ɔ diema bie ɛtane anzɛɛ sisi ye. Yɛha ɛhye yɛhile bɛ ɛlɛ, yɛɛ yɛbɔ bɛ nwolɛ kɔkɔ, kɛ Nyamenle badea bɛdabɛ mɔɔ bɛyɛ zɔhane ɛtane ne la.


Ɛhye ati Nyamenle badua menli mɔɔ ɛlɛmaa bɛanwu nyane la amuala kakɛ,


Saa yeyɛ ɛtane yetia wɔ anzɛɛ ɔtua wɔ kakɛ a, nea me ti na fa kyɛ ye.


Edwɛkɛ ne mɔɔ Nyamenle soanvolɛma vale rɛlɛle yɛ nlenya mɔ la ɛrayɛ nɔhalɛ, yemɔti mɔɔ anli zo la banyia nwolɛ ndeanlɛ mɔɔ ɔfɛta la.


Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.


Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ