Kɔlɔ 3:2 - BAEBOLO ANZƐƐ BULUKU NWUANZANWUANZA

² Bɛdwenle ninyɛne mɔɔ wɔ anwuma lɔ la anwo na bɛgyakyi mɔɔ wɔ azɛlɛ ye azo la.

Kɔlɔ 3:2 ပူးပေါင်းရင်းမြစ်များ

1 Edk 22:19

Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

1 Edk 29:3

Ɛye ɛhye mɔ ɛsie ahane a, medame meva me ti anwo dwɛtɛ fufule nee ezukoa nvutuke mevi me gya nu meboa, ɔboalekɛ mekulo kɛ bɛsi Nyamenle Ɛzonlenlɛ Sua ne.

Edwɛndolɛ Buluku ne 62:10

Mmafa ɛ rɛle ɛwula apobɔlɛ nu, mmafa ɛ nye ɛto ɛwualɛ zo; saa anwonyia nu noko a, mmafa wɔ ahonle ɛto zo.

Edwɛndolɛ Buluku ne 91:14

Kɛmɔ ɔbeta me ɛhulolɛ nu la ati, mebalie ye; mebawowa ye, ɔboalekɛ ɔze me duma.

Mrɛlɛbulɛ Buluku ne 23:5

ɔluakɛ ezukoa lɛ ndɛbalɛ; ɔkola ɔtu arɛlevilɛ nu kɛ kɔleɛ ɔminliminli ɛ nye zo.

Nolo 7:14

Wɔ ɛkpazilɛ mekɛ nu, di fɛlɛko, yɛɛ saa ehyia to wɔ a, dwenle na kakye kɛ Nyamenle a maa gyinlabelɛ nwiɔ ne ba a, amaa sonla annwu debie biala mɔɔ bazi ɔ nzi la.

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Edwɛkpa ne kɛmɔ Mateyu hɛlɛle la 6:19

“Bɛmmakpondɛ bɛ anwonyia bɛsie azɛlɛ ye azo, anrɛɛ ɛlɛtɛba nee nrɛnlana kɛzɛkye ye, na nwule noko kola wua.

Edwɛkpa ne kɛmɔ Luku hɛlɛle la 12:15

Na ɔzɔle zolɛ ɔzele menli ne amuala kɛ, “Bɛmmayɛ anyebolo wɔ adenle biala anu, ɔboalekɛ sonla ngoane ɛnle ye anwonyia anzɛɛ ye ezukoa kpole mɔɔ ɔlɛ la anu.”

Edwɛkpa ne kɛmɔ Luku hɛlɛle la 16:11

Na saa bɛngola bɛnli nɔhalɛ wɔ ewiade ye anyiabɛnwo nwo a, ɛnee kɛ ɔkɛyɛ na bɛava nɔhalɛ anwonyia ne bɛawula bɛ sa nu ɛ?

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

Kɔlɔ 3:1

Bɛdwazo bɛ nee Kelaese bɛra ngoane nu. Yemɔti bɛmaa bɛ ahonle ɛdoa ninyɛne mɔɔ wɔ anwuma lɔ, ɛleka mɔɔ Kelaese de ye belemgbunli ebia nu wɔ Nyamenle asa fema zo la abo zo.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.