Kɔlɔ 3:16 - BAEBOLO ANZƐƐ BULUKU NWUANZANWUANZA

¹⁶ Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

Kɔlɔ 3:16 ပူးပေါင်းရင်းမြစ်များ

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

1 Edk 25:7

Menli abulanwiɔ nee nna ɛhye mɔ le menli mɔɔ ze bɛ gyima ne anye zo kpalɛ a, yɛɛ bɛ gɔnwo mɔ Livaema ne noko le menli mɔɔ ze edwɛndolɛ nee agole ɛbɔlɛ nye zo kpalɛ. Bɛ muala bɛlua mrenya ɛya nwiɔ abulatwɛ nee mɔtwɛ.

Nihɛmaya Buluku ne 12:46

Mekɛ tendenle mɔɔ ɛze ɛhɔ la, ɔvi Belemgbunli Devidi nee edwɛnekilevolɛ Esafe mekɛ zo ɛnee bɛle edwɛndolɛma mgbanyinli yɛɛ edwɛndolɛma ne ɛdo ayɛlɛyelɛ nee moyɛlɛ edwɛne ɛmaa Nyamenle toonwo a yeradwu ɛnɛ a.

Dwobu Buluku ne 23:12

Metɛtule ɔ nloa edwɛkɛ metɛtole; ɔ nloa edwɛkɛ sonle bolɛ maa me.

Edwɛndolɛ Buluku ne 119:11

Meva wɔ edwɛkɛ ne mezie me ahonle nu, amaa meanyɛ ɛtane meantia wɔ.

Edwɛndolɛ Buluku ne 119:54

Meva wɔ mɛla ne mɔ meyɛ me edwɛne wɔ me ɛbɛlabɔlɛ adendulɛ nu.

Edwɛndolɛ Buluku ne 138:1

O Ɛdɛnkɛma, mefa me ahonle muala meyɛ wɔ mo; meto wɔ ayɛlɛyelɛ edwɛne wɔ awozonle nyunlu;

Edwɛndolɛ Buluku ne 28:7

Ɛdɛnkɛma le me anwosesebɛ nee me enyinlike. Ye nuhua yɛɛ me rɛle wɔ a. Yemɔti menyia moalɛ, yɛɛ medi fɛlɛko, na mefa edwɛndolɛ meye ye ayɛlɛ.

Edwɛndolɛ Buluku ne 32:7

Ɛle me feabelɛ, ɛdie me ɛfi ngyegyelɛ nu; ɛfa wɔ ɛlielɛ tumi ne ɛbɔ me nwo bane.

Edwɛndolɛ Buluku ne 71:23

Mebadea nu anyelielɛ nu, mekɛ mɔɔ menwɔha kɛ meye wɔ ayɛlɛ la; me ɛkɛla mɔɔ ɔdaye noko wɔlie ye la baye wɔ ayɛlɛ.

Mrɛlɛbulɛ Buluku ne 14:8

Badwemafo nrɛlɛbɛ maa ɔnwu ye adenle nu boɛ, na ahoasea nrɛlɛbɛ le mɛlɛbɛla.

Mrɛlɛbulɛ Buluku ne 18:1

Sonla mɔɔ ɛnzo menli avinli la bua ɔ nwo benle ɔfa ɔsɛkye ndɛnebualɛ kpalɛ biala.

Sɔlɔmɔn Edwɛne 1:1

Edwɛne nu edwɛne mɔɔ yɛ fɛ kpalɛ kpalɛ mɔɔ bɛdole bɛmanle Sɔlɔmɔn.

Ayezaya Buluku ne 10:2

Bɛyɛ ɛhye bɛfa bɛsisi menli mɔɔ ɛhyia la, yɛɛ bɛnli pɛlepɛle bɛmmaa me menli ne anu ehyianvolɛma. Bɛyɛ ɛhye amaa bɛakpokpo ahunlanvolɛ mraalɛ na bɛaza mɔɔ ɛnlɛ ɔ ze la bɛalie ye ninyɛne.

Ayezaya Buluku ne 26:1

Mekɛ ne anu bɛbado edwɛne ɛhye wɔ Dwuda azɛlɛ zo, Yɛlɛ suakpole bie mɔɔ yɛ se, ɔmaa ye ngoanelielɛ ne zo kɛ bane mgbole ndendenle.

Ayezaya Buluku ne 30:29

Bɛbado edwɛne, kɛmɔ bɛto ye nɔɔzo wɔ ɛvoyialilɛ nwuanzanwuanza nu la, na bɛali fɛlɛko kɛ mekɛ mɔɔ bɛlɛ anyelielɛ bɛli fulutubɔlɛ nzi bɛlɛkɔ Ɛdɛnkɛma, Yizilayɛ Bodane ne ɛkɛ ne la.

Ayezaya Buluku ne 5:1

Bɛmaa mendo edwɛne memaa me kulovolɛ, ye vanye egyinli ne anwo ɛhulolɛ edwɛne. Ɛnee me kulovolɛ ne lɛ ye vanye egyinli wɔ boka bie mɔɔ kye aleɛ la azo.

Gyɛlɛmaya Buluku ne 15:16

O Ɛdɛnkɛma, Tumivolɛ Nyamenle, ɛdendɛle ɛhilele me, na mendiele. Wɔ edwɛkɛ ne manle me nye liele na menlile fɛlɛko; ɔlua zolɛ bɛfa wɔ duma a bɛfɛlɛ me a.

Edwɛkpa ne kɛmɔ Mateyu hɛlɛle la 26:30

Akee bɛdole edwɛne na bɛhɔle Ɔlivi Boka ne azo.

Edwɛkpa ne kɛmɔ Luku hɛlɛle la 2:51

Yemɔti Gyisɛse nee bɛ ziale rale Nazalɛte, na ɔyɛle tieyɛ ɔmanle bɛ. Ɔ nli vale edwɛkɛ ɛhye mɔ amuala ziele ɔ ti akunlu.

Dw 15:7

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Wulo 10:17

Yemɔti, saa yɛte edwɛkɛ ne a yɛɛ yɛnyia diedi a, yɛɛ edwɛkɛ ne a le Kelaese ne anwo Edwɛkpa ne nolobɔlɛ ne.

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

1 Kɔl 14:15

Ɛnee duzu a ɔwɔ kɛ meyɛ a? Mebava me sunsum meazɛlɛ, yɛɛ mebava me adwenle noko meazɛlɛ; mebava me sunsum meado ayɛlɛyelɛ edwɛne, yɛɛ mebava me adwenle noko meado ayɛlɛyelɛ edwɛne.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:17

Zɔhane ati, bɛmmayɛ bɛ nwo ahɔnwɔne, na bɛbɔ mɔdenle kɛ bɛkɛnwu mɔɔ Awulae kpondɛ kɛ bɛyɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:19

Bɛva ayɛlɛyelɛ edwɛne, anyelielɛ edwɛne nee sunsum nu edwɛne bɛli bɛ nwo adwelie; na bɛdo ayɛlɛyelɛ edwɛne wɔ bɛ ahonle nu bɛmaa Awulae.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Kɔlɔ 1:9

Ɔlua ɛhye ati, sumunli kɛ yɛdele bɛ nganeɛ la, dahuu yɛsɛlɛ yɛmaa bɛ. Yɛsɛlɛ Nyamenle kɛ ɔva sunsum nu nrɛlɛbɛ nee ndelebɛbo muala ɔyi bɛ tɛkɛɛ, amaa bɛanyia Nyamenle ɛhulolɛdeɛ ne anwo ndelebɛbo,

Kɔlɔ 4:6

Bɛmaa bɛ nloa edwɛkɛ ɛyɛ fɛ na ɔyɛ anyelielɛ, na bɛnwu nyelebɛnloa kpalɛ mɔɔ ɔwɔ kɛ bɛfa bɛye awie biala edwɛkɛ nloa la.

1 Tɛs 1:8

Ɔluakɛ tɛ Awulae anwo nrɛlaleɛ ne angome yɛɛ vi bɛ ɛkɛ ne dwule Masidonea nee Akaya a, na eza bɛ diedi mɔɔ wɔ Nyamenle anu la noko ɛdwu menli mɔɔ wɔ ɛleka muala la anzo nu. Ɛhye ati, ɔngyia kɛ yɛkɛha nwolɛ edwɛkɛ bɔbɔ.

1 Tɛs 4:18

Yemɔti, bɛva ɛhye mɔ bɛkyekye bɛ rɛle ng bɛkyekye bɛ rɛle ng

2 Tɛs 3:15

Bɛmmayɛ ye kɛ ɔle kpɔvolɛ; bɛbɔ ye kɔkɔ kɛ adiema.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:6

Ɔluakɛ Nyamenle luale yɛ Ngoanedievolɛ Gyisɛse Kelaese anwo zo wolale Sunsum Nwuanzanwuanza ne guale yɛ nwo zo,

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

Gyemise Kɛlata ne 5:13

Bɛ nuhua bie wɔ ngyegyelɛ nu ɔ? Bɛmaa ɔzɛlɛ. Bie ɛlɛdi fɛlɛko ɔ? Bɛmaa ɔdo ayɛlɛyelɛ edwɛne.

1 Dw 2:14

Egya mɔ, melɛkɛlɛ bɛ, ɔboalekɛ bɛze sonla ne mɔɔ mɔlebɛbo ne ɛnee ɔwɔ ɛkɛ ne la. Mgbavolɛ, melɛkɛlɛ bɛ, ɔboalekɛ bɛlɛ anwosesebɛ, yɛɛ Nyamenle Edwɛkɛ ne de bɛ nu, na bɛli Abɔnsam anwo zo konim.

1 Dw 2:24

Zɔhane ati, bɛmaa mɔɔ mɔlebɛbo ne bɛdele la ɛdɛnla bɛ nu. Saa bɛmaa mɔɔ mɔlebɛbo ne bɛdele la tɛnla bɛ nu a, bɛ nee Ralɛ ne nee Selɛ ne kɛbɔ nu kɛdɛnla.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

2 Dw 1:2

ɔluakɛ nɔhalɛ ne de yɛ nu na ɔ nee yɛ badɛnla dahuu.

Yekile 14:3

na bɛlɛto edwɛne fofolɛ bie wɔ belemgbunli ebia kpole ne anyunlu wɔ tease abɔdeɛ nna ne nee mgbanyima ne mɔ anwo ɛkɛ. Bɛdabɛ menli apenle ngoko ɛya ko abulanla nee nna ɛhye, mɔɔ bɛlie bɛ ngoane bɛvi azɛlɛ ye azo la ala a ɛhola ɛzukoa edwɛne ne a.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.