Kɔlɔ 3:22 - BAEBOLO ANZƐƐ BULUKU NWUANZANWUANZA

²² Ngɛkɛlɛ, bɛdie bɛ ewiade ye anu menlenlɛma edwɛkɛ wɔ debie biala anu, bɛmmayɛ ye wɔ ɛnyelɛ zo kɛ bɛyɛ bɛahile ala na bɛayɛ bɛ mo; bɛva Nyamenle ɛzulolɛ bɛyeye bɛ ahonle nu bɛyɛ.

Kɔlɔ 3:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:18

Ye kenle nsa ne azo, Dwosefi zele ɔ mediema ne mɔ kɛ, “Bɛyɛ ɛhye na bɛkɛnyia bɛ ti, ɔluakɛ mele sonla mɔɔ mesulo Nyamenle a.

Nihɛmaya Buluku ne 5:15

Amɛnlado biala mɔɔ ɛnee li me nyunlu la yɛle adesoa manle menli ne. Bɛliele aleɛ nee nwanye ezukoa, akee asolo nwolɛ kenle ko dwɛtɛ fufule abulanla ne mɔɔ bɛdie la. Bɛ sonvolɛma bɔbɔ wulule gyinlanle menli ne akɔme zo. Na mame, ɔlua Nyamenle ɛzulolɛ ti meanyɛ zɔhane.

Nihɛmaya Buluku ne 5:9

Yemɔti menzele bɛ kɛ, “Nyɛleɛ mɔɔ bɛlɛyɛ la ɛnle kpalɛ. Ɔwɔ kɛ bɛsulo Nyamenle na bɛbɔ ɛbɛla mɔɔ le fɔɔnwo la, amaa bɛammaa yɛ kpɔvolɛma nee menli mɔɔ ɛnze Nyamenle la adenle bɛanzi yɛ amgbu.

Edwɛndolɛ Buluku ne 123:2

Kɛmɔ sonvolɛma anye gyi bɛ menle asa anu, yɛɛ kɛmɔ sonvolɛ raalɛ anye la ɔ menle anwo zo la, zɔhane ala yɛɛ yɛ nye la Ɛdɛnkɛma yɛ Nyamenle ne anwo zo, kɔkpula kɛ ɔkɛnwu yɛ anwunvɔne la.

Nolo 12:13

Bɛmaa yɛdie edwɛkɛ ne adwulaleɛ: Bɛzulo Nyamenle, na bɛli ye mɛla ne mɔ azo, ɔboalekɛ sonla gyima mɔɔ la ɔ nwo zo la ala ɛne.

Nolo 5:7

Ɔluakɛ mɔɔ wɔ ɛlalɛhanlɛ ɛlɛso la, ɛnee wɔ ɛdendɛlɛ mgbane mgbane ne mɔ ɛlɛso; wɔmɔ sulo Nyamenle.

Nolo 8:12

Ɛtanevolɛ yɛ ninyɛmunli fane ɛya na ye ngoane yɛ tendenle, noko meze kɛ ɔbayɛ boɛ yeamaa menli mɔɔ sulo Nyamenle la, ɔboalekɛ ɔ nyunlu, bɛsulo ye;

Malakae Buluku ne 1:6

Tumivolɛ Ɛdɛnkɛma biza bɛ kɛ, “Ralɛ di ɔ ze eni yɛɛ akɛlɛ di ɔ menle eni. Na saa mele bɛ ze a, ɛnee eni mɔɔ bɛdi me la a le boni? Yɛɛ saa mele bɛ menle a, ɛnee ɛzulolɛ mɔɔ bɛsulo me la wɔ nienwu? Bɛmɛ sɛlɛvolɛma bɔbɔ yɛɛ bɛsɛkye me duma a. Noko bɛmɛ bɛbiza kɛ, ‘Ɛnee kɛ yɛzi yɛzɛkye wɔ duma ɛ?’

Edwɛkpa ne kɛmɔ Mateyu hɛlɛle la 6:22

“Ɛnyelɛ a le sonlabaka ne kɛnlaneɛ a. Saa ɛ nye le kpalɛ a, wɔ sonlabaka ne anu le wienyi.

Edwɛkpa ne kɛmɔ Mateyu hɛlɛle la 8:9

Melɛ ɛlɔnema wɔ me bo suzuamgba, meka mekile bie kɛ, ‘kɔ’ a, ɔkɔ; meka mekile bie noko kɛ, ‘bɛla’ a, ɔba; yɛɛ meka mekile me akɛlɛ kɛ, ‘yɛ ɛhye’ a, ɔyɛ. Noko medame mele sonla mɔɔ mewɔ menlenlɛ bo a.”

Edwɛkpa ne kɛmɔ Luku hɛlɛle la 6:46

“Kɛmɔti a bɛfɛlɛ me ‘Awulae, Awulae,’ noko bɛnyɛ mɔɔ menwɔze bɛ kɛ bɛyɛ la ɛ?

Edwɛkpa ne kɛmɔ Luku hɛlɛle la 7:8

Melɛ sogyama bɔbɔ wɔ me bo ɛdeɛ, mɔɔ meka mekile bie kɛ, ‘Kɔ’ a, ɔkɔ; meka mekile bie noko kɛ, ‘Yɛ ɛhye’ a, ɔyɛ, noko medame mumua ne mewɔ tumi bo.”

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

Kɔlɔ 3:20

Ngakula, bɛdie bɛ awovolɛma edwɛkɛ wɔ debie biala anu, ɔboalekɛ yemɔ a Nyamenle anye die nwolɛ a.

1 Tɛs 2:4

Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:16

tɛ kɛ ɔle wɔ kanranli angome ɔ, na kɛ Kelaese ati ɔle adiema kulovolɛ mɔɔ anwo hyia me kpole a. Na wɔ wɔ afoa nu, kɛmɔ ɔle kanranli nee adiema wɔ Kelaese ati la, wɔ ɛhulolɛ ɛdeɛ ne bo zolɛ.