Kɔlɔ 3:1 - BAEBOLO ANZƐƐ BULUKU NWUANZANWUANZA

¹ Bɛdwazo bɛ nee Kelaese bɛra ngoane nu. Yemɔti bɛmaa bɛ ahonle ɛdoa ninyɛne mɔɔ wɔ anwuma lɔ, ɛleka mɔɔ Kelaese de ye belemgbunli ebia nu wɔ Nyamenle asa fema zo la abo zo.

Kɔlɔ 3:1 ပူးပေါင်းရင်းမြစ်များ

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 16:11

Ɛkile me ngoane adenle; anyelielɛ dɔɔnwo wɔ ɛ nwo ɛkɛ, fɛlɛkolilɛ wɔ ɛ sa fema zo dahuu.

Mrɛlɛbulɛ Buluku ne 15:24

Nrɛlɛbɛvolɛ adenle fa ye kɔ ngoane nu, amaa yeangɔ Ɛbolɔ.

Nolo 10:2

Nrɛlɛbɛvolɛ adwenle tɔ fema zo, na koasea adwenle tɔ bɛne zo.

Edwɛkpa ne kɛmɔ Mateyu hɛlɛle la 22:44

‘Awulae zele me Awulae kɛ: Tɛnla me sa fema zo ɛke, kɔkpula kɛ menwɔva wɔ kpɔvolɛma menwɔwula ɛ gyakɛ abo.’

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Mateyu hɛlɛle la 6:20

Bɛkpondɛ bɛ anwonyia bɛzie anwuma maanle ne anu na ɛlɛtɛba nee nrɛnlana anzɛkye ye, na nwule noko angɔnwua.

Edwɛkpa ne kɛmɔ Mateyu hɛlɛle la 6:33

Bɛbɔ mɔdenle bɛdwenle Nyamenle belemgbunlililɛ ne nee mɔɔ Nyamenle kpondɛ kɛ bɛyɛ la anwo kpalɛ, na ɔkɛva mɔɔ bɛhyia nwolɛ la ɔkɛmaa bɛ.

Edwɛkpa ne kɛmɔ Maake hɛlɛle la 12:36

Devidi luale Sunsum Nwuanzanwuanza ne azo hanle kɛ, ‘Awulae zele me Awulae kɛ, tɛnla me fema zo ɛke, kɔkpula kɛ menwɔva wɔ agbɔvolɛ menwɔwula ɛ gyakɛ abo.’

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Edwɛkpa ne kɛmɔ Luku hɛlɛle la 20:42

Ɔluakɛ Devidi mumua ne ka ye wɔ Edwɛndolɛ Buluku ne anu kɛ, ‘Awulae zele me Awulae kɛ, tɛnla me fema zo ɛke,

Edwɛkpa ne kɛmɔ Luku hɛlɛle la 22:69

Na ɔvi ɛnɛ mɔɔ kɔ la medame Sonla Ra, mebadɛnla Tumivolɛ Nyamenle ne asa fema zo.”

Ɛzoanvolɛma Gyima ne 2:34

Ɔluakɛ Devidi ɔdaye mumua ne yeangɔ anwuma, noko ɔhanle ɔdole ɛkɛ ne kɛ, ‘Awulae Nyamenle ne zele me Awulae kɛ, tɛnla me sa fema zo ɛke,

Ɛzoanvolɛma Gyima ne 7:55

Na ɛnee Sunsum Nwuanzanwuanza ne ɛyi Sitivin tɛkɛɛ la ati, ɔdole ɔ nye anwuma na ɔnwunle Nyamenle anyunlunyia ne na Gyisɛse gyi Nyamenle asa fema zo.

Wulo 8:34

Nwane a kɛhola kɛbua bɛ fɔlɛ a? Asoo Kelaese Gyisɛse, mɔɔ wule, na bɛdwazole ye bɛrale ngoane nu, na ɔde Nyamenle asa fema zo ɛlɛsɛlɛ Nyamenle amaa yɛ la ɔ?

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

2 Kɔl 4:18

Ɛhye ati yɛ nye ɛnla ninyɛne mɔɔ ɛnyelɛ nwu bɛ la azo; yɛ nye la ninyɛne mɔɔ ɛnyelɛ ɛnnwu bɛ la azo. Ninyɛne mɔɔ ɛnyelɛ nwu bɛ la ɛngyɛ na apɛ nu aze, na mɔɔ ɛnyelɛ ɛnnwu bɛ la wɔ ɛkɛ ne dahuu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:10

Yemɔti ahenle mɔɔ dwule la ɔdaye ko ne ala a ɔhɔle anwuma wɔ anwumaneamra anzi lɔ a, amaa ewiade kpokpoti anwu ye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:22

Yelɛma, bɛha bɛ nwo aze bɛmaa bɛ hu mɔ, kɛmɔ bɛyɛ bɛmaa Awulae la.

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

Kɔlɔ 3:2

Bɛdwenle ninyɛne mɔɔ wɔ anwuma lɔ la anwo na bɛgyakyi mɔɔ wɔ azɛlɛ ye azo la.

Kɛlata mɔɔ bɛhɛlɛle bɛhɔmanle Hibuluma la 1:13

Nyamenle anga angile ye soanvolɛma ne mɔ bie kɛ, “Tɛnla me sa fema zo ɛke kɔkpula kɛ menwɔva wɔ agbɔvolɛ menwɔwula ɛ gyakɛ abo.”

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 10:12

Kelaese bɔle ɛtanefakyɛ nwo azu kpalɛ ne mɔɔ yɛ nla la kokye, na ɔhɔdɛnlanle Nyamenle asa fema zo.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 8:1

Mɔɔ yɛlɛka la amuala, saa yɛbɔ ye kpɔkɛ ko a, yemɔ a le ɛhye: yɛlɛ Sɛlɛvolɛ Kpanyinli zɛhae, mɔɔ de Nyamenle Bedevinli ne Belemgbunli Ebia ne fema zo wɔ anwuma.

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.