Kɔlɔ 3:24 - BAEBOLO ANZƐƐ BULUKU NWUANZANWUANZA

²⁴ Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

Kɔlɔ 3:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

Mrɛlɛbulɛ Buluku ne 11:18

Amumuyɛnli ahatualɛ ɛngyinla, na sonla mɔɔ dua tenleneyɛlɛ ma la nyia ahatualɛ kpalɛ.

Edwɛkpa ne kɛmɔ Mateyu hɛlɛle la 10:41

Mɔɔ kɛlie Nyamenle kpɔmanvolɛ kɛ ɔle Nyamenle kpɔmanvolɛ la, kɛnyia Nyamenle kpɔmanvolɛ nwo ahyɛlɛdeɛ, yɛɛ mɔɔ kɛlie sonlakpalɛ wɔ sonlakpalɛ duma nu la, kɛnyia sonlakpalɛ nwo ahatualɛ.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 6:16

“Saa bɛkye ɛhɔne a, bɛmmayɛ bɛ nyunlu alɔbɔlɛ alɔbɔlɛ, kɛmɔ nabalabama ne mɔ yɛ la. Bɛsie bɛ nwo evinli bɛfa bɛkile bɛmaa awie biala nwu kɛ bɛlɛkye ɛhɔne. Bɛnwu ye kɛ bɛdua bɛ nwolɛ kakɛ bɛwie.

Edwɛkpa ne kɛmɔ Mateyu hɛlɛle la 6:5

“Saa bɛyɛ nzɛlɛlɛ a, bɛmmayɛ ye kɛ nabalabama ne mɔ yɛ ye la. Menli zɔhane mɔ kulo kɛ bɛgyinla nyianu azua ne mɔ anu nee mgbata ne mɔ azo bɛyɛ bɛmaa menli kɔsɔɔti nwu bɛ kɛ bɛlɛyɛ nzɛlɛlɛ. Nɔhalɛ, meka meahile bɛ kɛ bɛnyia bɛ ahatualɛ bɛwie.

Edwɛkpa ne kɛmɔ Luku hɛlɛle la 14:14

na Nyamenle kɛyila wɔ. Ɔluakɛ bɛmɛ, bɛdabɛ bɛnrɛhola bɛnrɛzie wɔ ɛdeɛ ne abo zo. Nyamenle ala a bazie ɔ bo zo amaa wɔ wɔ mekɛ mɔɔ menli kpalɛ ne mɔ vi ewule nu kɛdwazo la a.”

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

1 Kɔl 11:23

Ngilehilelɛ ne mɔɔ menyianle ye menvile Awulae lɔ la a menvale memanle bɛ a, yemɔ a le kɛ, nɔe ne mɔɔ bɛyele Awulae Gyisɛse bɛmanle la, ɔvale kpanwo,

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

1 Kɔl 7:22

Ɔluakɛ akɛlɛ mɔɔ Awulae ɛvɛlɛ ye la ɛyɛ dehelɛ wɔ Awulae anu; zɔhane ala yɛɛ mɔɔ le dehelɛ na bɛvɛlɛ ye la, le akɛlɛ maa Kelaese a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:6

Tɛ ɛnyelɛ zo yɛkile nu ɔ, na bɛva ahonle kpalɛ bɛyɛ mɔɔ Nyamenle kpondɛ la; bɛyɛ ye kɛ bɛle Kelaese ngɛkɛlɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:8

Bɛhakye kɛ gyima kpalɛ mɔɔ awie biala kɛyɛ la, saa akɛlɛ o, saa dehelɛ o, Awulae bamaa ye nwolɛ ahatualɛ.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɛlata mɔɔ bɛhɛlɛle bɛhɔmanle Hibuluma la 10:35

Zɔhane ati bɛmmakpo aze fee, ɔluakɛ ɛhye mɔ amuala, ahatualɛ kpole bie li ɔ nzi.

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.

Kɛlata mɔɔ bɛhɛlɛle bɛhɔmanle Hibuluma la 9:15

Ɛhye ati Kelaese a le sonla mɔɔ de ngyekyeleɛ fofolɛ ne abo a, amaa bɛdabɛ mɔɔ Nyamenle ɛvɛlɛ bɛ la anyia ye nyilalɛ ne mɔɔ ɛnlɛ awieleɛ mɔɔ ɔvale ɔbɔle ɛwɔkɛ la bie. Ɛhye kola yɛ zɔhane, ɔboalekɛ bɛha mogya bɛgua, bɛva bɛye menli kɔsɔɔti bɛvi bɛ ɛtane mɔɔ bɛyɛle wɔ mekɛ mɔɔ bɛwɔ alumua ngyekyeleɛ ne abo la anu.

1 Pit 1:4

Ɔlua zolɛ yɛ nye la nyilalɛ bebelebe ne mɔɔ Nyamenle ɛva ɛzie ye menli ne la azo. Bɛmɛ bɛ ti, yeva nyilalɛ ɛhye mɔɔ ɛmkpɔlɔ, ɔnzɛkye, yɛɛ ɔndu anzɛɛ ɔmkpa la yezie anwuma lɔ yemaa bɛ.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.

Wulu 2:12

Ɛdɛnkɛma ɛyila wɔ wɔ mɔɔ wɔyɛ la anwo; Ɛdɛnkɛma ɛlo wɔ molozo na Yizilayɛ Nyamenle ne mɔɔ wɔravea ɔ ndɛba abo la ɛva wɔ ɛzie boɛ.”