Kɔlɔ 3:12 - BAEBOLO ANZƐƐ BULUKU NWUANZANWUANZA

¹² Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

Kɔlɔ 3:12 ပူးပေါင်းရင်းမြစ်များ

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 45:4

Me sonvolɛ Gyekɔbo ati, nee Yizilayɛma mɔɔ mekpa nu meye bɛ la ati, mefa wɔ duma mefɛlɛ wɔ, yɛɛ ɛnze me bɔbɔ ɛdeɛ, noko me duma la ɛ nwo zo.

Ayezaya Buluku ne 63:15

Ɛdɛnkɛma, ɛwɔ anwuma lɔ, wɔ anyunlunyia ɛleka nwuanzanwuanza ne a to ɛ nye nea yɛ. Wɔ ɛhulolɛ kpole ne nee wɔ tumi ne wɔ nienwu? Wɔye wɔ ahunluyelɛyelalɛ ne nee wɔ anwunvɔnezelɛ ne wɔvi me nwo.

Ayezaya Buluku ne 65:22

Bɛnrɛsisi azua na awie mɔ gyɛne adɛnlɛdɛnla nu; bɛnrɛlua na awie mɔ gyɛne ali. Kɛ baka si kyɛ na yeawu la, zɔhane ala yɛɛ me menli ne bahyɛ a, na me menli ne mɔɔ mekpa nu meye bɛ la badidi bɛ sa anloa gyima nwo bɛ nye alie ahyɛ.

Ayezaya Buluku ne 65:9

Mebava Gyekɔbo abo zo amra ne meara na meamaa Dwudama bie mɔ aradɛnla me awoka ne mɔ azo. Menli ne mɔɔ mekpa nu meye bɛ, menli ne mɔɔ sonle me la badɛnla awoka ne mɔ azo.

Gyɛlɛmaya Buluku ne 31:20

“Yizilayɛ, ɛle me ra nrenya mɔɔ mekulo wɔ, ɛle ralɛ nrenya mɔɔ ɛla me ahonle nwo. Mekɛ biala mɔɔ menwɔva ɛ nwo ɛya la, ɛnee ɛ nwo adwenle gyi me adwenle nu. Yemɔti me nwo dɔ wɔ; nɔhalɛ, mebanwu wɔ anwunvɔne. Medame Ɛdɛnkɛma a mese a.

Gyɛlɛmaya Buluku ne 31:3

mevi moa moa menvindele bɛ. Mehulo bɛ ɛhulolɛ mɔɔ ɛnlɛ awieleɛ la, yemɔti metɛdi nɔhalɛ metɛmaa bɛ.

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Edwɛkpa ne kɛmɔ Mateyu hɛlɛle la 24:22

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, saa tɛ ye zɔhane a anrɛɛ sonla ko bɔbɔ ɛnrɛha.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Edwɛkpa ne kɛmɔ Maake hɛlɛle la 13:20

Na Awulae ɛnlea ye menli ne mɔɔ yekpa nu yeye bɛ la ati yede mekɛ ne azo, anrɛɛ sonla ko bɔbɔ ɛnrɛha.

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Edwɛkpa ne kɛmɔ Maake hɛlɛle la 13:27

Mebamaa anwuma soanvolɛma ahɔ ewiade muleɛ ne amuala azo ahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔkpula ɔ bo.

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

1 Kɔl 13:4

Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:4

Nyamenle kpale nu yele yɛ ziele ɛkɛ manle Kelaese kolaa na yeabɔ ewiade, amaa yɛ nwo ade nwuanzaanwu mɔɔ fɔlɛlilɛ biala ɛnle yɛ nu wɔ ɔ nyunlu a. Ɔlua ye ɛhulolɛ ne ati

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:24

Bɛva bɛ su fofolɛ ne mɔɔ Nyamenle ɛbɔ ye kɛ ɔdaye ye ɛsaso na ɔkile ɔ nwo wɔ nɔhalɛ ɛbɛla mɔɔ tenrɛ na ɔle nwuanzaanwu la anu la bɛwula.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8

Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

1 Dw 4:19

Yɛkulo Nyamenle, ɔboalekɛ ɔlumuale ɔhulole yɛ.

2 Dw 1:13

Bɛ kulovolɛ adiema raalɛ ne amra ne mɔ biza bɛ ahye.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”