Kɔlɔ 3:13 - BAEBOLO ANZƐƐ BULUKU NWUANZANWUANZA

¹³ Bɛsosɔ bɛ nwo ngoko ngoko, na saa bie lɛ ɔ gɔnwo anwo ɛya a ɔva ɔhyɛ ye. Bɛva ɛtane bɛhyɛ, kɛmɔ Awulae ɛva bɛ nwo edwɛkɛ ɛhyɛ bɛ la.

Kɔlɔ 3:13 ပူးပေါင်းရင်းမြစ်များ

Mrɛlɛbulɛ Buluku ne 19:11

Adwenle kpalɛ ɛmmaa sonla ɛnva ɛya mgbane mgbane, yɛɛ ɔle anyunlunyia ɔmaa ye kɛ ɔkɛbu ɔ nye ɔkɛgua nvonleɛ zo.

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Mateyu hɛlɛle la 6:12

Na fa yɛ ɛtane kyɛ yɛ, Kɛmɔ yɛfa yɛkyɛ bɛdabɛ mɔɔ bɛfo yɛ la;

Edwɛkpa ne kɛmɔ Maake hɛlɛle la 11:25

Na saa bɛgyi bɛlɛsɛlɛ, na awie ɛvo bɛ a, bɛva bɛhyɛ ye na bɛ Ze mɔɔ wɔ anwuma la ava bɛ ɛtane ahyɛ bɛ. [

Edwɛkpa ne kɛmɔ Luku hɛlɛle la 11:4

Na fa yɛ ɛtane ne mɔ kyɛ yɛ, ɔluakɛ awie mɔɔ fo yɛ la, yɛfa yɛkyɛ ye. Na mmamaa yɛkɔ sɔnea nu.’ ”

Edwɛkpa ne kɛmɔ Luku hɛlɛle la 23:34

Na Gyisɛse zele kɛ, “Egya, fa bɛ ɛtane kyɛ bɛ! Bɛnze mɔɔ bɛlɛyɛ la.” Bɛguale ye adɛladeɛ ne mɔ anwo nzeleba na bɛhyɛle.

Wulo 15:7

Zɔhane ati bɛlie bɛ nwo ngoko ngoko wɔ Nyamenle anyunlunyia ti, kɛmɔ Kelaese liele bɛ la.

2 Kɔl 2:10

Saa bɛfa awie anwo edwɛkɛ bɛkyɛ ye a, ɛnee medame noko meva mehyɛ ye. Saa ɔhyia kɛ mefa awie anwo edwɛkɛ mekyɛ ye a, meyɛ ye zɔhane wɔ bɛ ti wɔ Kelaese anyunlu,

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2

Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

Gyemise Kɛlata ne 2:13

Sonla mɔɔ ɛnze anwunvɔne la, Nyamenle ɛnrɛze ye anwunvɔne wɔ ye ndɛnebualɛ nu; anwunvɔnezelɛ fo keda ndɛnebualɛ zo.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.